Números 18:24 - Biblia Mixe de Quetzaltepec

²⁴ Yë'ëjës të nmo'otë mëti'ipës xymyooytyëpën yë Israel ja'ayëty ma tu'kpëky yajëpëkyën ja majk pëkpyë. Patyës të n'ënëëmëtë ko ka'ap tmëët'atëty nyaax kyamëty ma Israel ja'ayëty it naaxwiinyëtë tnitänëtën.

Números 18:24 ပူးပေါင်းရင်းမြစ်များ

Nehemías 10:38

Ko ënäty ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

Nehemías 13:12

tä ja Judá ja'ayëty tmëye'eymyujktë ja jë'kxy pëky mëti'ipë tu'kpëkyjyäty yajyajkpën ma ja majk pëkpyë yajyäkyën, ijxtëm yë tsajpmokën, tsatsymnyëëjën mëti'ipë yaj'ukpën ets onën.

Levitico 27:30

Ja tu'kpëkpyë ma ja majkjatypë winë pyëtsimyën kamwinm tu'uwinm, Tios yë jyä'ä'ajtyp ets yë'ë mëpaat yajmo'oy.

Números 18:25

Ënät ja Tios ojts tmëkäjpxy ja Moisés ets t'ënëmaay:

Números 18:26

Jëtu'un xy'ënëëmëty yë Leví ja'ayëty: ko t'ëxajëtëty ja tu'kpëkpyë yajëpëkyën ma ja majk pëkpyën mëti'ipë yë Israel ja'ayëty yajktëpën. Nëjkxëp näjyëtu'un ëpëky tyajktëpë tu'kpëky ma ja majk pëkpyën.

Números 26:62

Yë ye'etyëjktëjk mëti'ipë Leví y'u'unk'ajt y'ok'ajtën, mëti'ipë ënäty tu'kpo'o ëka'any jyuuky'ätynyëmën ets mëjja'aypyaat, jä'ä nyiwinë'ajtë i'px tëkëëk mil. Yë'ëjëty ka'ap ojts jap ja xyëëwëty yajjaaypyätë ma ja Israel ja'ayëty yajjaaypyäjtën, jä'ä ko ka'ap ojts ja nyaax kyam yajmo'otë tä ja myëku'uktëjkëtyën.

Deuteronomio 10:9

E paatykyëjxm yë Leví ja'ayëty ka'ap yë nyaax kyamëty të tpëktë ets ka'ap yë kyuma'ayën të yajmo'otë ma ja jyiiky myëku'ukëtyën, jä'ä ko yë Wintsën yë'ë kyuma'ayën'ajtëp, jëtu'un ijxtëm yë Wintsën të tnikäjpxyën.

Deuteronomio 26:12

Ko ja mëtëkëëk jëmëjtpë tpaatëty, ma yajyäkyën mëti'ipë ënäty majk të yajpupëkyën ma ja mëko'pxpën oy tyimtiijëty, mëti'ipë të xyajpëtë'ëkyën mkamwinm mtu'uwinm ets ënäty ëpëky të xypyëjktakta'ay ets pën tëë näjyëtu'un xymyo'oy ja Leví ja'ayëty, jaaypyaat jaaypyo'kxyëty, ku'ooky'u'unk, ku'ookytyo'oxëty mëti'ipë yajpatëpën ma mnaax mkajpnëtyën ets jotkujk të xyajkay të xyaj'uuky.

Josue 13:14

Yë Moisés ka'ap ojts tmo'oy yë nyaaxëty yë Leví ja'ayëty, jä'ä ko yë'ëjëty ojts yajtuknipëktë ets tjä'ä'atëty ja mëti'ipë yajno'kpën Tios wintuuy mëti'ipë yë Israel ja'ayëty y'ëwtajtëpën, jëtu'un tä ënäty yë'ë kë'ëm të tni'ënä'ämën.