Números 17:4 - Biblia Mixe de Quetzaltepec

⁴ Jap xypyëjktakta'ajëty ma ja wit tëjkën ma ja näpyaatë y'ityën mëët yë Tios, winkon ma ja kaaxën mëti'ipë myë'ijtypyën ja käjpxytyu'unën, jä'ä ko jamës nyajpaaty ets jam näy'ijx näpyatëmëty.

Números 17:4 ပူးပေါင်းရင်းမြစ်များ

Números 17:7

Ënät ja Moisés ojts ja tajk tkajptakta'ay jam Tios wintum, ma ja wit tëjkën mëti'ipë myë'ijtypyën ja käjpxytyu'unën.

Éxodo 30:36

Tääts wäänë xymyä'äjëty ooky yajxon ets jam xypyëjkta'akëty winkon ma kaaxë y'ityën, jap ma ja wit tëjkën ma ja näpyaatë y'ityën mëët ja Tios, jap n'antijyës maas jap näpyaata'anyën mëët mijts. Ya'atë on wa'ats y'ita'any ma miitsëtyën.

Éxodo 30:6

Ja potsy ma ja wintsë'kën yajyäkyën jam xypyëjkta'akëty ma yajpaatyën yë wit'atëëytyuk, mëti'ipë jam winkon yajpatpën ma kaaxën mëti'ipë myë'ijtypyën yë käjpxytyu'unën, jëyëjp wyë'ëmëty, maas ëjts näpyaata'anyën mëët mijts.

Números 17:3

E ja tajk mëti'ipë ja Leví ja'ay jyä'ä'ajtëpën, jam nëjkx ja Aarón ja xyëëw xykyëxpëjkë, tu'ukjaty mëpaat ja'ay ja tajk tpëjkta'aktë.

Números 17:10

Ënät ja Tios jatëkok t'ënëmaay yë Moisés: Pëjkta'ak jatëkok ja Aarón ja tyajk kaaxë wintuuy mëti'ipë myë'ijtypyën yë käjpxytyu'unën, jëtu'un jap pëjkë'ëky wyë'ëmëty mëti'ipë tyuk'ixtëpën yë Israel ja'ayëty mëti'ipë käjpxy kyumëtoownajxtëpën. Ko ka'ap nëkoo wiinkjaty y'ëwtëty kyajpxtëty ëjts nwintuuyës, këtiipë y'ooktëty.