Números 18:4 - Biblia Mixe de Quetzaltepec

⁴ Yë'ëjëty xëmë jyap'atëty mëët mijts ma ja wit tëjkën ma näpyaatë y'ityën mëët yë Tios. Ko jap tiituunk xyajtu'uye'eytyëty, oy tyimtiijëty mëti'ipë jap tuunk'ajtpën. E ka'ap ënät oypyënëty, mëwinkonëtëty, yi'iyë jëtu'un mëti'ipë paat'ajtëpën.

Números 18:4 ပူးပေါင်းရင်းမြစ်များ

Ezequiel 44:14

Yë'ëjës nëjkx ntuktuntë mëti'ipë ka'ap tsyowpaatyën ets tuntëty mëti'ipë mëpaat yajtunyën.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

Números 18:3

Yë'ëjëty jëjp'ixy nëjkx tyim'itëty ma ja tuunkën, mëti'ipë jap tu'uye'epyën ma ja wit tëjkën. Këtii tii tontëty, mëti'ipë japën ma wit tëjkën ma näpyaatë y'ityën ets ni tkamëwinkontëty yë wintsë'këntyakn. Jä'ä ko pën tyoontëp winë nëjkxëp y'ooktë ets näjyëtu'un miitsëty.

Números 18:5

Miits jëtu'un mpatëtëp ya'atë tuunk xyajtu'uye'eytyëty, mëti'ipë jap ma ja Tios ja wyittëjkën ets näjyëtu'un ma wintsë'këntyakn yajkëwentë'atyën. Jëtu'un'äämpy ka'ap n'ëktukjoot'anpëjknëtyës yë Israel ja'ayëty.

Números 3:10

Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Números 31:30

E ja kujkwä'kxy mëti'ipë ja naax kajpn patëtëpën, jëtu'un tä ja'ayën, jëyujkën, tsajpkaajën, kruktsën, kupixynyën, tu'ukjaty xyjyëpëkëty winë ma ja wëxtyikxy majkjatypën. Ets ja Leví ja'ay jä'ä xymyo'otëty mëti'ipë jap tuunpën maas nwittëjkën.

Números 8:26

Ko ënäty të tyajka'pxnëtë ja jyëmëjtëty, jyëkyäjpnëp je'eyë ja myëku'uk tjaakputëkëtëty ma jap tii yajtuna'anyën nayiin nawään ma ja wit tëjkën ma ja näpyaatë y'ityën mëët ja Tios, e ka'ap tyimxëmë'atëty. Jëtu'un mëpaat yajxon xymyä'kxy ja tuunk mëti'ipë yajtu'uye'eytyëpën ja Leví ja'ayëty.

1 Samuel 6:19

E ja Wintsën ojts tyaj'o'knë ja ja'ayëty jampë kyukajpn'atën Bet-semes, mëët ko ënäty të kyu'ixëtë jap kaaxëjoty kë'ëmwinma'any. Jä'ä y'o'ktë ja ja'ayëty oy nitëkë'px majkën. Ja naax kajpn mëk tja'awëtyë mëët ko ënäty ja Wintsën të tyajkutëkoy ja mayjyä'äy ko tukjoot'anpëjky.