Números 16:7 - Biblia Mixe de Quetzaltepec

⁷ ets jap xy'apëkëtëty yë jëënpajk ets poom ets jam jopy xypyëjkta'aktëty Tios wintum. Ja ja'ay mëti'ipë ënäty ja Tios wyin'ijxypyën yë'ë ënäty kënu'kxy yajpatp ets këtii nëkoo m'ëk'nä'ämnëtë miitsëty Leví ja'ayëty.

Números 16:7 ပူးပေါင်းရင်းမြစ်များ

Números 16:3

Ënät ojts nyäwyoowmukëtë ets tninëjkxtë ja Moisés ets ja Aarón, tääts tyëjkëtyë kajpxpë. Jä'ä ja Moisés ets ja Aarón yajxon jyänty'ojtëp ets t'ënëmaaytyë. Wi'ix ko miitsëty nimäjtsk janty'oy janty kënu'kxy mtimnyäyajnaxëtë. Pën tëkokyë yë Israel ja'ayëty tëë yë Tios kyënu'kxta'ajëtë ets Wintsën yë'ë yajpatp ma ëëtsajtëmën ni'ëmukë. ¿E paaty ëëtsëty yë'ëjës oy nkawinja'awëtyëp tiikyëjxm ko miitsëty nimäjtsk janty mëj ënä'ämpë mtimnyäyajnaxëtë ets mtimy'ënä'ämantëp ma Wintsën yë nyaax kyajpnën?

1 Pedro 2:9

E miitsëty Tios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Tios jä'äniwanëpën. Ets jëtu'un tkajpxwa'kxtëty ja Tios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

2 Tesalonicenses 2:13

E ëëtsëty xëmës nkukajpxëtë ja Tios mëët miitskyëjxmëty, jëëky mëku'ukëty mëti'ipë Tios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

Efesios 1:4

Tios të xywyin'ijxëmë ko ja Kristë të nmëpëjkëmë naamka'anëm ënäty ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Números 16:5

ets t'ënëmaay ja Coré mëët tëkokyë mëti'ipë ënäty mëët të nyäpyikyën: Jopy tsojts yajnijawëty pën yë Tios të tkënu'kxy ets pën jyëkyejpy myo'ojëtëty ja wyintsë'kën. Yi'iyë mëpaat tyäky ja wintsë'kën mëti'ipë ënäty yë'ë kë'ëm wyin'ijxypyën.

Números 16:6

Ya'atë mtuntëp, yë'ë mëmintëp yë jëëntsijtk ma pyoom tno'oktën yë Coré ets myëku'uktëjk,

Números 16:8

Ënät ja Moisés näjyëtu'un t'ënëmaay ja Coré: Mëtowtë yajxon miits Leví ja'ayëty.

Salmos 106:16

Jam ma ënäty të tsyënaaytyaknpëktën ojts tmëtsiptsoontë yë Moisés, ets Aarón, mëti'ipë ënäty yë Tios të kyënu'kxyën ets të wyin'ixyën.