Números 18:7 - Biblia Mixe de Quetzaltepec

⁷ Mëti'ipës tëy ntsojkpyën, mijts ets mmaank, tyam ntuknipëktë ets ja teety'ajtk xytyuntëty. Miits ja wintsë'këntyakn mkë'ë'am'atëp ets miits jap winë myajwintu'upëktëp jëxkë'p'äämpy ma wit mëët y'atëëytyukyëtyën. Ya'atë tuunk miits mpatëtëp. Jä'ä ko miits të nmo'otë ya'atë kutujkën ets ya'atë tuunk xyajtu'uye'eytyëty, mëti'ipë teetytyëjkëty mëpaat tuntën. Pën tii winë tyuunpy kë'ëmwinma'any, tä yë teetyëjk winë tuntën. Nëjkxëp yajni'ënä'ämë ets y'ookëty.

Números 18:7 ပူးပေါင်းရင်းမြစ်များ

Salmos 115:10

Miits teetytyëjkëty, yi'iyë Wintsën tuk'ijxpätë. Yë'ë xypyutëjkëmëp ets xykyuwa'anmëp.

Éxodo 28:1

Ma Israel ja'ayëtyën, yë m'ajty Aarón yë'ë xëmë winkon myaj'itëp mëët yë y'u'unk y'ëna'k mëti'ipë xyëëwajtëpën; Nadab, Abihú, Eleazar ets Itamar, yë'ëtsës xëmë xymyëtuntëp ma tsajptëjkën.

Éxodo 29:9

Jëtu'un tä yë Aaronkën ets ja y'u'unk y'ëna'këty yajxon xywyë'ënta'tsëtëty ets ënät xypyëjktakëtëty yë kyupitëty. Jëtu'un'äämpy xymyo'ojëty ja kutujkën ets tpa'atwa'akëtëty ja teety'ajtë. Ya'atë ënä'ämën xëmëkyëjxm y'itëty.

Ezequiel 44:15

Yë teetytyëjkëty, Leví ja'ayëty, yë Sadoc yë y'ok'u'unk y'ok'ëna'k, mëti'ipë ojts ka'ap yë tyuunk t'ëxmatstën maas yë ntsajptëjkën oy ja Israel ja'ayëty ojts jyanäyajtu'utëkatsëtë, yë'ëjëty patëtëp etsës xynyimintëty ets xymyëtuntëtyës. Mëpaat xymyëwinkontës ets xytyukwintsë'ëkëtëtyës yë jëyujk on ets jëyujk ne'pny. Ëjts Wintsën, ëjts jëtu'un ni'ënä'ämëp.

Ezequiel 44:16

Jyëkyejpy näjyëtu'un tyëkëtëty maas yë ntsajptëjkën ets tmëwinkontëty yë nwintsë'këntyaknës ets jam ja tyuunk tyajtu'uye'eytyëty ets yë'ë tyuntëp mëti'ipë ënäty jap tuunk'ajtpën.

Ezequiel 44:8

Ets ka'ap tuntë ja näkyënu'kxën ma ja pokymyä'kxën yajpëjktsoyën, yë'ë të nyätyukë'ëwanëtë ja jaaypyaat jaaypyo'kxy.

Levitico 16:2

ets t'ënëmaay: Ënëëmë yë m'ajty Aarón ets këtii oy jëna'a tyëkëty jap ma tsajptëjkën, jëxkë'p ma wit atëëytyuk yajpaatyën, ma jap y'ityën yë Tios yë kyaaxë, këtiipë y'ookëty; jä'ä ko ëjts näynyikëxë'ëkanëpës yootsjoty ma ja kaaxë yajpaatyën.

Levitico 7:35

E ja ayajk ako'onën mëti'ipë yë Tios yajtukwinno'kpën, ya'atë mëpaat yë Aarón yajmo'oy mëët yë y'u'unk y'ok. Tyimtso'ontäky ma ojts ja Tios tkënu'kxyën ja teetytyëjkëty ets yë'ë myëtunëtëty.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 16:40

Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Números 18:20

Ënät ja Tios t'ënëmaay yë Aarón: Mijts ka'ap nëjkx xymyëët'aty yë mkë'ëmnaax mkë'ëmkam, jëtu'un tä yë Israel ja'ayëtyën. Ëjts nëjkx jëtu'un xyjyawë tä jeexyë mnaax mkam xymyëët'atyën ets jëtu'un tä jeexyë mkuma'ayën xypyikyën.

Números 18:3

Yë'ëjëty jëjp'ixy nëjkx tyim'itëty ma ja tuunkën, mëti'ipë jap tu'uye'epyën ma ja wit tëjkën. Këtii tii tontëty, mëti'ipë japën ma wit tëjkën ma näpyaatë y'ityën ets ni tkamëwinkontëty yë wintsë'këntyakn. Jä'ä ko pën tyoontëp winë nëjkxëp y'ooktë ets näjyëtu'un miitsëty.

Números 3:10

Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Números 3:38

E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kutujkën, këtii xynyipëktëty ko pën xyajtso'oktëty.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Tios të myo'oyë.

Efesios 3:8

Oyës ëjts ni'ik naxym nyajpaaty ma ja Tios ja nyaax kyajpnën wa'atspë; e tëëjës xytyuknipëky etsës nkajpxwa'kxëty ja aaw ayuk mëti'ipë ka'ap tjëkyepyën wi'ix nkajpxtë'kxmëty, etsës n'ëwaanëtëty ja ja'ay mëti'ipë ka'ap jyutiis'atën wi'ix ja Kristë myëjëtyën.

Deuteronomio 18:2

Yë Leví ja'ayëty ka'ap nëjkx yë kyuma'ayën nyikääkëtë tä yë jyiiky myëku'ukëtyën. Jä'ä ko yë'ëjëty mëj kuma'ayën tu'uk myëët'ajtëp, mëët ko tmëtuntë yë Wintsën, jëtu'un ijxtëm yë'ë kë'ëm të tnikäjpxyën.

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

Josue 18:7

Yë Leví ja'ayëty ka'ap nëjkx yë nyaax yajmo'otë, jä'ä ko yë'ëjëty yë'ë nëjkx teety'ajtk tuntë ma wyintsën Tyiosëtyën. Yë Gad ets Rubén yë jyä'äyëty ets näjyëtu'un kujkwä'kxy ja Manasés ja jyä'äy tëë yë nyaax tpëjknëtë jam awinmtsow ma Jordán mëjnëëjën, mëti'ipë Moisés mooyëtën, ja Wintsën ja tyuunpë.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Tios ja jyä'äy. Winë aaw winëjot mtuntëty ijxtëm ja Tios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Pedro 5:3

Këtii miits jëtu'un mnäyajnaxëtëty ijxtëm jeexyë mwintsën'atën, ni'ikyënëm xynyajtstunëtëty ja oypyë ma yë'ëjëtyën.

1 Samuel 2:28

E ma tëkokyë yë Israel ja'ayëtyën, mijts ojts nwin'ixtë etsës xymyëtuntëty ets mteety'atëty. Xyaktëty ja wintsë'kën ets xynyino'oktëty jam ma ja wintsë'këntyaknën, xyajtoytyëty ja poom ets xëmë xymyëët'atëty ja mwitëty mëti'ipë mëteety'atëpën ëjts nwintuuyës. Ojts näjyëtu'un nmo'oyës yë m'ap m'okëty ja jë'kxy pëky tä ja tsyu'utyën mëti'ipë myëmiintëpën ja Israel ja'ayëty ets yë'ë tsu'utstëty tjë'kxtëty.