Números 17:13 - Biblia Mixe de Quetzaltepec

¹³ Tëkokyë mëti'ipë nëkoo kë'ëmwinma'any myëwinkoonpyën yë Tios yë wyittëjk, ookëp yë'ë. ¿Tii wä'än ënät ëëts n'o'kta'atëtyë?

Números 17:13 ပူးပေါင်းရင်းမြစ်များ

Efesios 2:13

E tyam, miitsëty mëti'ipë ijty ijtëpën jëkäm, tëë xymyëwinkontë ja Kristë ets të xymyëpëktë; jä'ä ko ja nye'pyny të tyajtsuny të tyajkxe'kxy.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Isaías 28:22

Paaty myaj'ënëëmëtë këtii je'eyë xynyëxi'ik xytyukxi'iktëty, këtiipë mjotmay kyëjääjëtëty; jä'ä ko tëëjës nijawë ko yë Wintsën mëti'ipë maaytyääyëpën winë, yajkutëkooyäämpy tu'kë'ëyë naax kajpn.

Salmos 90:7

Janty tëy jëtu'un ko mijts mjoot'anpëky, tsojkës ntëkooytya'atëty, jä'ä ko jëtu'unyë ëëtsëty xyajwë'ëmtë kumon kutukë.

1 Crónicas 15:13

jä'ä ko ojts tëkok jyayajmëtsoona'any, ka'ap myiitsëty xymyëtso'ontë, paaty yowë ojts yë Wintsën jyoot'anpëky ets ojts ja nmëku'uk'ajtëm y'o'knëtë jä'ä ko ka'ap ojts jëyëjp ja Wintsën yaj'amëtoy wi'ix yajtunëtyën.

Deuteronomio 2:16

Ma ojts ka'ap nitu'uk y'ëkyajpatnën ja ja'ay mëti'ipë tsip'ixyën,

Números 32:13

Yë Wintsën mëj këjää ojts tukjoot'anpëky yë Israel ja'ayëty. Paaty ojts jam tyajjëtity të'ëts'itum wëxtyikxy jëmëjt, koonëm y'o'ktaay tyëkooytyääytë, ja mëti'ipë ënäty të yajjoot'anpëkyën mëët ja y'ëxëëkjëtu'un y'ëxëëkkajpxënëty.

Números 16:26

ets t'ënëmaay ja naax kajpn: Jëwa'kta'atë jam miitsëty ninu'un xymyëwinkon'atën yë tsyënaaytyaknëty tääpë ëxëëkja'aytyëjkëty ets nitii xykyatoonëtëty mëti'ipë yë'ë jyä'ä'ajtëpën, këtiipë näjyëtu'un xykyu'ookëtëty ja nyëë pyokyëty.

Génesis 3:3

Mëti'ipë tëy ka'ap tjëkyepyën ëëts një'kxtëty ets ntontëty yë'ë mëti'ipë jap yajpatpën kam'itkujky. Tiosës të xy'ënëëmëtë ko ka'ap mëpaat një'kxtës tääpë kepy yë tyëëm. Jä'ä ko pën ntuuntëpës jëtu'un kopkpëky koos n'ooktëty.

Números 18:1

Ënät yë Wintsën t'ënëmaay yë Aarón: Mijts ets mmaank'ëna'k ets Leví ja'ayëty, mëti'ipë mijts näjyëtu'un mtuk'ijtëpën, mijts jëtu'un mtukëtakpätëtëp ja nëë poky ko pën tii poky tuuntëkoyëty ma Tios yë wyittëjkën. E ko miitsëty tii xykya'oytyuuntëpëty, mkë'ëmpoky nëjkx xykyumëtowtë.

Números 25:8

Tä ojts tpanëjkxy ja Israel ja'ay, mëti'ipë ënäty të twoownëjkxyën ma ja myaapäjnën ets tukmoxmëtijëy ja kyu'umën, ja ye'etyëjk ets ja to'oxytyëjk. Jëtu'un'äämpy ojts ja ëyo'on jotmay jyëjpkëxy, mëti'ipë may ja Israel ja'ayëty kyu'o'këtyën.

2 Samuel 24:25

jamts ojts tu'uk ja wintsë'këntyakn tjantyyajpëtë'ëky, ma ja Wintsën ja wyintsë'kën tmooyën ets mëët tuuny ja nay'ëëw'oy näykyajpx'oyë. Jëtu'un ja Wintsën ojts tpa'ëyoy ja naax kajpn ets tjëpëjky ja pa'am ëyo'on ma ja Israel kajpnën.