Números 16:40 - Biblia Mixe de Quetzaltepec

⁴⁰ Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Números 16:40 ပူးပေါင်းရင်းမြစ်များ

Esdras 2:62

Ya'atë ja'ayëty ojts xyëëw jap tja'ixta'atë nokyjoty, e komë ka'ap tpatë paaty ojts ka'ap ja xyëëw yajkëxja'atë ma ja teetytyëjkëty ja xyëëw këxja'ay myintën.

Salmos 115:10

Miits teetytyëjkëty, yi'iyë Wintsën tuk'ijxpätë. Yë'ë xypyutëjkëmëp ets xykyuwa'anmëp.

Ezequiel 40:46

e ja tëjk mëti'ipë anëkëjxmtsow najts'ijxëpën yë'ë nëjkx tjä'ä'atë yë teetytyëjkëty mëti'ipë wintsë'kën yajktëpën. Yë Leví ja'ay mëti'ipë yë Sadoc y'u'unk'ajtyp y'ok'ajtypyën yi'iyë myëwinkontëp yë Wintsën ets tmëtuntëty.

Ezequiel 43:19

Ja teetytyëjkëty mëti'ipë Leví ja'ayëtyën, yë Sadoc y'u'unk y'ëna'k, mëti'ipë patëtëpën tyaktëty ja wintsë'kën maas ëjtsën, yë'ë nëjkx xymyo'otë tu'uk yë tsajpkaa ayääkë mëti'ipë nëjkx tkunaxyën ja nëë poky. Ëjts, mëti'ipë Wintsën'ajtpën, ëjts yam jëtu'un ni'ënä'ämëp.

Levitico 22:10

Ka'ap mëpaat oypyënëty, mëti'ipë ka'ap tyeetyëtyën tjë'kxy mëti'ipë wa'atsën. Ni yë'ë mëti'ipë ja'ajtakpën ma ja teety ja tyëjkën, ëkë mëti'ipë jap mëtuunpën, ka'ap mëpaat tjë'kxtë ja mëti'ipë wa'atsën.

Números 1:51

Ko muum yajmënëjkxa'anëty, yë'ë jyittëp ets jatëkok tkojtëkatstëty ma ënäty të tmëja'tën. Pën nëkoo kë'ëmwinma'any myëwinkoonpy ya'atë tsajptëjk nëjkxëp y'ooky.

Números 16:39

Ja teety Eleazar ojts tpëjkmujkta'ay ja jëëntsijtk mëti'ipë mëët y'oytyunyëtyën ja tsuxkpujxn. Jä'ä ja jyä'äjëty ja mëti'ipë ënäty të y'ooktën mëët ja jëën. Ënät ni'ënä'ämëy wä'än tyaj'awinpitë pujxnwojptëy ets yë'ë yajtukniwopëty ja wintsë'këntyakn.

Números 3:10

Yë'ë mtuknipëkëp yë Aarón ets y'u'unk y'ok, ma winë yajtuna'anyën mëti'ipë mëpaat ja teetytyëjk tuntën. Ko pën kë'ëmwinma'any tii tunaanpëty mëti'ipë ja teetyëjk tyuunk'ajtëpën nëjkxëp y'ooky.

Números 3:38

E jam xëëwpëtsëmtsyow, ma nyajts'ixën ja Tios ja wyittëjk ets wintuuytsyow ma nyajts'ixën ja wit tëjk ma ja näpyaatë y'ityën mëët yë Tios. Yë'ë ojts jam tsyënaaytyaknpëktë yë Moisés ets Aarón mëët yë myaankëty, mëti'ipë ojts tkëwent'atën ya'atë tsajptëjk ets jëtu'un'äämpy may tkutënaaytyë yë Israel ja'ayëty. Ko ijty pën nanëkoo t'atsoky ja teety tyuunk, o'kp ijty.

Hebreos 5:4

Ni pën kë'ëm kyanäpyëjktä'äkyë ets y'itëty wintsë'ëkë ko ënäty y'ity teety wintsën. Tios wyin'ijxyp pën pyëjkta'akäämpyën teety wintsën, jëtu'un ja Aarón ojts yajwinwitsy.

Josue 4:7

Tääts xy'ëtsowtëty: Ëk'ix u'unk, ya'atë yë'ë nyikäjpxyp, ko tëëyëp ma ja Wintsën ja kyaaxë ojts yajmënaxyën ma ja Jordán mëjnëëjën ojts mäjtskpëky nyäwyä'kxyë ets jëtu'un'äämpy ojts të'ëts wa'ats yajmënaxy. E tyaapë tsaa nipiiwpetypë y'ityën yë'ë ijtp ijxpät ets yaja'amyätsëty mëti'ipë ojts tëëyëp tyunyën jyätyën.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.