Números 17:8 - Biblia Mixe de Quetzaltepec

⁸ E komjëpom ko ojts nyijkx jatëkok ma ja wit tëjkën, ënät t'ijxy, ko ja tajk mëti'ipë ja Aarón jyä'ä'ajtypyën tam ja ujts'aay tsuxk, ets tam näjyëtu'un yë pyijy ets tyëëm.

Números 17:8 ပူးပေါင်းရင်းမြစ်များ

Salmos 110:2

Jam Sión, jam yë Tios mtukë'ëtëkëty yë kutujkën jëtu'un tä tu'uk yë tajkën, mëti'ipë myë'ijtypyën yë kutujkën. Paaty ënät tyam mmëmëtakta'a yë mmëtsip.

Cantares 2:3

Yë ye'etyëjk mëti'ipës ntsojkpy nja'apën, jëtu'un yajpaaty ma myëye'etyëjkën tä tu'uk yë mansaan kepyën yuukjoty. Janty oyës näjyawëty koos pyë'aay n'u'unyë etsës xynyi'äpkë. Pa'akëm y'atëkë y'ääytyëëm y'ujtstëëm.

Isaías 4:2

Jä'ä xëëw ma ënäty ja Wintsën jatëkok tyajyoonpëkyën ja juukyajtën yë'ë nëjkx tyaj'oy'ijxëntëkë ets tpaatëty ja mëj'ajt oyajtën ja ja'ayëty mëti'ipë jam Israel jaakjuuky'ajtëpën; ja pëjktä'äky mëti'ipë ënäty ijtp wintëëpën kamwinm tu'uwinm, yë'ë nëjkx akujk jotkujk tjë'kxtë tpëktë.

Ezequiel 17:24

Nëjkxëp tëkokyë aay kepy tnijawëtë ko ëjts Wintsënajtp. Ëjts nyajkëtääpyës yë aay kepy mëti'ipë mëj këjxm naxaanpën ets yë'ë nyajyony nyajjiitsyës mëti'ipë ëmaay amutsk yaj'ijxpën. Ëjts nyajtëtsypës yë kepy mëti'ipë tsuxk ijtpën xëmë ets nyajtsuxkëpës yë kepy mëti'ipë të'ëtsën. Ëjts mëti'ipë Wintsën'ajtpën, ëjts ënaanp ets npatuumpyës yë n'aaw n'ayuk.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Ezequiel 19:14

Ma xye'entyën jëën jam pëtsëëmp mëti'ipë yajtoopyën ja jyi'tsk. Ka'ap tii xye'entynyë juunpë mëti'ipë ja yajkutujkpë tyajk'atëpën. Ya'atë ëy o'kpë ëy yë'ë, jää yaj'ëwëty ko pën y'ookëty.

Números 16:5

ets t'ënëmaay ja Coré mëët tëkokyë mëti'ipë ënäty mëët të nyäpyikyën: Jopy tsojts yajnijawëty pën yë Tios të tkënu'kxy ets pën jyëkyejpy myo'ojëtëty ja wyintsë'kën. Yi'iyë mëpaat tyäky ja wintsë'kën mëti'ipë ënäty yë'ë kë'ëm wyin'ijxypyën.

Números 17:5

Ëjts nyajyoonpëkäämpyës yë tyajk, mëti'ipës të nwin'ixyën, këtiipë yë Israel ja'ayëty nëkoo je'eyë y'ëk'ëëw y'ëkajpxnëtëty ëjts nwintuuyës.

Números 17:9

Ënät ja Moisés ojts jatëkok tjëkajpta'ay ja tajk jam Tios wintum ets tuk'ijx ja Israel ja'ayëty. E ko t'ijxtaaytyë, tä ja tyajkëty t'ëxajëtyääytyë.

Hebreos 9:4

jap yajpaaty tu'uk ja wintsë'këntyakn aak pu'ts pujxnëmpë ma ja poom tyoyën ets tu'uk ja kaaxë aak pu'ts pujxnëmpë mëët y'oytyunyëtyën. Japts kaaxëjoty tu'uk ja tu'ts aak pu'ts pujxnëmpë mëti'ipë myëët'ajtypyën ja maná ets nän jap kaaxëjoty ja Aarón ja tyajk mëti'ipë ojts jyi'tspëkyën ets mäjtsk ja tsaa ma kyëxja'ayëtyën ja Tios ja kyäjpxytyu'unën.