Números 15:9 - Biblia Mixe de Quetzaltepec

⁹ Nëjkxëp tëtujk tsim yë tsajpmokjëtsy ëpëky xyjyaakyajni'ikëtë, mëti'ipë ënäty mëët të xytyijëtitën mäjtsk tsim ja on

Números 15:9 ပူးပေါင်းရင်းမြစ်များ

1 Crónicas 21:23

Ets ja Ornán y'ëtsoowë: Tam yë naax kam, Wintsën, mijts ix wi'ix xyajtuna'any. Yë tsajpkaa oy nmo'ojëty wä'än yë'ë twintsë'kën'aty, e yë kepy mëti'ipës yë tsajpmok ntukyajpajk'ajtypyën wä'än yë'ë tja'axy'äty ets tsajpmok wä'än yë'ë Wintsën tyajtukwintsë'ëkë. Tëkokyë ya'atë mijts yam nmooytyääpy.

Nehemías 10:33

ets yajtukjuyëty yë tsajpkääky xëmëpë yajyäkyën mëti'ipë yajmo'ojëpën yë nTeety'ajt nKoonk, ja aaypyajk ujtspajk, ja wintsë'kën ja nino'okpyë ets ja wintsë'kën mëti'ipë yajyajkpën ko jyää'aty po'kxënxëëw, ma po'o pyi'k'atyën ets ja wiinkëtypë ja xëëw; ets tëkokyë mëti'ipë yajyajkpën, ja wintsë'kën ma ja pokyma'kxën yaj'amëtoyën ets yajnimä'kxtëty ja Israel ja'ayëty ets näjyëtu'un ma ja nätyu'ukmukë y'ityën jap ma ja Wintsën ja tsyajptëjkën.

Ezequiel 42:13

Ënätës xy'ënëmaay: Yë tëjk mëti'ipë yajpatëpën anëkëjxmtsow ets ëpa'tkë'ëytsyow wa'ats yë'ëjëty, yë'ë të yajtuknikojëtë yë teetytyëjkëty ets jam tjë'kxtëty tpëktëty ja jë'kxy pëky mëti'ipë ënäty ja Wintsën të yajtukwintsë'ëkën; jam tpëjktakta'atëty ja wintsë'kën wa'atsëtypë mëti'ipë ja'ay yajktëpën nino'oky nixämy ets mëti'ipë tyukunajxtëpën ja nëë poky, jä'ä ko tääpë tëjk wa'ats yë yajpaaty.

Ezequiel 46:11

Ma xëëw tyunyën kanaakpëky jä'ä yë tsajpkaa ayääkë yajtukpuyakëty yë ujtspajk i'px tsimjaty ets näjyëtu'un tu'ukjatypë kupixyny ayääkë yajyäkyën; e yë kupixyny mëjëtypë kë'ëm xy'a'ixëtëty jënu'un yë ujtspajk xytyukpuyakëja'antë. E ma i'px tsimjatypë yë ujtspajk yajyäkyën tëkëëk tsim ja kujkm yë nyi'on xyajkëtëty.

Ezequiel 46:15

Yë wintsë'kën ma yajnino'okyën ja kupixyny ets ma yajyäkyën ja ujtspajk ets ja on, jopyëp mëpaat yajyäky.

Ezequiel 46:5

Tu'katsypë tyäkyën ja kupixyny ayääkë jä'ä tukpuyakëty yë ujtspajk të'ëtspë i'px tsim, e ma tu'katsypë tyäkyën yë kupixyny mëjpë yë'ë kë'ëm y'a'ixëp jënu'un ënäty tukmëyakëja'any ja ujtspajk të'ëtspë. Pën i'px tsim tyäky yë ujtspajk, tëkëëk tsim ja kujkm tukmëyakëty yë on.

Ezequiel 46:7

Tu'ukjatypë tsajpkaa ayääkë tyäkyën, i'px tsim tukmëyakëty yë ujtspajk ets näjyëtu'un tukmëyakëty tu'ukjatypë yë kupixyny ayääkë, e yë kupixyny mëjpë yë'ë nyijawëp kë'ëm jënu'un tyaka'any. E i'px tsimjatypë tyäkyën ja ujtspajk tëkëëk tsim ja kujkm tukmëyakëty yë on.

