Números 15:40 - Biblia Mixe de Quetzaltepec

⁴⁰ Jëtu'un'äämpy xyjyä'ämyätstëty ets xypyatuntëty tëkokyë yë n'ënä'ämënës ntëyajtënës. Kënu'kxy nëjkx mwë'ëmtë ets njä'ä'atëty. Ëjts Tios'ajtp ma miitsëtyën.

Números 15:40 ပူးပေါင်းရင်းမြစ်များ

Romanos 12:1

Mëku'uktëjkëty, yë'ëkyëjxm ko ja Tios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Tios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Tios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

1 Tesalonicenses 4:7

Ka'ap ja Tios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

Colosenses 1:2

tyam ntuknikäxtë ja kajpxpo'kxën miitsëty Tios ja nyaax kyajpn, ja nmëku'uk'ajtëm mëti'ipë të tmëpëktën ja Kristë jampë Colosas yajpaatën. Wä'än ja nTeety'ajtëm Tios mmo'ojëtë ja kënu'kxën ets ja jotkujk'ajtën.

Efesios 1:4

Tios të xywyin'ijxëmë ko ja Kristë të nmëpëjkëmë naamka'anëm ënäty ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Levitico 19:2

Jëtu'un xy'ënëëmëty yë naax kajpn: Wa'ats mëpaat myajpaatë, jä'ä ko ëjts Wintsën mëti'ipë mijts mTiosajtëpën, wa'atsës yë'ë.

Levitico 22:31

Pëjkë'ëktë yë n'ënä'ämënës ntëyajtënës ma mjot mwinma'anyëtyën ets patuntë jëtu'un. Ëjts jëtu'un ënaanp mëti'ipë Wintsën'ajtpën.

Números 15:41

Ëjts jëtu'un Wintsën, mëti'ipë miits mTiosajtëpën, mëti'ipë myajpëtsëëmëtën jap Egiptë ets yë'ë Tyios'ata'any ma miitsëtyën. Ëjts jëtu'un Wintsën, mëti'ipë miits mTiosajtëpën.

Salmos 103:18

Ma ja'ayëtyën mëti'ipë kuuytyu'unxëtëpën ja kyäjpxytyu'unën ets tmëmëtowtë ja y'ënä'ämën tyiyajtën.