Números 18:5 - Biblia Mixe de Quetzaltepec

⁵ Miits jëtu'un mpatëtëp ya'atë tuunk xyajtu'uye'eytyëty, mëti'ipë jap ma ja Tios ja wyittëjkën ets näjyëtu'un ma wintsë'këntyakn yajkëwentë'atyën. Jëtu'un'äämpy ka'ap n'ëktukjoot'anpëjknëtyës yë Israel ja'ayëty.

Números 18:5 ပူးပေါင်းရင်းမြစ်များ

1 Crónicas 23:24

Ya'atë jëtu'un y'u'unk'ajt y'ok'ajt yë Leví, jëtu'un tä ënäty tyu'kjëëky'at tyu'kmëku'uk'atën, mëti'ipë ja xyëëw miintëpën këxja'ay ko yë'ë tnikopk'atë ja jyä'äyëty, naxy ja jyëmëjtëty i'px, aaktuunk mëët ënäty yajpaatë ma ja tsajptëjkën.

1 Crónicas 23:32

Yë'ë näjyëtu'un ijty y'ijx'ijtëp ja tëkot ma ja näpyaatë y'ityën mëët ja Tios ets ma ja tsajptëjk tëkotën, tyuntë jap jëtu'un mëët ja jyiiky myëku'ukëty, mëti'ipë ja Aarón y'u'unk'ajtyp y'ok'ajtypyën.

1 Crónicas 24:5

Ja tuunk mëti'ipë ojts nyikääkëtën këëkjä'ä, aak ijxpëtsëmy tnija'awëtyë, jam ma ënäty jëtu'un të yajma'kxtën tam ja ja'ayëty mëti'ipë ja ëmaaytyuunk të yajtuknipëktën ma ja Tios tmëtuntëtyën.

1 Crónicas 9:19

Salum, myaank yë Coré, myaank yë Ebiasaf, myaank yë Coré ets ja jyiiky myëku'ukëty mëti'ipë Coré jyä'äy'äjtypyën; yë'ë yajtuknipëjktë ets t'ijx'it tkëwent'atëty ma yajnitëkën ja tsajptëjk, jëtu'un tä ënäty tëëyëp ja y'ap y'okëty të tkëwent'atën ja tëjkëtyakn ma yajnitëkën ja Wintsën ja jyëën tyëjk witnikojpyë.

1 Crónicas 9:23

Ma ja tyuunkëtyën, nixim niyam ënäty nyätyuknikääkëtë ets t'atänëtëty ja tëjkëtyakn ma ja Wintsën ja tsyajptëjkën, ma näpyaatë y'ityën mëët yë Wintsën.

1 Crónicas 9:33

Tam'ajtëp ijty näjyëtu'un yë ëëpë yaxpë, jam ja tyim'ijtëpë ma ja tsajptëjkën, mëti'ipë nyikopk'ajtëpën ja Leví ja'ayët;, nän yi'iyë ijty tyimtuunk'ajtëp, ka'ap tii ëpëky tuntë.

Éxodo 27:21

Yë Aarón ets y'u'unk y'ëna'k yë'ë ya'atë kutë'kxn xëmë yaj'oyëtëp ets jëtu'un tu'ktsu'um tyë'kxëty jyajëty ma ja wit tëjkën ma ja näpyaatë y'ityën mëët yë Wintsën, jëxkë'ëytsyow ma ja wit'atëëytyukën mëti'ipë y'atëëytyujkypyën ja kaaxë mëti'ipë ja käjpxytyu'unën myë'ijtypyën. Ya'atë ënä'ämën xëmëkyëjxm y'itëty ma ja Israel ja'ayëtyën ets ma ja y'ok'u'unk y'ok'ëna'këtyën.

Jeremias 23:15

Paaty ëjts maas nWintsën'atyën, mëti'ipë maaytyääyëpën winë, jëtu'unës n'ënëëmë ja käjpxynyajxpëtëjkëty: Yë ntukkayantëp mëti'ipë ta'amën; yë'ë ntuk'uukantëp mëti'ipë yaj'o'kpën, jä'ä ko mëët yë'ëkyëjxm ko yë käjpxynyajxpëtëjk të pyokytyuntë, tëë ja nëë poky kyëjääjë ma tu'kë'ëyë naax kajpnën.

Ezequiel 44:15

Yë teetytyëjkëty, Leví ja'ayëty, yë Sadoc yë y'ok'u'unk y'ok'ëna'k, mëti'ipë ojts ka'ap yë tyuunk t'ëxmatstën maas yë ntsajptëjkën oy ja Israel ja'ayëty ojts jyanäyajtu'utëkatsëtë, yë'ëjëty patëtëp etsës xynyimintëty ets xymyëtuntëtyës. Mëpaat xymyëwinkontës ets xytyukwintsë'ëkëtëtyës yë jëyujk on ets jëyujk ne'pny. Ëjts Wintsën, ëjts jëtu'un ni'ënä'ämëp.

Ezequiel 44:16

Jyëkyejpy näjyëtu'un tyëkëtëty maas yë ntsajptëjkën ets tmëwinkontëty yë nwintsë'këntyaknës ets jam ja tyuunk tyajtu'uye'eytyëty ets yë'ë tyuntëp mëti'ipë ënäty jap tuunk'ajtpën.

