Números 16:38 - Biblia Mixe de Quetzaltepec

³⁸ Tääpë ja'ayëty yë jyëëntsijtkëty, mëti'ipë të y'ooktën, wa'ats yë'ë. Jä'ä ko yë poom mëti'ipë të tno'oktën, ëjts të xytyukwino'oktës. Paaty yam n'ëna'anyës ets xyaj'awinpitëty tä yë pujxnwojptëypyën ets yë'ë wintsë'këntyakn xytyukwinwopëtëty, yë'ëts yë Israel ja'ayëty ijxpäjtën wya'antëp.

Números 16:38 ပူးပေါင်းရင်းမြစ်များ

2 Pedro 2:6

Näyjyëtu'un ja Tios tyajkutëkooy jëënmëët ja Sodomë kajpn ets ja Gomorra kajpn, koonëm tyaj'awinpijtaay kuyjaam ets jä'ä t'ijxpajn'atëty ja ëxëëkja'aytyëjkëty mëti'ipë ënäty juuky'atantëpnëm.

Ezequiel 14:8

Tyamës mëët näy'ixëtëty tääpë ja'ay ets ntëytyunäämpyës yam mëti'ipë nëjkx ijxpät wyi'imyën, mëti'ipë nëjkx ja'ay tnimëtya'aktën etsës njo'otsa'any maas yë nnaax nkajpnën. Ets nëjkx miitsëty xynyijawëtë ko ëjts Wintsën.

Proverbios 20:2

Ko tu'uk yë yajkutujkpë jyoot'anpëky, jëtu'un tä kaa nyiitsyën; pën yajjoot'anpëkëp jam ënäty nyäpyëjktä'äkyë o'kënjëjp'am.

Números 26:10

E ko ja naax y'ëwatsy ma ënäty yajpaatën, jap kyënajxtaaytyë nimäjtsk mëët ja Coré. Ets tëkokyë jënu'un ënäty të myëjwa'kpätëtën, ojts y'o'kta'atë mëët ja mëj jëën, jä'ä y'ijtë nimäjtsk mëko'px ja wëxtyikxy majk aak ye'etyëjktëjk. Ya'atë paaty jëtu'un tyuunë jyajtë ets ja Israel ja'ayëty ijxpäjtën twa'antëty.

Habacuc 2:10

Tääts jëtu'un tpaaty ijxtëm jeexyë ja mjëën mtëjk të xyajnitujkta'ayën mëët ja tsëtyu'un ets kë'ëm të myajkutëkoyë ko wiinkëtypë naax kajpn të xyajkutëkoy.

1 Reyes 2:23

Ko jëtu'un kyajpxtaay ja yajkutujkpë Salomón, tä y'ënäny: Yë Wintsën yë'ëjës mëk xytyiytyunëp pën ëjts ka'apës ntukumëtoy yë Adonías mëët mëti'ipë të tkäjpxyën.

Números 17:10

Ënät ja Tios jatëkok t'ënëmaay yë Moisés: Pëjkta'ak jatëkok ja Aarón ja tyajk kaaxë wintuuy mëti'ipë myë'ijtypyën yë käjpxytyu'unën, jëtu'un jap pëjkë'ëky wyë'ëmëty mëti'ipë tyuk'ixtëpën yë Israel ja'ayëty mëti'ipë käjpxy kyumëtoownajxtëpën. Ko ka'ap nëkoo wiinkjaty y'ëwtëty kyajpxtëty ëjts nwintuuyës, këtiipë y'ooktëty.

1 Corintios 10:11

Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Tios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

Proverbios 8:36

e koos pën xy'ëxmatsy, jëtu'un tä jeexyë atsë'ëkëtuuy nyäpyëjktä'äkyën; pënës xy'ëxëëk'ijxp, o'kën tsyojkën'ajtyp.

Proverbios 1:18

Yë ja'ayëty jëtu'unpë tii tuntën, kë'ëm nyätyukni'oytyunëtë yë o'ktakn, ets jyuuky'ajtënëty ëtsë'ëkëtuuy tpëjkta'aktë.

Números 16:40

Ya'atë ijxpäjtën ojts wyi'imy ma Israel ja'ayëtyën, ko ni pën mëpaat ëpëky yë kë'ëmwinma'any tkamëwinkony yë wintsë'këntyakn ets Tios tukwinno'okaanpëty yë poom. Yi'iyë patëtëp yë Aarón yë y'u'unk y'ok. Jä'ä ko pën jëtu'un tyuunpyën tsojk jyatëty tä jyäjtyën yë Coré mëët yë myëku'uktëjk. Tëkokyë, ojts jëtu'un yajtuunta'ay mëti'ipë ënäty ja Wintsën të tuk'ëne'emyën ja Eleazar mëti'ipë kyajpxnajxën yë Moisés.

Números 16:37

Ënëëmë yë Eleazar, yë myaank yë Aarón ets tju'ta'ajëty yë jëëntsijtk ma të nyitooytyä'äyën winë ets nëjkx jëkäm t'ixko'owta'ay ja jëënpajk, mëti'ipë të wyi'imyën.

Números 16:39

Ja teety Eleazar ojts tpëjkmujkta'ay ja jëëntsijtk mëti'ipë mëët y'oytyunyëtyën ja tsuxkpujxn. Jä'ä ja jyä'äjëty ja mëti'ipë ënäty të y'ooktën mëët ja jëën. Ënät ni'ënä'ämëy wä'än tyaj'awinpitë pujxnwojptëy ets yë'ë yajtukniwopëty ja wintsë'këntyakn.

Jeremias 44:7

Ëjts Wintsën mëti'ipë maaytyääyëpën winë, mëti'ipë ja Israel ja'ay Tyios'ajtëpën, ëjts ënaanp. ¿Tii ko kë'ëm tääpë ëyo'on jotmay mnätyukniminëtë, wi'ix ko miitsëty kë'ëm xy'ëwa'atstë ets ni'ëmukë y'ooktëty yë Judá ja'ayëty, ye'etyëjk to'oxytyëjk, pi'k ëna'k ets yë'ëpaat mëti'ipë tim je'eyë të myëxu'unk'atyën, këtiipë pën wyë'ëmëty?