Números 15:4 - Biblia Mixe de Quetzaltepec

⁴ Pën yajmiimpy ja y'ayajk y'ako'onën, ëpëky tjaakyajkëty mäjtsk tsim yë tsajpmokjëtsy, mëti'ipë mëët yajxëpinyën yë on.

Números 15:4 ပူးပေါင်းရင်းမြစ်များ

Esdras 7:17

Yë'ës mtukjuyëp ja tsajpkaa ets ja tsajpkaa ëna'k, ets tsajppax ets ja kupixyny, mëët ja nyi'ujts pajk tä yë tsajpmokën ets nëëjën, mëti'ipë mtukwintsë'ëkëtëpën ja Wintsën, jam ma wintsë'këntyaknën mëti'ipë jap tsajptëkoty yajpatpën jam Jerusalén.

Éxodo 29:40

Ja mëtu'ukpë ja kupixyny yë'ë mëët xyakëty yë tsajpmokway mäjtsk tsim, olivë on ets xypyikëty tu'ktsim yë tsatym nyëë.

Isaías 66:20

Nëjkxëp tyajmiinta'atë nitëkokyë yë mjëëky mmëku'ukëty mëti'ipë ënäty wiink naax wiink kajpn yajpatëpën. Tam mëti'ipë nëjkx myinyën kwaaykyijxy, kepy wyintëkäämpëkëjxy, kepykyijxy, mulëkëjxy ets jëyujk jëku'uxkëjxy. Jëtu'un nëjkx n'ixyës tä jeexyë pën tii xytyukwintsë'ëkënës jam Jerusalén, tä yë Israel ja'ayëty tmëmintën yë wintsë'kën a'ukënjoty mëti'ipë wa'atsën, mëti'ipë jam yajktëpën maas yë ntsajptëjkën ets maas ja nkopkën wa'atspë. Ëjts, Wintsën, ëjts ënaanp.

Ezequiel 46:14

Näyjyëtu'un winjopy yajmo'ojëty yë Wintsën yë aaypyajk ujtspajk wëxtujk tsim ets tu'ktsim yë on, mëti'ipë yajtuknipëkëpën yë tsajpmokway. Ya'atë jëtu'unpë tsajptëkoty tyuunk kopkpëky yë'ë.

Levitico 1:13

Ja teety mëti'ipë yäjkpyën ja wintsë'kën, jëyëjp tpujëty ja jëyujk tiinty ets ja jëyujk puuy ets tnino'okëty jam ma ja wintsë'këntyaknën mëti'ipë ja Tios tyukwintsë'ëkëpën, tä tu'uk yë ayajk ako'onën mëti'ipë oy xu'kp jojkpën.

Levitico 14:10

Kom tëtujk xëëw mäjtsk tyakëty yë tsajppax ets tëtujk tsim yë tsajpmokway, mëti'ipë nëjkx yaj'oytyunyën mëët yë on ets jëtu'un yë Tios yajmo'ojëty, tä tu'uk yë ayajk ako'onën ets tu'k a'ukën ja on.

Levitico 2:1

Ko pën yë Tios tuknimina'anëty yë aaypyajk ujtspajk, yë'ë mëpaat tmëminy yë oyëtypë tsajpmokway ets mëët tukmëpëkëty yë on ets poom.

Levitico 2:15

Ma ja mnäyoxë xyaka'anyën, mpëjkta'akëp yë on ets poom nëkëjxy, jä'ä ko yë'ë ja ayajk ako'onën mëti'ipë aaypyajk ujts pajkën.

Levitico 23:13

Nëjkxëp näjyëtu'un tyajmintë yë tsajpmokway me'eypyë mëti'ipë onmëëtën, taxk tsim ja kujkm. Ets yë'ë yë Tios yajtukwinno'okëty ets jya'tëty jam ma yë'ëjën, tä tu'uk yë xu'kën jojkënën oypyë tsujpë.

Levitico 3:7

Pën yäjkpy tu'uk yë kupixyny ma Tiosën.

Levitico 6:14

Yaa jëtu'un myiny kuja'ay ma yajnimëtyä'äkyën, wi'ix mëpaat yajmo'oyën yë Tios yë aaypyajk ujtspajk; yë teetytyëjkëty jam mëpaat tpëjkta'aktë ma wintsë'këntyaknën ma jam yë Tios yajpaatyën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

Números 28:12

ma tu'ukjaty ja tsajpkaayä'äy ayääkën, ëpëky xytyukmëyakëtëty tëtujk tsim yë tsajpmookjëtsy mëti'ipë mëët yë on tyukmëwookëtyën, e ja kupixyny yä'äy mëti'ipë të yä'kpetyën, ëpëky mëët yajtukmëyakëty yë tsajpmokway taxk tsim, wo'okjëtity mëët yë on.

Números 28:4

Tu'uk jopyëp yajyakëty ets tu'uk jënäkyxyëëw.

Números 29:6

ëpëky ja jëyujk mëti'ipë yajnino'kpën winpo'ojëty ets ëpëky mëti'ipë yajnino'kpën winjëpom. Ets jä'ä mëti'ipë ëpëky yajtukmëyajkëpën ja aaypyajk ujtspajk ets ja tsatym nyëë mëti'ipë ayajkën'ajtp ako'onën'ajtpën, jëtu'un tä yë Tios të tni'ënä'ämën. Tëkokyë ya'atë ayajk ako'onën nëjkxëp yajnino'oky ets jam jya'tëty Wintsën wintum, tä tu'uk yë xu'kën jojkënën oypyë tsujpë.

Números 7:13

Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Romanos 15:16

etsës nmëtunëty ja Jesukristë ets ja ja'ay tuk'oy'atëty mëti'ipë ka'ap jyutiis'atën. Yë'ës ntukmëtuumpy ja Jesukristë etsës nkajpxwa'kxëty ja oy aaw oy ayuk mëti'ipë tso'onën ma ja Tiosën. Jëtu'untsës ntuny ets y'itëty mëti'ipë ka'ap jyutiisëty ijxtëm ja wintsë'kën mëti'ipë Tios y'oyjya'apën, mëti'ipë Kënu'kxymyëkajtën të tyajwa'atsyën.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Tios tyukjotkëtäkpy.

Jueces 9:9

E ja olivë kepy tyaa y'ëtsooy, ko ka'ap, jä'ä ko pën tëjkëp yajkutujkpë ka'ap nëjkx t'ëkyajknë ja on mëti'ipë mëk yë ja'ay yajtuuntëpën ets mëti'ipë yë Wintsën yajtukmëjja'apën.