Números 16:17 - Biblia Mixe de Quetzaltepec

¹⁷ Mënëjkxtëp nitu'ukjaty yë mjëëntsijtkëty ets jap xynyo'oktëty yë poom. Mijts mëët yë Aarón mënëjkxtëp näjyëtu'un yë mjëëntsijtkëty. Ets tu'ukyë xypyëjkta'aktëty ma ja nimäjtsk mëko'px ja wëxtyikxy myajkpë ja jyëëntsijtk yajpaatën jam Wintsën wintum.

Números 16:17 ပူးပေါင်းရင်းမြစ်များ

1 Samuel 12:7

Paaty tyam nänyipëjktaakëtë, jä'ä ko yë'ëjës yam nkajpxäämpy nmëtya'akäämpy mëët miitsëty Tios wintum, mëti'ipë yë'ë të tunyën oy tsuj ma miitsëtyën ets näjyëtu'un ma ja m'ap m'okëtyën.

Éxodo 27:3

Tëkokyë yë apëjk atu'unën jënu'un tyuna'anyën ma wintsë'këntyaknën aakyë'ë mëët xy'oytyunëty yë tsuxkpujxn: yë nyi'apëjkën ma nyipäta'anyën yë jaam, yë jä'pn, yë mëj a'ukën; jëënmä'tn ets jëëntooytyakn.

Números 16:16

Ënät ja Moisés ok t'ënëmaay ja Coré: Jopy mnäywya'këxë'ëkëtëty mëët yë mëku'uktëjk jënu'un mëët mnäpyikyën, jam ma Tiosën. Yë Aarón yajpaataanp jam näjyëtu'un.

Números 16:18

Ënät ojts nitu'ukjaty ja jyëëntsijtk tpëjkë'kta'atë ets ja jëënpajk ets ja pyoom t'apëjkëtyë ets tpuwa'këtyë ja Moisés ets ja Aarón, jam tëjk'ëkë'ëm ma ja wit tëjkën ma ja näpyaatë y'ityën, jä'ä jëtu'un ja tëjk mëti'ipë witnikojyën.

Ezequiel 8:11

Nitëkë'px majk jap yë Israel mëjja'aytyëjk tyaktë yë wintsë'kën, tap yë Jaazanías, yë Safán yë myaank, yë'ë jap y'ëwtajtëp tääpë awinax. Aaktam tkë'ëkë'ë'atë jyëën xijtnëty, yajxon yëkjok jam tjanty pyëjkta'aktë mëët yë poom jok.