Números 16:28 - Biblia Mixe de Quetzaltepec

²⁸ Tä ja Moisés tjaaknikäjpxy ets y'ënaan'ëtëtsy: Ya'atë mëët yajnijawëty ko Tios të xytyuk'ëne'emy ets ntunëtyës tëkokyë ya'atë ets ko ka'apës kë'ëmwinma'any tii ntuny.

Números 16:28 ပူးပေါင်းရင်းမြစ်များ

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Éxodo 3:12

Tä ojts yë Tios y'ëtsoyë: Ëjts mijts njämyëët'atäämpy ets ya'atë jëtu'un mtuk'ixëp ko yam nkexyp, ko ënäty mijts ja nnaaxës nkajpnës të xyjyuuty jap Egiptë, yaajës min xy'ëwtatë ma ya'atë kopkën.

Juan 5:36

Nmëët'ajtypës ja tëyajtën ni'ik këtiinëm ja Juan. Mëti'ipës ëjts ntuunpyën yë'ë mëti'ipë ja Tios Teety ëjts xymooyën ets ntunëtyës, yë'ë yajtëytyëjkëp koos ja Tios Teety të xykyexy.

Ezequiel 13:17

Mijts ye'etyëjk, tyam yë'ë mëkajpx yë to'oxytyëjktëjkëty mëti'ipë käjpxynyajxtëpën ets nikajpxtë ko yë'ë n'aaw n'ayukës nyikajpxëtëp kë'ëmwinma'any,

Jeremias 23:16

Yë Wintsën mëti'ipë maaytyääyëpën winë, jëtu'un y'ënä'äny: Miitsëty Israel ja'ayëty, këtii nëkoo xymyëjpëjkta'aktë yë käjpxynyajxpëtëjkëty yë y'aaw y'ayukëty. Aakyë'ë y'ëëwtëp kyajpxtëp mëti'ipë ka'ap myëtëyëtyën, mëti'ipë kë'ëm të tma'kxtën, mëti'ipë ka'ap y'ëjtsëty të nnikäjpxyën.

Juan 14:11

Mëpëjktëkës koos n'ëna'any koos n'ity tu'ukyë mëët ja Tios Teety ets ja Tios Teety y'ity tu'ukyë mëët ëjts; pën ka'ap, oy yi'iyë xymyëpëktëty mëti'ipës ntuunpyën.

Juan 11:42

Nija'apës ko xëmë mijts xy'amëtoow'ityës ets yë'ëjës xyaj'ënaanp ets ya'atë ja'ay oyajtën tpaatëty mëti'ipë tyam yaajëtyën ets tmëpëktëty ko mijts të xykyexyës.

Juan 5:30

Ka'ap tjëkyepy etsës tii kë'ëmwinma'any ntunëty. Jëtu'unës winë npaye'ey ijxtëm ja Tios Teety të xy'ëne'emyënës; ets npaye'eyënës, mëtëy yë'ë; jä'ä ko ka'apës tii npaye'ey mëëtës yë nkë'ëmjot nkë'ëmwinma'any, yë'ëjës nTeety yë jyä'ä nyajtuunëp, mëti'ipës të xykexyën.

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

1 Reyes 18:36

Ko ojts tpaaty ma ënäty ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

Deuteronomio 18:22

Pën tëë ja käjpxynyajxpë tjanikäjpxy mëti'ipë ja Wintsën tyunäämpyën, ëkë mëti'ipë të tuknipëjktaakën ets ka'ap y'ëk'atëëwnë. Yë'ë mtuknijawëtëp ko ka'ap ënäty Wyintsënëty të tnikäjpxy, ja käjpxynyajxpë paatykyëjxm jëtu'un të y'ënä'äny jä'ä ko mëj këjxm nyäyajnaxa'anyë, paaty miitsëty këtiimës mtsë'ëkëtëty.

Éxodo 7:9

Ko yë mëj'ënä'ämpë m'amëtowëtëty ets xyaj'ixëtëty tu'uk yë mëj'ajtën, yë Aarón yë'ë m'ënëëmëp ets tkajpë'ëkëty yë tyajk ets tnajtsjëpipëty ma yajkutujkpë wyintuuyën ets ja tajk tsa'any y'awinpitëty.

Números 24:13

oy jeexyë xyjyatimmyooytyääpyës yë pu'ts pujxn ets poop pujxn mëti'ipë jap ma mkutujktaknën. Ëjts ka'apës njëkyepy yë Wintsën nkäjpxykyutëjëty ets nitii tkajëkyepy ntunëtyës, oy ka'oy kë'ëmwinma'any. Yi'iyës nikäjpxyp mëti'ipës Tios xytyuk'ënä'ämpën.

Éxodo 4:12

Paaty nëjkx tyam, ëjts mijts njämyëët'atäämpy, ko ënäty mkajpxa'any mëtya'aka'any, ëjts mijts ntukni''ixëp tii mkajpxëp mëtya'akëpën.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.