Números 18:18 - Biblia Mixe de Quetzaltepec

¹⁸ Jëkyejpy mijts xymyëwë'ëmëty yë tsu'utsy, yë kyäty ets pyuuy a'oy'äämpyë mëti'ipë ëpëky yajtukniyajkëpën.

Números 18:18 ပူးပေါင်းရင်းမြစ်များ

Nehemías 10:37

Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

1 Samuel 9:24

Ënät ja yajtojkx'o'oyëpë ënätyë t'apëjkëty texyjoty tu'uk ja puuy ets tmooy ja Saúl. Tä ja Samuel y'ënëmaayë: Ya'atë të myajtuknipëjkë'ëkë mijts. Kay uuk, ëjtsës kë'ëm të mpëjkë'ëky ets mijts ntuknipëjkë'ëkë maas ja naax kajpn të nwoowmukyën. Jëtu'un'äämpy ojts ja Saúl kyäy mëët ja Samuel jä'ä xëëw.