Números 18:21 - Biblia Mixe de Quetzaltepec

²¹ E yë Leví ja'ayëty, yë'ëjës yam nmoopy ets yë'ë tjä'ä'atëty mëti'ipë yë Israel ja'ayëty yajktëpën, tu'kpëky ma ja majk pëkpyën ko winë tpaatë t'ijxtë. Yë'ë myëju'uny'atëp, mëët ko jap tyuntë ma wit tëjkën ma näpyaatë y'ityën mëët yë Tios.

Números 18:21 ပူးပေါင်းရင်းမြစ်များ

Génesis 14:20

Tukxoontä'äky xëmë y'itëty yë Tios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënät yë Abram ojts majk tpupëky mëti'ipë ënäty myëët'ajtypyën.

Génesis 47:24

Mëti'ipë tëy mtuntëp, tu'kpëkyjyäty nëjkx xypyupëktëty ma ja mëkoxkjatypyën ets yë'ë ja yajkutujkpë xymyo'otëty, e ja taxkpëkpyë ënäty wyi'imyën yë'ë ja mëti'ipë mni'iptëpën ets mëti'ipë mjë'kxtëpën mpëktëpën mëët yë m'u'unk m'ëna'këty ets tu'kë'ëyë jënu'un y'itën ma mjëën mtëjkëtyën.

Génesis 47:26

Jëtu'un ojts yë José tyajwë'ëmy yë ënä'ämën, ko tëkokyë yë naax kajpn kopkpëky ko tmo'otëty yë yajkutujkpë tu'kpëkyäty ma ja mëkoxkjatypyën, jënu'un ënäty winë tyaj'it tyajwintëwtën ma ja nyaax kyamëtyën. Ya'atë ënä'ämën kutujkën je'eyëm tyampaat tpatuntë yë ja'ayëty, yi'iyë yë teetyëjkëty ka'ap nitii ayajk ako'onën tyaktë, jä'ä ko yë nyaaxëty ka'ap ojts tkë'ëyaktë ma yajkutujkpën.

2 Crónicas 31:12

tääts jap tpëjktaktaaytyë mëti'ipë ja ja'ay ënäty të tyaktën ets mëti'ipë ënäty ja Wintsën të yajtuknipëjktaakën. Conanías mëët ja y'uty Simí yë'ë ojts tuknipëktë ets tkëwent'atëty.

Nehemías 10:29

ojts tyu'ukmujkta'atë jënu'un ënäty tyu'ukjëëky'at tyu'ukmëku'uk'atën mëët ja kyopktëjkëty ets ojts tnikajpxtë ko tpatuna'antë ja Wintsën ja y'ënä'ämën tyiyajtën mëti'ipë yajwë'ëmën mëët ja Moisés, ets ko tpatuna'antë ja ënä'ämën tëyajtën, ja winma'any ets ja y'aaw y'ayuk ja Wintsën.

Nehemías 10:37

Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

Nehemías 10:38

Ko ënäty ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

Nehemías 12:47

Paatykyëjxm ko yë Zorobabel jyuuky'äjty ets ko yë Nehemías jyuuky'äjty, tëkokyë yë Israel ja'ayëty xëmë ijty tkë'ëyaktë jë'kxy pëky ma ja'ayëtyën mëti'ipë ëëwtëpën xuxtëpën, ëëwtëpën yaxtëpën, mëti'ipë ja tëjk'aaw kyëwent'ajtëpën; myooytyëp ijty näjyëtu'un yë Leví ja'ayëty mëti'ipë paatë'ajtëtëpën ets Aarón yë y'u'unk y'okëty.

Nehemías 13:12

tä ja Judá ja'ayëty tmëye'eymyujktë ja jë'kxy pëky mëti'ipë tu'kpëkyjyäty yajyajkpën ma ja majk pëkpyë yajyäkyën, ijxtëm yë tsajpmokën, tsatsymnyëëjën mëti'ipë yaj'ukpën ets onën.

Nehemías 13:5

ojts tëjkmo'oy jap mëjtëkoty ya'atë Tobías, jap ma ënäty ja jë'kxy pëky yajnipëjkpetyën, ja poom, ja apëjk atu'unën, ja tu'kpëkpyë mëti'ipë yajjëpëjkpën ko majkpëky yajpëjkwä'kxy tä ja tsajpmokën, ja uuky ets ja on, mëti'ipë yajmooytyëpën ja Leví ja'ayëty, ëëpë xuxpëty, ëëpë yaxpëty ets ja tëjkëwent'ajtpëty, ëpëky ja ayajk ako'onën mëti'ipë yajyajkpën kë'ëmwinma'any mëti'ipë yajmooytyëpën ja teetytyëjkëty.

Malaquías 2:4

Jëtu'un xynyijawëtëty ko ya'atë ënä'ämën mëti'ipë të nmo'otën yë'ë itaanp xëmë ma Leví ja'ayëtyën. Yë Wintsën mëti'ipë maaytyääyëpën winë yë'ë ënaanp.

Malaquías 3:10

Mëmintë yë m'ayajk m'ako'onënëty maas yë njëën ntëjkën, ma mpaatëtën xyaktëty tu'kpëky ja majk pëkpyë; jëtu'un jyam'atëty ja ka'ayën ukën maas yë ntsajpjëën mtsajptëjkën. Ëk winma'any'ijxtëkës ets xy'ixtëty pën këtiis yë nëë tuu n'ëkyajtsoony jam tsajpkëjxm ets kënu'kxën kyëta'akëty ma miitsëtyën mëjwiin këjää.

Números 18:6

Ëjts kë'ëm ëpëky të npëjktä'äkyës yë Leví ja'ayëty ets mijts nmo'oy. Yë'ë mputëkëtëp ets jap tyuntëty ma ja wit tëjkën ma näpyaatë y'ityën mëët yë Tios.

Números 3:6

Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Números 31:28

Xytyukniwë'ëmtëpës ëjts näjyëtu'un ëpëky yë njä'ä: mëti'ipë yë tsiptuunpëtëjk tuka'ajëtëpën, yë ja'ayëty, jëyujkëty, tsajpkaajëty, kruktsëty, kupixynyëty. E tu'ukjaty nëjkx xywyinjuutë ja mëti'ipë të yajnikäjpxyën ma ja mëkoxk mëko'pxjatypyën.

Gálatas 6:6

Ko tu'uk ja ja'ay t'ëxajëty ja ijxpëjkën ma ja oy aaw oy ayuk ni''ijxpëkën, pyutëkëp ja mëti'ipë yaj'ijxpëjkëpën ma tii tyajmëyätyën.

Deuteronomio 18:8

Näyjyëtu'un nëjkx tjä'ä'aty ja jë'kxy pëky, tä ja myëku'uktëjkëtyën, ëpëky mëti'ipë ënäty ja tyeety tukumaayëpën.

Hebreos 7:5

Jëtu'un ja Moisés ja y'ënä'ämën y'ënä'äny ko ja teetyëty mëti'ipë Leví y'u'unk'ajtyp y'ok'ajtypyën, yë'ë yajmooytyë ja tëyajtën ets ja jyiiky myëku'uk tukyaktëty tu'kpëky ja majk pëkpyë, oy ja Abraham tja'u'unk tja'okëty.