Números 16:30 - Biblia Mixe de Quetzaltepec

³⁰ E pën yë'ë yë Wintsën tu'uk yë mëj'ajtën tyuunpy ets ya'atë naaxwiinyëtë y'ëwa'atsëty ets jap kyuka'anajxta'atëty mëët tëkokyë mëti'ipë myëët'ajtëpën. Jëtu'un xynyijawëtëty ko ya'atë ja'ayëty tëë poky tmëtëkëtë, mëët ko Tios të t'ixtijtë.

Números 16:30 ပူးပေါင်းရင်းမြစ်များ

Salmos 55:15

Jääpëk yë nmëtsiptëjkës yë o'kën tyukja'tëtë ajotkumonë, ëkë jeexyë ajuukyë kyuka'anaxtë jutjoty, jä'ä ko yë'ëjëty yi'iyë yë ëxëëkajtën jap jyootjoty wyinma'anyotyëty.

Números 16:33

Ajuuky jap kyuka'anajxtaaytyë naaxjutjoty mëët tëkokyë mëti'ipë ënäty myëët'ajtëpën ets jatëkok ja naax y'ëtujky. Jëtu'un'äämpy ojts yajjo'otstë ma myëkunaax myëkukajpnëtyën.

Job 31:3

¿Ti këtiijën yë'ëjëty ja ëxëëkja'aytyëjk ets ja pokyjyä'äytyëjk pyaat'atëtë ja ëyo'on jotmayë?

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Isaías 45:12

Ëjts të nyajkojta'ayës tëkokyë yë naaxwiinyëtë ets naaxwiinyëtë ja'ay. Nkë'ë n'aawës mëët të nwijtstëyës yë tsajp ets të n'ënä'ämta'ayës ja xëëw, po'o ets ja mëtsa'a.

Isaías 45:7

Ëjts nyajtë'kxyp nyajjäjpy ets ëjts nyajkoots'ajtyp, nyaj'oy'ijtypyës winë ets nyaj'ëyo'onpatypyës tii. Ëjts, maas nWintsën'atyën, ntuuntääpyës oy tyimtiijëty.

Isaías 43:19

Ëjts jemyës yam winë ntuna'any, ets timtyämyë nyajwinkëxë'ëka'anyës. Nyajkojäämpyës tu'uk në'ë tu'u jam të'ëts'itjotm ets tu'uk mëjnëë ma ka'ap tii yony jyiitsyën.

Isaías 28:21

Jëtu'un nëjkx ja Wintsën winë tuny tä jam Perasim winë tuunyën, ets tä jam Gabaón joyjotmën, nëjkxëp ja myëj'ajtën tyaj'ixyë ka'apë nijëna'a yaj'ixynyëmën, ets tyajwintu'upëka'any mëti'ipë të tuknipëjktaakën.

Números 16:31

Tim je'eyë yë Moisés kyajpxtaay, ënät ja naaxwiinyëtë y'ëwatsy ma ënäty tsyëënëtën.

Job 31:2

¿Yë Wintsën, mëti'ipë maaytyääyëpën winë, tsajpkëjxmëpë yajpaatyën, mëti'ipë kuma'ayën myoopy yë naaxwiinyëtë ja'ay?

Salmos 124:3

jëna'ajëp jeexyë jëtu'unyë ajuuky xjyjë'ënënë ko ojts xytyukjoot'anpëjkëmë.

Ezequiel 31:14

Ets nimëti'ipë kepy nëjkx kya'ëkyoonë, oy ënäty nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.