Números 16:2 - Biblia Mixe de Quetzaltepec

² ojts ja Moisés tmëtsiptsoontë. May ja ja'ay pyuwa'akëtë, mäjtsk mëko'px ja wëxtyikxy myajkën ja Israel ja'ayëty mëti'ipë ënäty mëj'äämpy ijtëpën ma ja naax kajpnën. Yë'ë tyuk'ijtëtyëp ja ja'ayëty mëti'ipë ëëwij kajpxwijtëpën ets mëj yajjëkyäptë.

Números 16:2 ပူးပေါင်းရင်းမြစ်များ

Génesis 6:4

Jää ojts ëka'any jya'të yë ja'ayëty mëti'ipë yajtijtëpën ja'aypyajkyeny ko ja Tios ja tyuunpëtëjk nyämyujkëtë mëët ja to'oxy'ëna'këty mëti'ipë ënäty yi'iyë myëmaay myëët'ajtëpën yääyëpë naaxwiinyën. Ko myiintë jyajtë ja y'u'unk y'ëna'këty, yë'ë jëtu'un ojts jotmëk y'itë ko ijty ja tsip tyunyë jeky'äjty.

1 Crónicas 12:30

Ma ja Efraín ja jyä'äyën, jä'ä nyiwinë'atë, ni''i'px mil ja tuktujk mëko'px ja tsiptuunpëtëjkëty, mëti'ipë mëj'äämpy ijtëpën ma ja jyä'äyëtyën.

1 Crónicas 5:24

Mëti'ipë nyikopk'ajtën ja jyä'äy jä'ä xyëëwajtë: Efer, Isí, Eliel, Azriel, Jeremías, Hodavías ets Jahdiel, tëkokyë ya'atë ja'ayëty aak tsiptuunpë ja'ay ijtyëty ets aak jotmëkëty. Aak mëj'äämpy muum ja'ay nyikajpx nyimëtyakëtë ets yë'ë nyikopk'ajtëp ja jyä'äyëty.

Ezequiel 16:14

Akäjpxy ojts m'ity oymyaanaax myaakajpnëty mëët ko ënäty m'oyëty mtsujëty, aak'oy ijty ja'ay mtijyë jä'ä ko ëjts ojts mijts n'oytyuny. Ëjts Wintsën, ëjts ënaanp.

Ezequiel 23:10

Yë Asiria ja'ayëty ojts tukxi'iktë ets tpëjkëtyääytyë ja y'u'unk y'ëna'k ye'etyëjkpë to'oxytyëjkpë ets ja to'oxytyëjk tkupujxtë, tukyajku'o'këtyë ko ënäty ja nëë poky të tuuntëkoy. Ja nyëë pyoky akäjpxy ojts y'ity ma ja to'oxytyëjktëjkëtyën.

Números 1:16

Ya'atë jëtu'un ojts yajnikajpxpätë ma Israel kajpnën ets ja myëku'uktëjk tnikopk'atëty ets yë'ë muum tkutänëtëty.

Números 12:1

Ënät yë Maria ets Aarón ojts tyëkëtë kajpxpë, yë'ë Moisés nyi'ojëtyëp, mëët jä'ä ko ënäty yë'ë mëët të pyiky yë to'oxytyëjk mëti'ipë Etiopíë tso'onpën.

Números 16:35

Ojts yë Tios näjyëtu'un tkukäjxnaxy yë jëën mëti'ipë yaj'o'ktaayën nimäjtsk mëko'px ja wëxtyikxy majkpë ja ja'ay, mëti'ipë ënäty të tno'oktën ja poom.

Números 26:9

Ma yë Eliab yë y'u'unk y'ëna'kën jam ojts myëxu'unk'atë yë Nemuel, Datán ets Abiram. Yë Datán ets Abiram yë'ë ojts mëët tu'ukyë nyämyätsyë yë Coré, ma ënäty y'itën najtskajpxëpë; ko tkäjpxykyumëtoownajxtë ja Tios ets näjyëtu'un ja Moisés mëët yë Aarón.

Números 27:3

Ëëts yë nteetyëty jam y'o'ky të'ëts'itjotm. E yë'ë ka'ap tmëjwa'kpejty yë Coré, mëti'ipë ojts tmëtsiptsoonyën yë Wintsën. Yë'ë kyë'ëmpoky ojts tku'ookë ets ka'ap nitu'uk yë y'u'unk y'ijty mëti'ipë ye'etyëjkën.