Números 16:9 - Biblia Mixe de Quetzaltepec

⁹ Miitsëty, ¿wi'ix, namaa natiijën xyjyawëtë ko yë Tios të mwin'ixëtë ma Israel ja'ayëtyën, ets winkon myajpaatëty ma yë'ëjën ets mtuntëty jap ma ja tsyajptëjkën, ma ja naax kajpn xymyëtuntëtyënë?

Números 16:9 ပူးပေါင်းရင်းမြစ်များ

Isaías 7:13

Ënät ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Tios xymyëma'ayënëtë.

Deuteronomio 10:8

Ënät ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Nehemías 12:44

Jä'ä xëëw jä'ä jëmëjt ojts yajnikajpxpätë ja'ayëty mëti'ipë y'ijx'it kyëwent'atëpën ja jëën tëjk maajaty nyipetyën ja jë'kxy pëky, ja ayajk ako'onën japë tsajptëkoty myukyën ets ja pëjktä'äky mëti'ipë kyëjääjë yajpëjkp yajtuunpën ets mëti'ipë yajpupëjkpën ma ja majkjatypë yajpëjkwä'kxyën, mëti'ipë mujkpën ets yajtukniyajkëtyëpën yë teetytyëjkëty ets Leví ja'ayëty; ya'atë ja ayajk ako'onën paaty tyajktë ëmuumtu'ukjot jä'ä ko y'oyjya'awëtyëp ijty ja teetytyëjkëty ets ja Leví ja'ayëty mëti'ipë jam tuuntën.

1 Samuel 18:23

Ja Saúl ja tyuunpëtëjk ojts tjanty nyinëjkxtë ja David ets mëët myëtyaktë, e ja David tyaa y'ëtsoowëtë: ¿Tiixë wi'ixën mijts xytyimjëjp'ijxnëtë, ka'ap tsyipëty ets tu'uk yë ëyoopëja'ay tmë't'atëty yë yajkutujkpë ijxtëm ëjtsënë?

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 3:6

Mëkajpxta'a ja y'u'unk y'ok ja Leví ets tjëjpwa'akëtëty ja tuunk ma mëët tyuunmuktëtyën yë Aarón ma yajputëkëja'anyën.

Números 1:53

E yë Leví ja'ayëty yë'ë nëjkx tnatsëënëtë yë Tios yë wyittëjk ets yë'ë kyëwent'attëp, këtiipë yë Tios tukjoot'anpëkëty yë Israel ja'ayëty.

Ezequiel 34:18

¿Këtii xytyukjotkëta'aktë oy xyjyajë'kxtë ja oyëtypë aay ujtsë, koonëmën xy'atääna'an xytyuktääna'antë mëti'ipë të wyi'imyënë? Ko mnëë'ukta'atë tääts jap mkuwa'akëtë ma wa'atsnëëjën mëti'ipë jaakwa'ats nëë'ajtpën.

2 Crónicas 35:3

E ja Leví ja'ayëty mëti'ipë yaj'ijxpëjktëpën ojts ya'atë aaw ayuk tmo'oy: Pëjkta'aktë yë Wintsën yë kyaaxë jap tsajptëkoty, ma ja tsajptëjkën mëti'ipë Salomón kyojën, David yë myaank, mëti'ipë yajkutujkën jam Israel. Këtiipë nëkoo kejkyijxy xy'ëkëëyjyëtijnëtëty, tyam yi'iyë yë Wintsën ëmuumtu'ukjot mmëtuntë ets nyaax kyajpn.

2 Samuel 7:19

Wäänë jëtäätën xy'ixy, ko yë'ëpaat xynyikajpxnë wi'ix myiny wyinkonyën ja n'ënä'ämënës nkutujkënës, wi'ix ja n'u'unk n'okës nëjkx y'ënä'ämtën yajkutuktën. Jëtu'un ijxtëm mijts winë xytyunyën, ka pën mkamëpaatëtëty Wintsën.

Génesis 30:15

E yë Lea tyaa y'ëtsooy: ¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë. Ënät ojts yë Raquel y'ënä'äny: Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.

1 Corintios 4:3

Ka'apës yë'ë nmëjpëjktä'äky pën wi'ixës miits xynyikajpx xynyimëtya'aktë ëkë pën wi'ixës ja ja'ay xytyijtë mëti'ipë yaa naaxwiiny paye'eytyëpën; nän ka'apës ëjts kë'ëm nnäpyaye'eyä'änyë;

Hechos 13:2

Tëkok, ja Wintsën ënäty jam wyintsë'këtëp ets ayuu'ajtëp ënäty jam ko ja Kënu'kxymyëkajtën ojts y'ënä'äny: Ëpëky yë Bernabé ets Saulo pëjkta'aktë ets tuntëty mëti'ipës të ntukniwoowtsowëtën.

Números 3:9

Ëpëky xypyëjkta'akëty yë Leví ja'ayëty ma myëku'uktëjkëtyën yë Israel ja'ayëty. Ets yi'iyë atu'uk timtyuunk'atëty ma ja Aarón yajputëkëja'anyën ets näjyëtu'un ja y'u'unk y'ok.

Números 16:8

Ënät ja Moisés näjyëtu'un t'ënëmaay ja Coré: Mëtowtë yajxon miits Leví ja'ayëty.

Ezequiel 44:16

Jyëkyejpy näjyëtu'un tyëkëtëty maas yë ntsajptëjkën ets tmëwinkontëty yë nwintsë'këntyaknës ets jam ja tyuunk tyajtu'uye'eytyëty ets yë'ë tyuntëp mëti'ipë ënäty jap tuunk'ajtpën.