Números 16:14 - Biblia Mixe de Quetzaltepec

¹⁴ Mijts ka'apës maa të xyajnëjkxtë ma xynyikäjpxyën yë jë'kxy pëky ka'ap y'ëmaaytyä'äkyën. Ni nkam ni ntu'ujës të xykyamo'otë maas jeexyë npäntë nkojtën ja jë'kxy pëky. ¿Ëkë jä'äjën xytsyoky ets janty jëtu'un winë ntuunkojtëtyësë tä jeexyë ëëts nwiints'atënë? Ëëts ka'apës yam nëjkxa'antë ma jam mijts myajpaatyën.

Números 16:14 ပူးပေါင်းရင်းမြစ်များ

Levitico 20:24

Tyam jëtu'un ntukwinwanëtë, ko miits nëjkx xynyiwintsën'atë ja naax kajpn, mëti'ipë yë'ëjëty kyajpn'ajtëpën, ëjts jëtu'un miitsëty kë'ëm ntimmyo'ojantëp tääpë yë naax kajpn, ma ja jë'kxy pëky ka'ap y'ëmaaytyä'äkyën. Ëjts jëtu'un Wintsën mëti'ipë miits mTiosajtëpën ets mëj'äämpy miitsëty mpëjkta'aktë ma ja naax kajpnën ja wiinkëtypë.

1 Samuel 11:2

E Nahas mëti'ipë Amón ja'ayën tyaa y'ëtsoowëtë: Oy, tyam yë käjpxtyu'unën yajtunëty, je'eyëp tëy ko këëktu'ukës yë m'a'oywyiin njuutëty, jëtu'unts yë Israel ja'ayëty o'ktëy jyatëty kyëpätëty.

Jueces 16:21

Jëtu'un'äämpy ja filistejë ja'ayëty ojts tmatstë ja Sansón ets ja wyiin ojts tju'tëtë. Tääts jam ojts tyajnëjkxtë Gaza; ko jam tmëja'ajtë yë'ë ojts tuktsumtë yë pujxn'aats, yë'ë tyuktij'ëwtijtëp tu'uk ja mëjtsaa mëti'ipë ja tsajpmok tyukmäätëpën.

Números 20:5

Tii ko ojts jap xy'ëkyajtso'ontëpës Egiptë ets të xyajmintës yaa, ma ja it naaxwiinyëtë atsë'ëk ajawëpë? Yaa ka'ap tjëkyepy wi'ix nipmëty nkojmëty ets wi'ix pën tpëjkta'akëty ujtskam jë'kxykyam, yë'ëpaat yë nëë ka'ap yaa npatmëty.

Éxodo 23:11

e ko wyëxtujkjëmëjtpätëty këtii jää nitii xy'ëkyaj'ijnëty, ëxmats yë naax, wä'än näjyëtu'un tu'kjëmëjt tpo'kxy ets jam jyi'kxypyaatëty ja ëyoopëja'ay, mëti'ipë yajpatëpën ma ja mnaax mkajpnën ets näjyëtu'un ja jëyujk jam jyi'kxypyaatëty, ma mëti'ipë ënäty natëjkëpën. Jëtu'un xytyunëty oy jyamëty ma m'tsatsym kamën ets maa m'olivë kamën.

Éxodo 22:5

Pën yë jyëyujk nyajtsmajtsëp ets nëjkx tyajjë'kxë'ëka'any ets muum tyëkëty ja'ay kyamjoty, ko kyëtyeyëty jä'ä nëjkx tkëpäjnë ja këtyey mëët ja kyë'ëm kam ëkë ja kyë'ëm tsatsymkyam.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Éxodo 3:8

Paatyës yaa naaxwiiny të nkëtä'äky etsës nyajtso'oka'antë ma Egiptë ja'ayëtyën, nyajpëtsëmantëpës yam ma tääpë kajpnën etsës nyajnëjkxa'antë ma ja oypyë ja it naaxwiinyëtë, ma myëjwiin y'ëwaatsëtyën ets ma ja jë'kxy pëky ka'ap ninu'un y'ëmaaytyä'äkyën; jam jëtu'un ma tsyëënëtën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty.

Éxodo 23:10

Yajtun ja mnaax mkam ets jam xyajpëtë'ëkëty yë mpëjktä'äky ets mtunëty mpëkëty tëtujk jëmëjt,

Números 13:27

Ënät ja Moisés t'ënëmaaytyë: Tëës jam n'otstë maas ojts xykyäxtën. Jam janty ka'ap yë jë'kxy pëky y'ëmaaytyä'äky, yë jë'kxy pëky jëtu'un jam n'ijxmëty ka'ap y'ëmaaytyä'äky tä yë nëë pyëyi'ikyën. Ets tyaajës wäänë të nmëmintë, mëti'ipës jam të npaatën.

Números 14:8

Ko yë Tios xypyutëjkëmëty, xymyo'omyëp tääpë it naaxwiinyëtë. Ma tääpë it naaxwiinyëtën ka'ap jam yë jë'kxy pëky y'ëmaaytyä'äky. Jëtu'un jam yë jë'kxy pëky xyit kyo'oy, tä yë nëë pyëyi'ikyën.