Números 18:1 - Biblia Mixe de Quetzaltepec

¹ Ënät yë Wintsën t'ënëmaay yë Aarón: Mijts ets mmaank'ëna'k ets Leví ja'ayëty, mëti'ipë mijts näjyëtu'un mtuk'ijtëpën, mijts jëtu'un mtukëtakpätëtëp ja nëë poky ko pën tii poky tuuntëkoyëty ma Tios yë wyittëjkën. E ko miitsëty tii xykya'oytyuuntëpëty, mkë'ëmpoky nëjkx xykyumëtowtë.

Números 18:1 ပူးပေါင်းရင်းမြစ်များ

Éxodo 28:38

Yë'ë Aarón ya'atë tsyëëm'itëp ets yë'ë tukëtakpäjta'ajëtëp ja Israel ja'ayëty ja nyëë pyokyëty, näjyëtu'un ko ja yojxën tkë'ëyakëty ma ja Tiosën, yë Tios ko t'ixëty ya'atë tsya'a, ënätnëm t'ëxajëty tkupëkëty ja yojxën mëti'ipë ënäty yajmoopyën.

Isaías 53:11

E oy ënäty ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënäty nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Isaías 53:6

Ëëtsajtëm jëtu'unyë ojts axit ako'owë njajta'ayëmë tä kupixynyën, xim yam ja në'ë tu'u ojts npëjkëmë; e yë Wintsën yë'ë ojts tkexy ja tyuunpë ets jam tkëxpëjktaay ma yë'ëjën ja npoky'ajtëmë.

Ezequiel 4:4

Ënät mnäkyo'okëtëty anajnytsyow ets mnätyuknipëkëtëty ja nyëë pyokyëty ja Israel ja'ayëty. Jam jëtu'un mko'knëty ets xytsyëëm'itëty ja nyëë pyoky ja naax kajpn.

Levitico 10:17

¿Wi'ix ko jam të xykyatsu'utstë ya'atë wintsë'kën mëti'ipë nëë poky yajtuknikëpäjtutpën, ma tu'uk yë naawiinyën wa'atspë? Ya'atë wa'ats yë'ë ets Tios tëë miits mo'ojëtë ets xymyënëjkxtëty yë nyëë pyokyëty yë naax kajpn jam Tios wintum ets ja pokymyä'kxën tpaatëty.

Levitico 22:16

Ets pyokytyuuntëpëty jëtu'un, mëët ko ënäty tjë'kxtë ja mëti'ipë wa'atsën ets kënu'kxyën. Ëjts jëtu'un Wintsën, mëti'ipë yë'ëjëty të kyënu'kxëtën.

Levitico 22:9

Ënëëmëtë ets tpatuntëty ja n'aaw n'ayukës. Këtiipë tii poky tsëëmë'ëktëty, mëët ko tkumëtoownaxtë. Këtiipë y'ooktëty. Jä'ä ko ëjts Wintsën, mëti'ipë yë'ëjëty të yajwa'atsëtën.

Números 14:34

Wëxytyikxy xyëëw jam m'ijtë joyjyotm ets xy'ijxtë xytyuuntë. E jëtu'un ënät wëxtyikxy jëmëjt xykyëpätëty ja mpokyëty: tu'kjëmëjt xykyukëpätëty ja tu'kxëëwpë mtuuntëkooytyën. Jëtu'un'äämpy xynyijawëtëty wi'ix ja ja'ay jyäty kyëpetyën mëti'ipës xykyamëjpëjktakpën.

Números 16:10

Yë Tios të tsojkën'aty ets mijts mëët yë mja'ay winkon myajpaatëty ma yë'ëjën. ¿E miitsëty tääts näjyëtu'un xytsyojkën'ajnëtë ja teety'ajtkë?

Números 17:13

Tëkokyë mëti'ipë nëkoo kë'ëmwinma'any myëwinkoonpyën yë Tios yë wyittëjk, ookëp yë'ë. ¿Tii wä'än ënät ëëts n'o'kta'atëtyë?

Números 17:3

E ja tajk mëti'ipë ja Leví ja'ay jyä'ä'ajtëpën, jam nëjkx ja Aarón ja xyëëw xykyëxpëjkë, tu'ukjaty mëpaat ja'ay ja tajk tpëjkta'aktë.

Números 17:7

Ënät ja Moisés ojts ja tajk tkajptakta'ay jam Tios wintum, ma ja wit tëjkën mëti'ipë myë'ijtypyën ja käjpxytyu'unën.

Números 18:11

Mijts yam näjyëtu'un nmoopy yë ayajk ako'onën mëti'ipë yë Israel ja'ayëty ëpëky xymyooytyëpës ets mijts xyjyä'ä'atëty mëët yë m'u'unk m'ëna'k yä'äy ëna'kpë to'oxy ëna'kpë, mëti'ipë yajpatëpën mëët mijts. Ya'atë aaw ayuk ënä'ämën jëtu'un yam nyajwë'ëmpyës xëmëkyëjxm. Oypyënëty, mëti'ipë ënäty mku'ijtëyëpën ma mjëën mtëjkën, jyëkyäpëp tsu'utsëty ya'atë tsu'utsy, pën näjya'awëyëp kë'ëm ko wa'ats yajpaaty Tios wintum.

Números 3:6

Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Tios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Jueces 17:12

Micaías ojts yajnaxyë teety ets jëtu'un ojts jam wyi'imy tsënääpyë.