Números 18:11 - Biblia Mixe de Quetzaltepec

¹¹ Mijts yam näjyëtu'un nmoopy yë ayajk ako'onën mëti'ipë yë Israel ja'ayëty ëpëky xymyooytyëpës ets mijts xyjyä'ä'atëty mëët yë m'u'unk m'ëna'k yä'äy ëna'kpë to'oxy ëna'kpë, mëti'ipë yajpatëpën mëët mijts. Ya'atë aaw ayuk ënä'ämën jëtu'un yam nyajwë'ëmpyës xëmëkyëjxm. Oypyënëty, mëti'ipë ënäty mku'ijtëyëpën ma mjëën mtëjkën, jyëkyäpëp tsu'utsëty ya'atë tsu'utsy, pën näjya'awëyëp kë'ëm ko wa'ats yajpaaty Tios wintum.

Números 18:11 ပူးပေါင်းရင်းမြစ်များ

Levitico 10:14

E yë katsy ets puuy mëti'ipë jëtu'unyë nayajyajkpën, jam mëpaat xytsyu'utstë ëwaatsëtuuy ma wya'atsëtyën, mëët ja m'u'unk m'ëna'këty, m'u'unk mto'oxytyëjk; jä'ä ko miits yë mpatëtëp ma ja Israel ja'ayëty tyaktën ja ayajk ako'onën, ko ja nay'ëëw'oy näykyajpx'oyë tuntë.

Levitico 7:14

Oy tyimmëti'ipë ayajk ako'onënëty, kopkpëky ko wäänë yajpupëkëty mëti'ipë yë Tios yajmo'ojëpën ets yë'ë nyäkyuyakë'atëty mëti'ipë ënäty wäänë yajyajkpën; yë'ë jyä'ä'atëp ja teety mëti'ipë ënäty ja ne'pny jam xyijkxjëtijtypyën ma ja wintsë'kën yajyäkyën, ko ja nay'ëëw'oy näykyajpx'oyë y'ity.

Números 18:1

Ënät yë Wintsën t'ënëmaay yë Aarón: Mijts ets mmaank'ëna'k ets Leví ja'ayëty, mëti'ipë mijts näjyëtu'un mtuk'ijtëpën, mijts jëtu'un mtukëtakpätëtëp ja nëë poky ko pën tii poky tuuntëkoyëty ma Tios yë wyittëjkën. E ko miitsëty tii xykya'oytyuuntëpëty, mkë'ëmpoky nëjkx xykyumëtowtë.

Números 18:10

Tëkokyë ye'etyëjktëjk mëti'ipë yajpatëpën ma miitsëtyën, jyëkyäptëp tjë'kxtëty ya'atë ayajk ako'onën, jä'ä tëy, jam mëpaat tsu'utstë ma tu'uk yë itjotmën mëti'ipë kënu'kxyën ets yë'ë Wintsën jyä'ä'ajtyp, jä'ä ko ya'atë tsu'utsy ëmaay yë oy.

Números 18:19

Tëkokyë mëti'ipë yë Israel ja'ayëty ëjts xytyukniyajkëtëpën mijts yam nmoopy ets näjyëtu'un ja m'u'unk m'ëna'k ye'etyëjk to'oxytyëjk, mëti'ipë tsënaaytyëpën ma mjëën mtëjkën. Ya'atë ënä'ämën xëmë jëtu'un mëpaat y'ity. Ya'atë yë'ë tu'uk yë käjpxytyu'unën, mëti'ipës yam ntuunpyën mëët mijts ets m'u'unk m'ëna'k. Ets ka'ap tjëkyepy pën tyajtëkatsëty.

Números 18:8

Ënät ja Tios t'ënëmaay ja Aarón: Mijts të ntuknipëky ets xykyëwentëpëjkta'ajëty yë ayajk ako'onën mëti'ipës yajmoopyën. Tëkokyë yë ayajk ako'onën mëti'ipë yë Israel ja'ayëty yajktëpën, kënu'kxy yë nyajxnë. E paaty, mijts ets m'u'unk n'ëna'k yam nmooytyëp, jä'ä ko mpatëtëp jëtu'un. Ya'atë ënä'ämën yë'ë xëmë itëp.

Deuteronomio 18:3

Ma ja'ay ja wintsë'kën tyaktën, tä yë tsajpkaajën ëkë kupixyny mëti'ipë ja teetytyëjkëty paat'ajtëpën yë tyaapë. Yë'ë nëjkx tjä'ä'atë ja jëxk, ja y'apajk ets ja myox.