Números 16:12 - Biblia Mixe de Quetzaltepec

¹² Ënät ja Moisés ojts tyaxtsoy ja Datán ets ja Abiram yë myaank Eliab, e yë'ëjëty tyaa ojts y'ëtsowtë: Ëëtsëty ka'apës nëjkxa'antë.

Números 16:12 ပူးပေါင်းရင်းမြစ်များ

Judas 1:8

Oy jyajëtu'unëty, tääpë ja'ayëty, jëtu'un jyuuky'atë tä jeexyë wyinkuma'atën, tyaj'ëxëëkëtë ja jyot nyini'kx, ka'ap ja Tios ja kyutujkën tsojkëtë ets y'ëxëëktijtëp ja kutujkën këjxmëpë.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Proverbios 29:9

Ko tu'uk yë wijyjyä'äy nyäy'ojyë mëët yë tsuuja'ay, nëkoo je'eyë nyäyajjoot'anpëkyë ets je'eyë yajnëxi'ik yajtukxi'iky ets nitii tkayaj'oyë.

Números 16:1

Tu'uk yë Leví ja'ay, Quehat yë y'u'unk y'ok, jä'ä xyëëwajtyp Coré yë'ë myaank yë Ishar; ëpëky nitëkëëk ja Rubén yë jyä'äy, jä'ä xyëëwajtëp Datán ets Abiram, Eliab yë myaank nimäjtskëty ets On, Pelet yë myaank,

Números 16:11

Yë Aarón nitii mëj'ajtën tkamëëtëty ets miitsëty wiinkjaty xynyi'ëw xynyikajpxtëty; yë Wintsën yë'ë jëtu'un të xykyäjpxy kumëtoownaxtë mijts ets mëët yë mëku'uktëjk.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?