Números 16:29 - Biblia Mixe de Quetzaltepec

²⁹ Pën ya'atë ja'ayëty jotkujk y'ooktë, tä yë o'kën y'ityën, yë'ë yajtuknija'awëp, ko ka'apës ënäty Wyintsënëty të xykyexy.

Números 16:29 ပူးပေါင်းရင်းမြစ်များ

Lamentaciones 4:22

Mijts Sión kajpn, tëë nyäxy ja mtëytyu'unën; ka'ap yë Wintsën m'ëk ixkäxanënë mnaaxjoty mkajpnjoty. Je'eyëp ko tyiytyunäämpy yë mtëko'oyën mijts Edom kajpn ets yajnikëxë'ëkäämpy ma të mtëkoyën.

1 Reyes 22:28

Yë Micaías ojts ja y'aaw y'ayuk tjaaknikäjpxy ets y'ënäny: Pën mijts oy mëk mwinpity, yë Wintsën ka'ap ënäty yë'ëjëty y'aaw y'ayuk të nnikajpxës.

Jeremias 5:9

¿Ets ënät pën y'ënaanpëty ko ka'apës ntëytyuna'anyë? ¿Ets ënät n'ënaanpëtyës ko ka'ap ntukëpätëtyës ja nyëë pyokyë?

Isaías 10:3

¿Tii mtuunta'akantëp ko ënäty pën myajtëwëtë mëti'ipë mtuuntëkooytyëpën, ets ko ënäty mtukmin mtukja'tëtë ja tëytyuunpë? ¿Pën ja näypyutëkë m'amëtowantëp? ¿Maa ja maywyit maymyeeny xypyëjkta'aka'antë?

Eclesiastés 3:19

Jää ënät yajwinjawë ko yë naaxwiinyëtë ja'ay ets aayjëyujk ujtsjëyujk tu'knax kyukëxëja'antë; tu'knax yë o'kën tëko'oyën jyää'aty wintu'uk paatu'uk ets tu'knax näjyëtu'un ja juukyajtën tsuxk'ajtën jyää'aty. Ka'ap tii mëk'ajtën yë naaxwiinyëtë ja'ay tmëëtëty mëti'ipë aayjëyujk ujtsjëyujk ka'ap tmëët'atyën; tääpë nän natëkë winma'any yë'ë,

Job 35:15

Mijts jëtu'un m'ëna'any ko yë Tios ka'ap jyoot'anpëky, ko ka'ap tyiytyuny ets ko ka'ap nëkooyë tmëjpëjktä'äky oy pën pyokytyunëty.

2 Crónicas 18:27

Ojts ja Micaías jyaakëna'any: Pën mijts oy mwinpity, ka'ap ënäty Tyiosëty të xyajkäjpxyës.

Éxodo 32:34

E paaty, nëjkx yë naax kajpn ënëëmë wä'än jam tnëjkxtë ma të ntuk'ëwaanën; yë nkutënääpyës yë'ë mijts mtu'uwinwowanëp. Ko ënäty të tpaaty ja xëëw jëmëjt jëna'a ntukumëtowa'antës ja pyokyëty, yë'ë kopkpëkyë ko nëjkx tjanty kyumëtowtë.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Tios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Apocalipsis 11:5

Pën jää pën wi'ix tyuna'anëtë, yajpëtsëmtëp ja jëënyä'änk y'aawjoty, jëtu'unts ja myëtsip y'o'kta'atëty mëti'ipë ëxaty tunanëtëpën.

1 Reyes 18:36

Ko ojts tpaaty ma ënäty ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.