Números 17:11 - Biblia Mixe de Quetzaltepec

¹¹ Moisés ojts jëtu'un tuny, tä ojts yë Tios tyuk'ëne'emyën.

Números 17:11 ပူးပေါင်းရင်းမြစ်များ

Números 17:10

Ënät ja Tios jatëkok t'ënëmaay yë Moisés: Pëjkta'ak jatëkok ja Aarón ja tyajk kaaxë wintuuy mëti'ipë myë'ijtypyën yë käjpxytyu'unën, jëtu'un jap pëjkë'ëky wyë'ëmëty mëti'ipë tyuk'ixtëpën yë Israel ja'ayëty mëti'ipë käjpxy kyumëtoownajxtëpën. Ko ka'ap nëkoo wiinkjaty y'ëwtëty kyajpxtëty ëjts nwintuuyës, këtiipë y'ooktëty.

Números 17:12

E yë Israel ja'ayëty ënät yë Moisés t'ënëmaaytyë: Ëëtsëty mëj këjää të ntuntëkoytyës, e paaty tyam kwanë ko ënät ëëts tu'kë'ëyë n'o'kta'a ntëkooytya'atëtyës.

Levitico 16:15

E ko jëtu'un t'ëktuunta'ajëty, ënät ja tsajppax ok tyaj'ookëty, mëti'ipë ja naax kajpn jyä'ä'ajtypyën, mëët ma ja poky këtyey tuuntëkoy tkajpxtëkoytyën. Ënät ja nye'pny jap tmënëjkxëty jap wit'atëëytyuk jëxkë'p, jap ma kaaxë yajpaatyën ets tuknixijkxëty ja kaaxë akë'ë ets ja jyëjp, jëtu'un tä ënäty të tunyën mëët ja tsajpkaa ne'pny,

Levitico 16:16

jëtu'un tyajwa'atsëty ja Tios ja jyëën tyëjk mëëtkyëjxm ja Israel ja'ay ja y'ëxëëk'ajtënëty, kyäjpxykyumëtoownajxënëty ets ja nyëë pyokyëty. Näyjyëtu'un mëpaat tuny ja wit tëjk ma ja näpyaatë y'ityën mëti'ipë kajpn itkujky yajpatpën ma yë'ëjëty tsyëënëtën mëët ja y'ëxëëk'ajtënëty.

Números 11:33

Ja Israel ja'ayëty yajxon ënäty tsyu'utsanëtë, ënät ja muuxy may tjanty yajkëëwtë ets tsyu'tstë. Tam ënäty ka'ap tku''uknajxta'atënëm ko ja Wintsën tyukjoot'anpëjkëtë ets may y'o'ktë.

2 Crónicas 19:10

Oy tyimmëti'ipë jotmayëty mëti'ipë ënäty myëmiintëpën ja kunaax kukajpn, oy yë'ëjëty ja'ay wiink kajpnëpë muum tsyoontën, ko myintëty yaa ets myajtëwëtëty pën tu'uk ja o'kpë mëpaat yajnipaye'ey ëkë ka'ap ets pën mëpaat jëtu'un yajtëytyuny ja pokyjyä'äy ijxtëm ja tëyajtën, ënä'ämën, kutujkën, kajpxwijën myinyën; jëtu'unpë jotmay jëyëjp xyajtëwtëty ja Wintsën, këtiipë nëjkx miits ja Wintsën mtukjoot'anpëkëtë ets këtiipë näjyëtu'un ja mëkunaax mëkukajpn yajtukjoot'anpëktëty.