Números 17:7 - Biblia Mixe de Quetzaltepec

⁷ Ënät ja Moisés ojts ja tajk tkajptakta'ay jam Tios wintum, ma ja wit tëjkën mëti'ipë myë'ijtypyën ja käjpxytyu'unën.

Números 17:7 ပူးပေါင်းရင်းမြစ်များ

Hechos 7:44

Ma ja të'ëts itjotmën, jam ja nteety'ajt n'ap'ajtëm ijty tmëët'atë ja po'o wit tëjk, mëti'ipë myë'ijtypyën ja käjpxytyu'un mëët ja Tios; yë'ë ja Tios tyuk'ënä'äm ja Moisés ets t'oytyunëty jëtu'un ijxtëm ënäty të t'ixyën ja nyi''ijxpät.

Éxodo 38:21

Yë Moisés ojts tni'ënä'ämë ets yë'ë ojts tuknipëky yë Itamar, yë teety Aarón yë myaank ets yë'ë tyu'uwinwowëty ma ja Leví ja'ayëtyën ets tmëtyoowmujkta'atëty tëkokyë ja pujxn mëti'ipë ënäty të tyunyën ma Tios ja jyëën tyëjkën, mëti'ipë myë'ijtypyën ja käjpxytyu'unën.

Números 18:2

E m'ënëëmëp yë Leví ja'ayëty, mëti'ipë mijts mtuk'ijtëpën ets mputëkëtëty ets näjyëtu'un yajputëkëtëty yë m'u'unk m'ëna'këty ma tuunk tyu'uye'eyën, ma ja wit tëjkën mëti'ipë myë'ijtypyën ja käjpxytyu'unën.

Números 1:50

Jä'ä ko yë Leví ja'ayëty yë'ë mëpaat jap xypyëjktä'äky ma wit tëjkën, mëti'ipë myë'ijtypyën yë käjpxytyu'unën. Ets yë'ë tkëwent'atëty tëkokyë mëti'ipë jap tuunpën ets mëti'ipë jap yajpatpën ma Tios yë wyittëjkën. Ko muum tääpë Tios yë wyittëjk yajmënëjkxëty, yë'ë nëjkx tyajpëtë'ëktë ets tmënëjkxta'atëty tëkokyë jënu'un jap tyunyën. Yë'ë jam tyimna'ittëp ya'atë Tios yë wyittëjk.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

Números 9:15

Jä'ä xëëw ma ojts tkojtën ja Tios ja jyëën tyëjk, ja wit tëjk mëti'ipë myë'ijtypyën ja käjpxytyu'unën. Ënät ojts jam nyäpyëjktä'äkyë ja yoots tëjknëkëjxy ets jëtu'un tyim xëëwnajxy. E ko tsyu'ujënë jëtu'un yaj'ijxy tä jëënën ets jëtu'un ojts tyimkuxëënyë.

Números 17:4

Jap xypyëjktakta'ajëty ma ja wit tëjkën ma ja näpyaatë y'ityën mëët yë Tios, winkon ma ja kaaxën mëti'ipë myë'ijtypyën ja käjpxytyu'unën, jä'ä ko jamës nyajpaaty ets jam näy'ijx näpyatëmëty.

Números 17:6

Ënät ojts ja Moisés t'ëwaanë ja Israel ja'ayëty ets nitu'ukjaty ja mëjja'aytyëjkëty ojts tjantymyëmintë ja tyajkëty këëktu'uk, majkmäjtsk ojts kyä'pxy. Ja Aarón tam ja tyajk näjyëtu'un yajpaaty.

Números 14:10

Ko jëtu'un y'ënantë, ja yi'inëm ja ja'ay kyakuka'tsëtë. Ënät ja Tios ja myëj'ajt y'oyajtën ojts nyänyikëxë'ëkyë, ma ja tsajptëjkkopkën, mëti'ipë wit tëjkën ets ja Israel ja'ayëty ojts t'ixtë.