Números 16:1 - Biblia Mixe de Quetzaltepec

¹ Tu'uk yë Leví ja'ay, Quehat yë y'u'unk y'ok, jä'ä xyëëwajtyp Coré yë'ë myaank yë Ishar; ëpëky nitëkëëk ja Rubén yë jyä'äy, jä'ä xyëëwajtëp Datán ets Abiram, Eliab yë myaank nimäjtskëty ets On, Pelet yë myaank,

Números 16:1 ပူးပေါင်းရင်းမြစ်များ

Salmos 106:16

Jam ma ënäty të tsyënaaytyaknpëktën ojts tmëtsiptsoontë yë Moisés, ets Aarón, mëti'ipë ënäty yë Tios të kyënu'kxyën ets të wyin'ixyën.

Éxodo 6:16

Yë Leví jä'ä jyuuky'äjty mëko'px ja i'px majkmokx mäjtsk jëmëjt. Jä'ä xyëëwajtë ja y'u'unk y'ëna'k, Guersón, Quehat ets Merarí, jëyëjp yë mëjpë ets ok yë mutskpë.

Éxodo 6:18

Yë Quehat jä'ä ojts jyuuky'äty mëko'px ja i'px majktëkëëk jëmëjt ets y'u'unk y'ëna'këty jä'ä ojts txëëwatë: Amram, Ishar, Hebrón ets Uziel.

Éxodo 6:21

Yë Ishar yë y'u'unk y'ëna'k jä'ä xyëëwajtë: Coré, Néfeg ets Zicri.

Números 15:41

Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë ets yë'ë Tyios'ata'any ma miitsëtyën. Ëjts jëtu'un Wintsën, mëti'ipë miits mTiosajtëpën.

Números 27:3

Ëëts yë nteetyëty jam y'o'ky të'ëts'itjotm. E yë'ë ka'ap tmëjwa'kpejty yë Coré, mëti'ipë ojts tmëtsiptsoonyën yë Wintsën. Yë'ë kyë'ëmpoky ojts tku'ookë ets ka'ap nitu'uk yë y'u'unk y'ijty mëti'ipë ye'etyëjkën.

Deuteronomio 11:6

Wi'ix ojts tyajjaty tyajkëpetyën yë Datán ets Abiram, yë y'ëna'k yë Eliab, yë jyä'äy yë Rubén. Wi'ix ja naaxwiinyëtë y'ëwatsyën ets ojts jap kyënajxta'atë mëët tëkokyë ja y'u'unk y'ëna'këty, ja y'u'unk tyo'oxytyëjkëty, ja jyëën tyëjkëty ets tëkokyë jënu'un ënäty winë tmëët'atën. Tyaapë ma jëtu'un jyä'äjty kyëpejtyën, wa'ats ojts yë Israel ja'ayëty t'ijxta'a tnija'awëtya'atë.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.