Levitico 10:6

Ënät ja Moisés t'ënëmaay ja Aarón ets ja myaankëty nimäjtskpë, mëti'ipë xyëëwajtëpën Eleazar ets Itamar: Këtii yë mwaayëty xynyajtsmatsëtëty ets ni mkanänyikëëts mkanäy'ixkëëtsëtëty ko pën y'ookëty tyëkoyëty, këtiipë yë'ë mtukjoot'anpëkëtëty ets m'ëk o'knëtëty. Mëti'ipë tëy mëpaat yë naax kajpn mëk tjawëtë yë'ë ko yë Tios të jyoot'anpëky ets të tyajkëtä'äky ya'atë jëën.

Levitico 24:3

Yë Aarón tëë tnijawë wi'ix t'oytyunyën yë kutë'kxn ets jap kyutë'kxëty tu'ktsu'um Wintsën wintum, ma ja wit tëjkën ma näpyaatë y'ityën, jää ma y'atëëytyukëtyën ja kaaxë mëti'ipë myë'ijtypyën ja käjpxytyu'unën. Ya'atë ënä'ämën xëmëkyëjxm jëtu'un y'itëty ets u'unk ok nyëjkxëty.

Zacarías 10:3

Paaty yë Wintsën y'ënä'äny: Tëës ntukjoot'anpëky yë kupixyny këwent'ajtpë, ntukumëtowantëpës yam yë ja'ayëty yë nyëë pyokyëty mëti'ipë tyu'uwinwoowtëpën yë nnaax nkajpnës. Yë Wintsën mëti'ipë maaytyääyëpën winë, mëti'ipë kyëwent'ajtypyën yë kyupixyny, yë Judá yë y'u'unk y'ok, yë'ë yaj'awinpitäämpy tä tu'uk mëk kwaayën mëti'ipë tsiptuunpën.

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

Números 16:46

ets ja Moisés t'ënëmaay ja Aarón: Yajmin yë mjëëntsijtk ets xy'apëkëty yë jëënpajk mëti'ipë jamën ma wintsë'këntyaknën ets xytyukkupëkëty yë poom ets pëyi'ikyë mnëjkxëty ma jam yë ja'ayëtyën ets amëtow yë Tios yë pokymyä'kxën, wä'än yë naax kajpn tpokymye'kxy. Jä'ä ko yë'ë mëk'äämpy të jyoot'anpëky ets ja ëyo'on tëë jam nyatso'ontaknë.

Números 18:4

Yë'ëjëty xëmë jyap'atëty mëët mijts ma ja wit tëjkën ma näpyaatë y'ityën mëët yë Tios. Ko jap tiituunk xyajtu'uye'eytyëty, oy tyimtiijëty mëti'ipë jap tuunk'ajtpën. E ka'ap ënät oypyënëty, mëwinkonëtëty, yi'iyë jëtu'un mëti'ipë paat'ajtëpën.

Números 4:18

Këtii xy'ëwa'atstëty nijëna'a ets Quehat yë myëkunaax myëkukajpn y'atëkoytyëty ma Leví ja'ayëtyën.

Números 8:19

Ëjts yë'ëjës jëtu'un të nwin'ixy yë Leví ja'ayëty etsës të nmo'oy yë Aarón mëët yë y'u'unk y'ëna'k ets jap tkutuntëty tëkokyë yë Israel ja'ayëty ma ja wit tëjkën ma ja näpyaatë y'ityën mëët yë Tios, jëtu'un'äämpy tpaatëty ja pokymyä'kxën ma Tiosën. Jëtu'un'äämpy ka'ap nëkooyë yë Israel ja'ayëty tmëwinkontëty yë Tios yë wyittëjk ets ka'ap wi'ix jyatëty kyëpätëty.

Números 8:2

Ënëëmë yë Aarón, ko t'oytyunëty yë kutë'kxn ets tyajtooypyëkëty, y'ixëp yajxon pën najtsjajëp jamtsow ma mëj jëëntooytyakn nyajts'ixën.

1 Timoteo 1:18

Timoteo, u'unk maay; mijts yam ntuknipëjkpy ets ja tsip xy'atänëty mëët ja mëpëjkën ets ja jot winma'any, jëtu'un ijxtëm ojts ja käjpxynyajxpëtëjk mnimëtyä'äkyën. Jënaakën, mëti'ipë ojts ka'ap tja'akyukën ja jyot wyinma'any, tëë nyäyajtu'utëkoyëtë.

1 Timoteo 3:15

ets pën poxpës, mnijawëp wi'ix mëpaat ja ja'ay jyä'äy'äty mëti'ipë yajpatpën ma ja Tios ja jyëën tyëjkën, ma nyiye'eypyätën ja mëpëjkpëtëjkëty mëti'ipë ja juuky Tios y'ëwtajtëpën, mëti'ipë myëët'ajtypyën ets kyuwäänpyën ja tëyajtën.

1 Timoteo 5:21

Y'ijxyp myëtoopy ja Tios Teety ets ja Jesukristë ja tsajpjotmëtë kukäjpxy winwityëtsypë, ko ya'atë yam ntuknipëky ets xykyuuytyunëty. Tu'knax mpaye'eyëty, ka'ap wyin'ixy wyinkexyëty.

1 Timoteo 6:20

Timoteo, këwent'at mëti'ipë të myajktuknipëkyën. Këtii xymyëtoow'itëty ko ja'ay oy wi'ix myëtya'aktëty mëti'ipë ka'ap maa tyunyën, mëti'ipëty ënantëpën ko tnijawëtë ja tëyajtën.