Números 16:13 - Biblia Mixe de Quetzaltepec

¹³ ¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 16:13 ပူးပေါင်းရင်းမြစ်များ

Hechos 7:35

Oy ënäty ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Tios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënäty wyintooypyetyën.

Números 11:5

Yajxon yaja'amyäjtsnë wi'ix ijty jap ntsu'tsëmën yë nëë jëyujk Egiptë. Ets näjyëtu'un wi'ix ijty jap një'kxëmën yë ujtstëëm, këtsi'ixyëty, cepollëty ets ëxuxëty.

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 2:14

Ënät tääpë nimäjtskpë ja hebreo ja'ayëty y'ëtsoowtë: ¿E mijts pën të mpëjktakëpë ënä'ämpë yajkutujkpë ma ëëtsëtyën? ¿Ëkë jä'äjëtën m'ëna'any, ko näjyëtu'un ënät yam xyaj'ookëtyës, tä ëxë'ëy xyaj'o'kyën ja Egiptë ja'ayë? Ko yë Moisés jëtu'un tmëtooy ja ayuk, ënät ojts ja tsë'ëkë tyuktëkëty. Jä'ä ko tëëtëm ënäty yajnijawë, ko ja Egiptë ja'ay të tyaj'ooky.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Números 14:2

Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Éxodo 17:3

Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Éxodo 2:23

Jëtu'un nyäjxy ja xëëw po'o, ja yajkutujkpë mëti'ipë ënäty jap të y'ëne'emyën Egiptë ojts ja y'o'knë. E ja Israel ja'ayëty je'eyëm ënäty jap mëk jyänty y'ëyowtë ets xëmë je'eyë kyumon kyutukëtë mëët ja nätyiytyunë jap Egiptë. Yë Tios ojts tmëtoow'ity ko jap Israel ja'ayëty jyë'ëtë ya'axtë.

Éxodo 1:22

Yë yajkutujkpë ojts t'ëne'emy yë ja'ay ets t'ënëmaay: Nëjkx nëëkujëpijpta'atë yë mëxu'unktëjk, mëti'ipë yä'äy ëna'këtyën, yë'ë jëtu'un yë hebreo ja'ayëty y'u'unkëty, tu'kë'ëyë jëtu'un tyimmintën naaxwiiny, yë to'oxy ëna'k'u'unkëty myajwë'ëmtëp, wä'än tjuuky'atë.

Éxodo 1:11

Ënät ojts ja Egiptë ja'ayëty tpëjkta'aktë ja tuunpëwintsën mëti'ipë nyi'ënä'ämëtëpën mëktä'äky ja tuunk ma ja Israel ja'ayëtyën ma jam ja tuunk tyajtu'uye'eytyën. Ojts atsip tyukojëtë mäjtsk ja kajpn mëti'ipë txëëwajtëpën Pitón ets Ramsés, jam ijty tii winë tpëjkë'ëky ja mëj'ënä'ämpë mëti'ipë jap yajkutujkpën Egiptë.

Números 11:4

Ma Israel ja'ayëtyën tam ënäty yajpaatë jaaypyaat jaaypyo'kxyëty, mëti'ipë yi'iyë myëmaay myëët'ajtëpën yë ka'ayën ukën. E ja Israel ja'ayëty näjyëtu'un ja tpa'ëtëtstë. Ojts tyëkëtë kuma'ay kutajëpë ets jëëpyë yaxpë y'ëna'antë: Tsu'utsyës yajxon njajantsyu'utsäämpy.

Números 14:3

¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 16:12

Ënät ja Moisés ojts tyaxtsoy ja Datán ets ja Abiram yë myaank Eliab, e yë'ëjëty tyaa ojts y'ëtsowtë: Ëëtsëty ka'apës nëjkxa'antë.

Ezequiel 34:18

¿Këtii xytyukjotkëta'aktë oy xyjyajë'kxtë ja oyëtypë aay ujtsë, koonëmën xy'atääna'an xytyuktääna'antë mëti'ipë të wyi'imyënë? Ko mnëë'ukta'atë tääts jap mkuwa'akëtë ma wa'atsnëëjën mëti'ipë jaakwa'ats nëë'ajtpën.

Números 11:20

Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?

Números 13:27

Ënät ja Moisés t'ënëmaaytyë: Tëës jam n'otstë maas ojts xykyäxtën. Jam janty ka'ap yë jë'kxy pëky y'ëmaaytyä'äky, yë jë'kxy pëky jëtu'un jam n'ijxmëty ka'ap y'ëmaaytyä'äky tä yë nëë pyëyi'ikyën. Ets tyaajës wäänë të nmëmintë, mëti'ipës jam të npaatën.