Números 16:35 - Biblia Mixe de Quetzaltepec

³⁵ Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Números 16:35 ပူးပေါင်းရင်းမြစ်များ

Números 26:10

E ko ja naax y'ëwatsy ma ënäty yajpaatën, jap kyënajxtaaytyë nimäjtsk mëët ja Coré. Ets tëkokyë jënu'un ënäty të myëjwa'kpätëtën, ojts y'o'kta'atë mëët ja mëj jëën, jä'ä y'ijtë nimäjtsk mëko'px ja wëxtyikxy majk aak ye'etyëjktëjk. Ya'atë paaty jëtu'un tyuunë jyajtë ets ja Israel ja'ayëty ijxpäjtën twa'antëty.

Levitico 10:2

Ënät ojts tsyoony ma Tiosën tu'uk yë mëj jëën ets jä'ä yaj'o'këtë. Jëtu'un ojts y'ooktë nimäjtskëty jam ma Tiosën.

Salmos 106:18

Jëën ojts nyo'kta'ajëtë, e yë jëënyä'änk ojts tëkokyë yë ëxëëkja'aytyëjk tyajtëkooytyä'äy.

Números 16:17

Mënëjkxtëp nitu'ukjaty yë mjëëntsijtkëty ets jap xynyo'oktëty yë poom. Mijts mëët yë Aarón mënëjkxtëp näjyëtu'un yë mjëëntsijtkëty. Ets tu'ukyë xypyëjkta'aktëty ma ja nimäjtsk mëko'px ja wëxtyikxy myajkpë ja jyëëntsijtk yajpaatën jam Wintsën wintum.

Números 16:2

ojts ja Moisés tmëtsiptsoontë. May ja ja'ay pyuwa'akëtë, mäjtsk mëko'px ja wëxtyikxy myajkën ja Israel ja'ayëty mëti'ipë ënäty mëj'äämpy ijtëpën ma ja naax kajpnën. Yë'ë tyuk'ijtëtyëp ja ja'ayëty mëti'ipë ëëwij kajpxwijtëpën ets mëj yajjëkyäptë.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.

Números 16:34

Ko tmëtoowtë ja ja'ay yujkya'axtë, ënät ja Israel ja'ayëty pëyi'ikyë pyëtsëëmtaaytyë ma ja tsyënaaytyaknëtyën, mëti'ipë ënäty jam winkon yajpatëpën ets y'ënantë: Ijxkëm tëy yë naaxwiinyëtë näjyëtu'un xy'ëkjë'ënta'ayënë.

Números 16:36

Ënät ja Tios ojts tmëkäjpxy ja Moisés ets t'ënëmaay:

Números 16:49

Jä'ä ënäty yë ja'ayëty të nya'o'knëtë majkmajkts mil ja wëxtujk mëko'px. Yi'iyë mëti'ipë ënäty tsojk'am të y'ooktën, ëpëky ja mëti'ipë të y'o'ktëpën ma ja Coré ojts ja Moisés tmëtsiptsoonyën.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Ezequiel 8:11

Nitëkë'px majk jap yë Israel mëjja'aytyëjk tyaktë yë wintsë'kën, tap yë Jaazanías, yë Safán yë myaank, yë'ë jap y'ëwtajtëp tääpë awinax. Aaktam tkë'ëkë'ë'atë jyëën xijtnëty, yajxon yëkjok jam tjanty pyëjkta'aktë mëët yë poom jok.

Números 3:4

Yë Nadab ets Abihú ojts y'o'knëtë tyëkooynyëtë jam ma ja Wintsën ënäty yajpaatyën. Jä'äkyëjxm ko ojts jam wintë'ës'itum ja Wintsën tukwintoytyë ja jëën tëkatsypë, mëti'ipë ënäty ka'ap të tyuk'ënä'ämëtën. E yë'ëjëty ka'ap ojts y'itë yë y'u'unk y'ëna'këty. Paatykyëjxm yë Eleazar ets Itamar ojts yë'ë tpa'atwa'akëtë ja teety'ajtk. Jä'ä tëy ja tyeetyëty Aarón jä'ä ojts kë'ëm kyëwent'ajtënëtë.