Números 15:5 - Biblia Mixe de Quetzaltepec

⁵ Ëpëky näjyëtu'un xyajktëpëty ja wintsë'kën mëti'ipë të yajnikäjpxyën mëët ja nyi'ayajk nyi'ako'onën, tä ja tsatym nyëëjën mëti'ipë myajktëpën, tu'ktsimjaty ma tu'ukpë ja kupixnyyä'äyën, mëti'ipë tu'uk yë jyëmëjtnëmën je'eyë.

Números 15:5 ပူးပေါင်းရင်းမြစ်များ

Números 28:14

E nëjkxëp ja tsatym nyëë näjyëtu'un yajtukmëyakë mäjtsk tsim ma ja tu'ukpë ja tsajpkaa yä'äyën, tu'ktsim ja kujkm ma tu'ukjatypë ja kupixyny yä'äy mëti'ipë tëë yä'kpetyën ets tu'ktsimjaty ma ja tu'ukpë ja kupixyny yä'äy ayääkën. Ya'atë mëpaat xyaktë nino'oky ma Tiosën winpo'ojëty.

Números 28:7

Ja tsatym nyëë jä'ä nëjkx yajyäky tu'ktsim mëti'ipë mëët yajtukmëyakëtyën ja kupixyny tu'ukpë. Ya'atë tsatym nyëë jap yajpikëty tëkoty ma ja Tios ja wyittëjkën, mëti'ipë ja Wintsën yajtukmëjjawëpën.

2 Timoteo 4:6

Ëjts, yoxyës n'ijnë, tëë timpyääty maajës n'ooka'anyën.

Filipenses 2:17

Oyës jeexyë nja'o'kpë ets nwintsë'kën'atyës ets jëtu'un kya'pxëty ja wintsë'kën mëti'ipë myajktëpën ma Tiosën ko të mëpëktë, jotkujkës näjyawëty ets xoontakpës mëët miitsëty.

Zacarías 9:17

Janty oy janty tsuj nëjkx yaj'ixy yë naax kajpn. Tam'ataanp may yë tsajpmok ets tsatym nyëë; yë n'u'unk'ajt n'ëna'k'ajtëm ye'etyëjkpë to'oxytyëjkpë, oy tsuj nëjkx yääktë pyätë.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Salmos 116:13

Ntukxoonta'akäämpyës yë Tios koos të xyajnitso'oky, etsës npa'tmëkajpxa'any ja xyëëw.

Jueces 9:13

E ja tsatsym'aats tyaa y'ëtsooy ko ka'ap; jä'ä ko pën kyupëjkpy ets yajkutujkpë'atëty ma ja aay kepyëtyën nëjkxëp ja t'ëxmatsy ets ja tsatsymtëëm tyakëty mëti'ipë uuky kyojpën ets ka'ap nëjkx t'ëkmëëtajnëtë ja'ayëty tii yajxoonta'akëtëpën ets tii yë Tios näjyëtu'un yajxonta'akëtëpën.

Levitico 1:10

Pën Tios mtukwintsë'këtyëp yë kupixyny ëkë ja tsajppax, yë'ë myaktëp yë yä'äypyë

Levitico 3:6

Pën yë'ë yë kupixyny yë Tios mtukwintsë'ëkëjantëp, mëët ko xytyuna'antë ja nay'ëëw'oy näykyajpx'oyë. Yë mwintsë'kën'atëp mëti'ipë oy mëkën ets kä'pxyën oy yë'ë yä'äypyë ëkë to'oxypyë.

Levitico 3:7

Pën yäjkpy tu'uk yë kupixyny ma Tiosën.

Números 15:6

Pën yajktëp tu'uk yë kupixyny yä'äy mëti'ipë tëë yä'kpetyën, taxk tsim ëpëky yë tsajpmokjëtsy tukmëyakëtëty mëti'ipë mëët on të yajtijëtityën tu'ktsim.

Números 15:11

Ya'atë mëpaat tuntë ko tyaktëty tu'uk yë tsajpkaayä'äy, tu'uk yë kupixyny yä'äy mëti'ipë të yä'kpetyën, tu'uk yë kupixyny ayääkë, ëkë tu'uk yë tsajppax ayääkë.

2 Crónicas 29:35

Ja Leví ja'ayëty paatykyëjxm ojts yë'ë ja teetytyëjkëty tjaakputëkëtë jä'ä ko ja teetytyëjkëty ka'ap y'ëknipatënëtë, tam ënäty may jyajtënë ja jëyujk'ooky mëti'ipë yajktëpën nino'oky nixämy ets may ja jëyujk on jam jya'ajtënë mëti'ipë ja Wintsën tyukwintsë'ëkëjantëpën mëti'ipë ëëw'o'oy kajpx'o'oyën mëët tuktuna'antën ja Wintsën, ëpëky ja uuky ets ja nëë mëti'ipë ja ja'ay të tmëmintën. Jëtu'un'äämpy jatëkok ojts tsyo'ontä'äky ja oypyë ja tu'unën ma ja Wintsën yaj'ëwtatyën.

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Esdras 7:17

Yë'ës mtukjuyëp ja tsajpkaa ets ja tsajpkaa ëna'k, ets tsajppax ets ja kupixyny, mëët ja nyi'ujts pajk tä yë tsajpmokën ets nëëjën, mëti'ipë mtukwintsë'ëkëtëpën ja Wintsën, jam ma wintsë'këntyaknën mëti'ipë jap tsajptëkoty yajpatpën jam Jerusalén.