Números 18:19 - Biblia Mixe de Quetzaltepec

¹⁹ Tëkokyë mëti'ipë yë Israel ja'ayëty ëjts xytyukniyajkëtëpën mijts yam nmoopy ets näjyëtu'un ja m'u'unk m'ëna'k ye'etyëjk to'oxytyëjk, mëti'ipë tsënaaytyëpën ma mjëën mtëjkën. Ya'atë ënä'ämën xëmë jëtu'un mëpaat y'ity. Ya'atë yë'ë tu'uk yë käjpxytyu'unën, mëti'ipës yam ntuunpyën mëët mijts ets m'u'unk m'ëna'k. Ets ka'ap tjëkyepy pën tyajtëkatsëty.

Números 18:19 ပူးပေါင်းရင်းမြစ်များ

2 Reyes 12:16

E jä'ä ënät ja meenypë mëti'ipë ja ja'ay nätyukukëpäjtëpën ko pyokytyuny, ëkë ko ja tëko'oyën tmëëtëty, ka'ap ja yajmënëjkxy ma ja tsajptëjkën, jä'ä ko jä'ä ja teety jyä'ä'ajtëp.

2 Crónicas 13:5

¿Këtii xynyijawëtë ko yë kutujktakn yë'ë ojts Wintsën tukë'ëtëkë yë Davidjë ets y'u'unk y'okë ets yë'ë tmëët'atëty xëmëkyëjxm, mëët tu'uk ja käjpxytyu'unën mëti'ipë ka'ap pën myäyëtëty tjënaxëtyë?

2 Crónicas 31:4

Ezequías ojts tuknipëky ja Jerusalén ja'ayëty ets tmo'otëty ja teetyëjk ets ja Leví ja'ayëty ja ayajk ako'onën ets tyuntëty tu'kjëjp ma ja Wintsën ja tsyajpjëën tsyajptëjkën.

Éxodo 29:27

Ëpëky xypyëjkta'akëty yë katsy xyixy mëti'ipë ayajkën'ajtp ako'onën'ajtpën jä'ä xëëw, yë pyuuy mëti'ipë ëpëky yajyajkpën, ëpëky xypyëjkta'akëty, jä'ä ko tääpë yë'ë Aarón të yajtukniwë'ëmy ets y'u'unk y'ëna'k.

Ezequiel 43:24

ets xytyukwintsë'ëkëtyës. Yë teetytyëjkëty yë'ë kyaanëtëp ets tyajjëëntë'ëtstëty, yë'ë jëtu'un mëti'ipë yajyakëpën tä tu'uk wintsë'kënën nino'oky nixämpyë.

Levitico 2:13

Tëkokyë yë m'aaytyëëm m'ujts tëëm mtukmëxëpinëp yë kaan, mëti'ipë yë Tios mo'ojëpën ets kaan ka'ap tyëkoy'atëty ma ja m'aaytyëëm m'ujts tëëmën, mëët ko ja käjpxytyu'unën ojts mëët ja Tios yajtuny. Ko yë m'ayajk m'ako'onën xyaka'anëty mëët yë nyikaan xyajkëty.

Levitico 21:22

Pën kyayäämpy jyëkyäpëp yë tkayëty, oy yë'ëjëty mëti'ipë kënu'kxyën ets mëti'ipë wa'atsën.

Levitico 7:14

Oy tyimmëti'ipë ayajk ako'onënëty, kopkpëky ko wäänë yajpupëkëty mëti'ipë yë Tios yajmo'ojëpën ets yë'ë nyäkyuyakë'atëty mëti'ipë ënäty wäänë yajyajkpën; yë'ë jyä'ä'atëp ja teety mëti'ipë ënäty ja ne'pny jam xyijkxjëtijtypyën ma ja wintsë'kën yajyäkyën, ko ja nay'ëëw'oy näykyajpx'oyë y'ity.

Números 18:11

Mijts yam näjyëtu'un nmoopy yë ayajk ako'onën mëti'ipë yë Israel ja'ayëty ëpëky xymyooytyëpës ets mijts xyjyä'ä'atëty mëët yë m'u'unk m'ëna'k yä'äy ëna'kpë to'oxy ëna'kpë, mëti'ipë yajpatëpën mëët mijts. Ya'atë aaw ayuk ënä'ämën jëtu'un yam nyajwë'ëmpyës xëmëkyëjxm. Oypyënëty, mëti'ipë ënäty mku'ijtëyëpën ma mjëën mtëjkën, jyëkyäpëp tsu'utsëty ya'atë tsu'utsy, pën näjya'awëyëp kë'ëm ko wa'ats yajpaaty Tios wintum.

Números 18:8

Ënät ja Tios t'ënëmaay ja Aarón: Mijts të ntuknipëky ets xykyëwentëpëjkta'ajëty yë ayajk ako'onën mëti'ipës yajmoopyën. Tëkokyë yë ayajk ako'onën mëti'ipë yë Israel ja'ayëty yajktëpën, kënu'kxy yë nyajxnë. E paaty, mijts ets m'u'unk n'ëna'k yam nmooytyëp, jä'ä ko mpatëtëp jëtu'un. Ya'atë ënä'ämën yë'ë xëmë itëp.

Números 31:29

Ets nëjkx xymyo'oy yë teety Eleazar, mëti'ipës yajtukmëyoxëpën.

Números 31:41

Moisés yë'ë kyë'ëmooytyääy ja teety Eleazar, tëkokyë winë mëti'ipë ja Wintsën yajmoopyën, jëtu'un tä ënäty ja Wintsën të tni'ënä'ämën.

Deuteronomio 12:26

E pën tëë xytyuknipëjktaakëtë ets m'ayajk m'ako'onën xyaka'antë, ëkë tëë tii yë Wintsën xytyukwinwanëtë, jam nëjkx xyaktë ma ënäty ja it naaxwiinyëtë të twin'ixyën.

Deuteronomio 12:6

Jam nëjkx yë Wintsën xytyukwintsë'ëkëtë yë jëyujk. Nëjkxëp yë Wintsën jam xymyo'otë yë tu'kpëkpyë yajjëpëkyën ma ja mmajkpëkpyën ets tii ënäty miitsëty mo'ojantëpën. Yë'ë nëjkx xykyë'ëmo'otë ja mjëyujk mtsajpkaajëty, mëti'ipë më''ëka'any të myinyën naaxwiiny.