Números 16:19 - Biblia Mixe de Quetzaltepec

¹⁹ Ja Coré tëë ënäty tyajtu'ukmujkta'ay ja ja'ay jam ma ja wit tëjkën ma ja näpyaatë y'ityën mëët yë Tios. Ënät ja Tios ojts ja myëj'ajt y'oyajtën jam nyänyikëxë'ëkyë ma ja mayjyä'äy yajpaatën.

Números 16:19 ပူးပေါင်းရင်းမြစ်များ

Números 16:42

Yajxon yë Moisés ets Aarón tjantynyapikëtë. E yë'ëjëty jam ojts nyëjkxtë ma ja wit tëjkën ma ja näpyaatë y'ityën mëët ja Tios. Ënät ojts ja yoots jam kyëtä'äky wit tëjknëkëjxm ets ja Tios ja myëj'ajt y'oyajtën nyänyikëxë'kë.

Números 14:10

Ko jëtu'un y'ënantë, ja yi'inëm ja ja'ay kyakuka'tsëtë. Ënät ja Tios ja myëj'ajt y'oyajtën ojts nyänyikëxë'ëkyë, ma ja tsajptëjkkopkën, mëti'ipë wit tëjkën ets ja Israel ja'ayëty ojts t'ixtë.

Levitico 9:23

Ënät ja Moisés mëët ja Aarón jap tyëjkëy ma ja wit tëjkën ma ja näpyaatë y'ityën. E ko ojts pyëtsëmtë, tääts ojts tkënu'kxtë ja Israel ja'ayëty, täänëm ja Tios nyänyikëxë'kë mëët yë mëj'ajtën ma ja naax kajpnën.

Éxodo 16:7

E ko jyopy'atëty, jää xy'ixtëty yë Tios yë myëj'ajt y'oyajtën, yë'ë wa'ats të tmëtoy ko miitsëty wiinkjaty të xynyimëtya'aktë. ¿Jä'ä ko ëëtsëty tii mëj'ajtën n'ëkmëët'ajtëpës etsës xynyi'oj xynyiyaaxëtëty?

Números 20:6

Ja Moisés ets ja Aarón ojts twintso'ontu'utë ja naax kajpn ets ojts nyëjkxtë ma ja wit tëjkën ma ja näpyaatë y'ityën ets nyäkyoxtënaaytyakëtë. Jam yë wyimpokëty naaxkëjxy tim yajja'të. Ënät ja Tios ja myëj'ajt y'oyajtën ojts jam nyänyikëxë'ëkyë.

Números 12:5

Yë Tios yootsjoty ojts kyëtä'äky ets nyäpyëjktakë jam ma ja wit tëjk yajnitëkën ma näpyaatë y'ityën, tääts ojts tmëkäjpxy ja Aarón ets ja Maria. E ko ojts jam nyäwya'këxë'ëkëtë.

Levitico 9:6

Ënät ja Moisés y'ënäny: ya'atë jëtu'un yë Tios të tni'ënä'ämë, tuntë jëtu'un ets Tios nyänyikëxë'ëkëtëty ma miitsëtyën mëët tu'uk yë mëj'ajtën.

Éxodo 16:10

Ma ënäty jam jëtu'un ja Aarón myëtyä'äkyën mëët yë Israel ja'ayëty, ënät jam nyajts'ijxëtyääytyë të'ëts'itum ets ojts ja Wintsën t'ijxëtë ja myëj'ajt y'oyajtën yootsjotm.

Números 16:18

Ënät ojts nitu'ukjaty ja jyëëntsijtk tpëjkë'kta'atë ets ja jëënpajk ets ja pyoom t'apëjkëtyë ets tpuwa'këtyë ja Moisés ets ja Aarón, jam tëjk'ëkë'ëm ma ja wit tëjkën ma ja näpyaatë y'ityën, jä'ä jëtu'un ja tëjk mëti'ipë witnikojyën.

Números 16:20

Tä ja Tios t'ënëmaay ja Moisés ets ja Aarón:

Números 20:2

Ka'ap ënäty jam maa nëë, ënät ja ja'ayëty tyu'ukmujktaaytyë ets ja Moisés mëët ja Aarón tukmëkajpxa'antë,