Números 15:29 - Biblia Mixe de Quetzaltepec

²⁹ Ya'atë ënä'ämën tunëp ma Israel ja'ayëty ets ma ja jaaypyaat jaaypyo'kxyën mëti'ipë tsënaaytyëpën ma miitsëtyën, pën ka'ap tsyokyëty të pyokytyuny.

Números 15:29 ပူးပေါင်းရင်းမြစ်များ

Números 15:15

Ya'atë ënä'ämën tsoowpatp ma miitsëtyën ets ma jaaypyaat jaaypyo'kxëtyën; yë'ë jëtu'un xëmë ënä'ämën'atëp ma miitsëtyën ets ma m'u'unk m'okëtyën.

Números 9:14

Ja jaaypyaat jaaypyo'kxyëty mëti'ipë tsënaaytyëpën ma ja mnaax mkajpnëtyën, kopkpëky ko näjyëtu'un tmëjjawëtëty yë ëmaayxyëëw maas ëjts ja nxëëw mëj nyäxyën, jëtu'un tääjës të ni'ënä'ämën. Ja ënä'ämën mëti'ipës të nyajwë'ëmyën, tunëp näjyëtu'un ma jaaypyaat jaaypyo'kxëtyën ets ma kunaax kukajpnëtyën.

Levitico 17:15

Ko tu'uk yë Israel ja'ay ëkë jaaypyaat jaaypyo'kxy tsu'utsëty yë jëyujk, mëti'ipë najts'ookën, nëjkxëp yë wyit tpujy ets nëjkxëp kë'ëm nyäpyujy nyäjye'etsyë wa'ats ets ëxëëk jëtu'un wyë'ëmëty tyimkutsu'ujëty, oknëm wa'ats jatëkok wyë'ëmëty.

Levitico 16:29

Ya'atë ënä'ämën itëp jëtu'un xëmë ma miitsëtyën. Ma myajk'anyën ja mëwëxtujkpo'opë nitii jää xykyajë'kxtëty, ayuu jä'ä mxëëwnaxtëty ets nitii jää xykyatontëty, wä'än timpyënëty, oy yë'ëjëty yë Israel ja'ayëty ets oy yë'ëjëty yë jaaypyaat jaaypyo'kxyëty, mëti'ipë ijtëpën ma miitsëtyën.

Lucas 12:48

E pën ja tuunpë ka'ap timnyija'apë pën wi'ixtëm ja wintsën tjatsokyën ets ka'ap tjëjp'ixy ets ka'ap jëtu'un winë tuny ijxtëm jyapaatë'atyën, wäänë yajktukëpätëty; ka'ap nëkoo yajtukwopëty. Pën tii may yajmoopy, näjyëtu'un yaj'amëtowëty may'äämpy. Pën tii wäänë yajmoopy, näjyëtu'un wäänë yaj'amëtowëty.

Levitico 4:2

Ënëëmë yë Israel ja'ayëty, ko pën pyokytyunëty ajotkumonë ets tkäjpxykyutëjëty ja ënä'ämën tëyajtën mëti'ipë ënäty ja Tios të tni'ënä'ämën yajpatunëty, ya'atë nëjkx tuntë:

Números 15:28

Yë teety yë'ë kyë'ëyakëp ja wintsë'kën, mëët ko tääpë ja'ay të pyokytyuny ets ja pokymyä'kxën tpaatëty.

Números 15:30

E pën tu'uk yë ja'ay tsoky tyimpokytyuunpë, ëjts jëtu'un xyajjotma'tp, wä'än yë'ëjëty yë Israel ja'ay ëkë wä'än yë'ëjëty yë jaaypyaat jaaypyo'kxy. Tääpë ja'ay nëjkxëp tyimyajjo'otsy ma nyaax kyajpnën.

Éxodo 12:49

Ya'atë ënä'ämën tunëp ma ja kunaax kukajpnëtyën ets ma ja jaaypyaat jaaypyo'kxyën, mëti'ipë jam tsënaaytyëpën ma miitsëtyën.

Josue 8:33

Tëkokyë ja ja'ayëty jam nyäpyëjktakëtë, ma ja kaaxën mëti'ipë ja käjpxytyu'unën myë'ijtypyën mëti'ipë ja Tios jyä'ä'ajtypyën, yë kukajpn ets jaaypyaat jaaypyo'kxyëty. Näyjyëtu'un ja mëjja'aytyëjkëty, ënä'ämpëtëjkëty ets ja tsiptuunpë wintsëntëjkëty. Jëtu'un ja näkyënu'kxë tpaata'antë ni'ëmukë, jam ma ënäty ja teetytyëjkëty mëti'ipë Leví ja'ayëtyën myëtënaaytyëpën kyejkyijxyëty. Nikujkwä'kxy jam yajpaatë ma ja Guerizim kopkën, ets ja kujkwä'kxy jam yajpaatë ma ja Ebal kopkën, jëtu'un tä ënäty tëëyëp yë Moisés të tni'ënä'ämën, ja Wintsën ja tyuunpë.

1 Reyes 8:41

Nëjkxëp jëna'a xëëw jëmëjt tpaaty ma wiink naax wiinkajpn tnijawëtëtyën ja mxëëw ets wi'ix ja mëj'ajtën xymyëëtëtyën.