Números 15:24 - Biblia Mixe de Quetzaltepec

²⁴ Pën ajotkumonë të xyjyä'äytyëkoytyë ets tëkokyë ja naax kajpn nän tëë tja'atyëkoy. Nikajpn tu'uk ja tsajpkaa u'unk xytyukwintsë'ëkëtëtyës, mëti'ipë mnino'oktëpën ets oy ja xu'kën jojkën jya'tëty ma ëjtsën, mëët ja nyi'aaypyajk nyi'ujts pajk mëti'ipë mëët yajtukmëyakën ets näjyëtu'un ja tsatym nyëë, mëti'ipë yë Tios të tni'ënä'ämën. Nëjkxëp ëpëky näjyëtu'un xytyukwintsë'ëkëtës tu'uk yë tsajppax mëti'ipë ja nëë poky kyunaxëpën.

Números 15:24 ပူးပေါင်းရင်းမြစ်များ

Levitico 4:23

E ko tja'amyätsëty ko tëëtëm pyokytyuny, yë'ë yakëp tä ayajk ako'onën tu'uk yë tsajppax mëti'ipë oy mëkën ets kä'pxyën.

Números 28:15

Ëpëky ja wintsë'kën mëti'ipë myajktëpën nino'oky, nëjkxëp tu'uk ja tsajppax xyaktë, mëti'ipë ja Wintsën mtukwintsë'ëkëtëpën ets ja mpokyëty jä'ä tkunaxëty mëët ja tsatym nyëë.

Levitico 5:15

Ko yë ja'ay pyokytyunëty ajotkumonë ets yajnijawëty ko tëëtëm kë'ëmwinma'any tii tnixajë, mëti'ipë ja Tios ënäty të yajtuknipëjktaakën. Yë'ë yakëp yë kupixyny yä'äy yä'kpetypë ets yë'ë nyätyukuyakëtëty, mëëtkyëjxm ko ënäty jëtu'un të pyokytyuny. Ets tukwintsë'ëkëty yë'ë yë Tios. Ja tsajpkaa ja tsyow jëtu'un mëpaat tsyoowtëkë, tä ja poop pujxn meeny tsyoowpaatyën ets ja poop pujxn meeny jëtu'un mëpaat yajkijpxy, tä ja kijpxën jap myinyën ma tsajptëjkën.

Esdras 8:35

Ok, ja ja'ayëty tkë'ëyajktë ja wintsë'kën ma Tiosën, mëti'ipë ënäty të yaj'ëxwoptën ets ënäty tsumy matsy të yajmënëjkxtë wiink kajpn. Ojts tmëjjaw tkënu'kxyjyawëtë ko ënäty jatëkok të tpaatë ja nyaax kyajpnëty, paaty ojts ja Tios ja wyintsë'kën tmo'otë. Majkmäjtsk yë tsajpkaa tyaj'o'ktë, majkta'px majkmokx tu'uk yë tsajppax, tëkë'px majkmokx mäjtsk yë kupixyny ets majkmäjtsk yë tsajppax ayääkë. Yë'ë ojts yë nyëë pyoky tukunaxtë ya'atë jëyujk ooky, aak tsa'ay aak no'oky yë Tios tukwintsë'ëkëtë.

Esdras 6:17

Ma ja wintsë'kën tyajktën: jä'ä ja tsajpkaa u'unk tyaj'o'ktë nimëko'px; nimäjtsk mëko'px ja tsajppax ets taxk mëko'px ja kupixyny; ëpëky wiinkpë tsajppax nimajkmäjtsk, mëti'ipë ja Israel ja'ayëty nätyukunajxëtën, ja nimajkmäjtskpë y'aptëjk'atën, ma ja nëë poky të tuuntëkoytyën.

Levitico 4:2

Ënëëmë yë Israel ja'ayëty, ko pën pyokytyunëty ajotkumonë ets tkäjpxykyutëjëty ja ënä'ämën tëyajtën mëti'ipë ënäty ja Tios të tni'ënä'ämën yajpatunëty, ya'atë nëjkx tuntë:

Levitico 4:22

Ko tu'uk yë wintsën pyokytyunëty ets jä'ä tunëty mëti'ipë ka'ap ja ënä'ämën tëyajtën tyajkutukyën, mëti'ipë yë Wyintsën Tios ënäty të tni'ënä'ämën, pokymyëët wyë'ëmëty, oy ënäty tsyokyëty kya'ëtë'ëtsy.

Levitico 5:18

Ya'atë mëpaat ja'ay jëtu'unpë tuny, yë'ë yakëp tu'uk yë kupixyny yä'äy yä'kpetypë mëti'ipë oyën mëkën ets kë'ëm xy'a'ixëty jënu'un ja jyëyujk tsyowpaaty. Ets tukninëjkxëty ja teety, mëti'ipë ja pyoky tyukuyäjkpyën. Ets jëtu'un'äämpy ja pokymyä'kxën tpaatëty ja ja'ay mëti'ipë ënäty të pyokytyunyën ajotkumonë ets ja nyëë pyoky nëjkxëp yajme'kxy.

Números 15:23

Ya'atë mëpaat xytyuntë. Tsyo'onta'akëty jä'ä xëëw ma ënäty xytyuknipëjktaakëtën ets jëtu'un tyu'uye'eyëty.

Números 15:26

Ëjts nmä'kxäämpyës ja nyëë pyokyëty ja Israel ja'ayëty ets ja jaaypyaat jaaypyo'kxyëty mëti'ipë tsënaaytyëpën ma miitsëtyën, pën ka'ap kë'ëmwinma'any jëtu'un të pyokytyuntë.

Levitico 23:19

Nëjkxëp näjyëtu'un ja tsajppax tu'uk xyaktë ets ja Tios xytyukwintsë'ëkëtëty ets ja poky jä'ä tkunaxtëty ets mäjtsk yë kupixyny mëët ko ja nay'ëëw'oy näykyajpx'oyë tyunyë mëët ja Tios.