Joel 1:9

jëtu'un yë teetytyëjkëty jyë'ëtë ya'axtë jä'ä ko ka'ap jap tii tsatym nyëënë tsajptëkoty tii y'uuktëpën ets tii yë Wintsën tyukwintsë'ëkëtëpën.

Joel 2:14

Wä'änxyëp ka'ap mtëytyunëtëty ets nëjkx mkënu'kxëtë ets mo'ojëtëty yë aaypyajk ujtspajk ets tsatym nyëë mëti'ipë Wintsën mtukwintsë'ëkëtëpën.

Levitico 14:10

Kom tëtujk xëëw mäjtsk tyakëty yë tsajppax ets tëtujk tsim yë tsajpmokway, mëti'ipë nëjkx yaj'oytyunyën mëët yë on ets jëtu'un yë Tios yajmo'ojëty, tä tu'uk yë ayajk ako'onën ets tu'k a'ukën ja on.

Levitico 6:14

Yaa jëtu'un myiny kuja'ay ma yajnimëtyä'äkyën, wi'ix mëpaat yajmo'oyën yë Tios yë aaypyajk ujtspajk; yë teetytyëjkëty jam mëpaat tpëjkta'aktë ma wintsë'këntyaknën ma jam yë Tios yajpaatyën.

Levitico 7:37

E yaa jëtu'un yajnimëtyä'äky, wi'ix mëpaat yajyäkyën ja wintsë'kën mëti'ipë yajnino'okëpën, ja aaypyajk ujtspajk mëti'ipë ayajkën'at ako'onën'atëpën, ja nyiwintsë'kën ko pën tii poky tunëty ets ko pën tyuuntëkoyëty, ja nyi'ayajk nyi'ako'onën ko pën nyäpyuja'an nyäjyä'ätsa'anëtëty ets ja nyiwintsë'kën ko pën ja nay'ëëw'oy näykyajpx'oyë tuna'anëty.

Números 15:10

ets mäjtsk tsim yë tsatym nyëë mëti'ipë tëë nyimaanaxyën. Yë'ëtsës jëtu'un njawëp tä tu'uk yë ayajk ako'onën mëti'ipës nwintuuy ja'ajtpën ets janty'oy xyuuky jyoky.

Números 15:8

Pën yë'ë myakantëp nino'oky tu'uk yë tsajpkaa u'unk, ëkë mwaantakën myaj'ëtukantëp mëët yë Wintsën.

Números 28:12

ma tu'ukjaty ja tsajpkaayä'äy ayääkën, ëpëky xytyukmëyakëtëty tëtujk tsim yë tsajpmookjëtsy mëti'ipë mëët yë on tyukmëwookëtyën, e ja kupixyny yä'äy mëti'ipë të yä'kpetyën, ëpëky mëët yajtukmëyakëty yë tsajpmokway taxk tsim, wo'okjëtity mëët yë on.

Números 28:14

E nëjkxëp ja tsatym nyëë näjyëtu'un yajtukmëyakë mäjtsk tsim ma ja tu'ukpë ja tsajpkaa yä'äyën, tu'ktsim ja kujkm ma tu'ukjatypë ja kupixyny yä'äy mëti'ipë tëë yä'kpetyën ets tu'ktsimjaty ma ja tu'ukpë ja kupixyny yä'äy ayääkën. Ya'atë mëpaat xyaktë nino'oky ma Tiosën winpo'ojëty.

Números 29:6

ëpëky ja jëyujk mëti'ipë yajnino'kpën winpo'ojëty ets ëpëky mëti'ipë yajnino'kpën winjëpom. Ets jä'ä mëti'ipë ëpëky yajtukmëyajkëpën ja aaypyajk ujtspajk ets ja tsatym nyëë mëti'ipë ayajkën'ajtp ako'onën'ajtpën, jëtu'un tä yë Tios të tni'ënä'ämën. Tëkokyë ya'atë ayajk ako'onën nëjkxëp yajnino'oky ets jam jya'tëty Wintsën wintum, tä tu'uk yë xu'kën jojkënën oypyë tsujpë.

1 Samuel 1:24

E ko ojts ja tyi'tsk tuk'ëxmajtsnë mutsknëm ënäty oy, ënät ojts tmënëjkxnë ma ja Wintsën ja jyëën tyëjkën jam Siló. Ojts näjyëtu'un mëët tmënëjkxy tëkëëk yë tsajpkaa'u'unk, i'px tëkëëk tsim yë tsajpmokway ets tu'kxuty yë tsatsym nyëë.