Números 18:13 - Biblia Mixe de Quetzaltepec

¹³ Näyjyëtu'un ma ja pëjktä'äky ëka'any yajpëjkë'ëky yajtuunë'ëkyën, mijts yam näjyëtu'un nmoopy mëti'ipës ja Israel ja'ayëty xytyuknimiintëpën. Oypyënëty, pën ënäty jap tsënääpyën ma mjëën mtëjkëty, pën wa'ats yajpaaty jyëkyäpëp tjë'kxëty.

Números 18:13 ပူးပေါင်းရင်းမြစ်များ

2 Reyes 4:42

Ok tu'uk yë ja'ay jam jyä'äjty, jam tsyoony Baal-salisá, yë'ë tyuknimiin ja Elisejë yë tsajpkääky, i'px tyajmiiny ets tsajpmoktë'ëts jam ma ja xyuumyën. Tä ja Elisejë ojts tuk'ëne'emy ja tyuunpë: Yajkaaytya'a ja'ay.

2 Crónicas 31:5

E ko ojts ja ayuk jëtu'unpë ye'eywyä'kxy, ja ja'ayëty kë'ëm jot kë'ëmwinma'any ijty winë tjanty yaktë, mëti'ipë yajë'kx yajpëjkpën ets mëti'ipë yaj'ukpën, ja kamwinmëpë pyëtsimyën. Ëpëky näjyëtu'un tyajktëpë tu'kpëkyjyäty ja maypyë.

Éxodo 22:29

Ka'ap xymyëpo'kxëty yë m'ayajk m'ako'onën ets mpëjktä'äky mëti'ipë mmëminëpën ma ëjtsën. Yë m'u'unk mmaay, mëti'ipë ënäty më''ëka'any mëxu'unk'ajtpën, ëjts xymyo'ojëp.

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Éxodo 34:26

Yë'ë mëpaat xymyënëjkxtë ma ja mWintsën Tios ja tyëjkën, oyëtypë aaytyëëm ujtstëëm mëti'ipë tëëm'ajtë'kpën më''ëka'any, jampë pyëtsimyën naaxwinm kamwinm. Këtii yë tsajppax u'unk jap xyajkë'ëwtëty ma tyaak yë tsyi'tsk nëëjën.

Jeremias 24:2

Tu'kkatsy yaj'ixy oyëty ja higo tëëm, yë'ë mëti'ipë më''ëka'any tsaamë'kpën ets tu'kkatsy yaj'ixy ka'apë y'oyëty, ka'ap tjëkyepy wi'ix pën tjë'kxëty.

Ezequiel 44:30

Yë teetytyëjkëty nän yë'ë nëjkx tjä'ä'atë mëti'ipë më''ëka'any pëtë'kpën kamjoty tu'ujoty ets ja ayajk ako'onën mëti'ipë më''ëka'any yajyajkpën. Ets ko ënäty ja jëtsy yajwooky mëti'ipë tsajpkääky yajtuk'oytyuunpën, yë'ë nëjkx yë teetytyëjkëty tjä'ä'atë. Jëtu'un nëjkx yë nkënu'kxënës jam kyëtä'äky ma mjëën mtëjkëtyën.

Oseas 9:10

Jëtu'un yë Wintsën y'ënä'äny: Koos mpaty yë Israel, jëtu'unës jotkujk näjya'awëy tä ja'ay tpaatyën yë tsatsym jam të'ëts'itjotm. Yë m'ap m'okëty jëtu'unës n'ijxy tä yë higos tsojk tsyaamë'ëkyën. E ko jam jyajtë Baal-peor wiink tios ojts nyätyukmëkënu'kxëtë ets ojts tuntë winë ëxëëk tä y'ëxëkëtyën yë y'awinaxëty mëti'ipë ënäty tsyojkën'ajtëpën.

Levitico 22:7

Jäänëm wa'ats wyë'ëmëty ma ënäty ja xëëw të kyëtaknën, täänëm tjëkyäpëty tjë'kxëty, ja mëti'ipë wa'atsën mëti'ipë patëpën tjë'kxëty.

Levitico 23:17

Ets mäjtsk yë tsajpkääky xymyëtsoontëty jam ma mtëjkëtyën tsajpmokwaytsyooymyëëtpë, mëti'ipë mëët y'oytyunyëtyën yë tsajpmokway ja wäänë'oypyë, tu'ukpë ja tsajpkääky jä'ä ja tsajpmokway tyajnëjkxëty taxk tsimën ets ja Tios yë'ë yajmo'ojëty, mëët ko ja jë'kxy pëky jam tyäky kamwinm tu'uwinm.

Miqueas 7:1

Mon tukës nyajpaaty. Jëtu'unës tä tu'uk yë ja'ay t'ixtaaymyukyën yë akiink aka'ak ma ja pyëjktä'äky të tyajpëtë'ëkyën ets ka'ap tpaaty yë higos, yë tsatsym ets ujtstëëm mëti'ipë jyë'kxäämpyën.

Deuteronomio 18:4

Näyjyëtu'un ja aaytyëëm ujtstëëm, ja aaypyajk ujtspajk, tä yë tsajpmokën, tsatsymnyëëjën ets on mëti'ipë ëka'any yajpëjkë'kpën; näjyëtu'un ja u'kxywyit mëti'ipë ëka'any ja ja'ay nyëëke'pyën ma ja kyupixynyën.

Deuteronomio 26:2

Ja aaytyëëm ujtstëëm, ëkë ja aaypyajk ujtspajk mëti'ipë ënäty ëka'any myajpëtë'kpyën, yë'ë mwin'ixëp yë oyëtypë tsujëtypë ets jap xy'apëkëty ma tu'uk yë katsyën, tääts xymyënëjkxëty jam ma ja it naaxwiinyëtën, mëti'ipë yë mWintsën ënäty kë'ëm të twin'ixyën, ko jam yë xyëëw yaj'ëwtatëty yaja'amyätsëty.