Números 15:21 - Biblia Mixe de Quetzaltepec

²¹ Ya'atë ayajk ako'onën xëmë xyaktëty.

Números 15:21 ပူးပေါင်းရင်းမြစ်များ

Éxodo 29:28

Tääpë yë'ë nëjkx tjä'ä'atë yë Aarón ets y'u'unk y'ëna'k, ya'atë ënä'ämën xëmë jëtu'un y'ijtëwëty ma Israel ja'ayëtyën. Ya'atë wintsë'kën yë'ë yajtukniyajkëtëp yë Israel ja'ayëty, ets Tios yajtukwintsë'ëkëp; ma jëtu'un ja nämyë'oyë y'ityën.

Números 18:26

Jëtu'un xy'ënëëmëty yë Leví ja'ayëty: ko t'ëxajëtëty ja tu'kpëkpyë yajëpëkyën ma ja majk pëkpyën mëti'ipë yë Israel ja'ayëty yajktëpën. Nëjkxëp näjyëtu'un ëpëky tyajktëpë tu'kpëky ma ja majk pëkpyën.

Levitico 23:14

Ma ënäty ja ayajk ako'onën xymyënëjkxa'antën Tios wintum, ka'ap mëpaat xykyäytyë yë tsajpkääky ets tsajpmokwaytyë'ëts, ëkë jëtu'unyë tsuxk. Ya'atë jëtu'unpë ënä'ämën jä'ä jëtu'un wyi'imy xëmëkyëjxm ets jëtu'un y'itëty u'unk ok, oy ënäty matsow mtimjyuuky'atë.

Números 15:20

Jëtu'un ijxtëm xyaktën tu'kpëky ja tsajpmokpajk, näjyëtu'un nëjkx xyajktëpë ja tsajpmookjëtsy wäänë ets tsajpkääky xyajkojtëty etsës xytyukwintsë'ëkëtëty.

Números 15:22

Ko ajotkumonë xyjyä'äytyëkoytyëty ets ka'ap xy'ëkyajknëtëty ya'atë ayajk ako'onën, mëti'ipës yë Moisés ntuk'ënä'ämën ets miits xyaktëty.

Ezequiel 44:30

Yë teetytyëjkëty nän yë'ë nëjkx tjä'ä'atë mëti'ipë më''ëka'any pëtë'kpën kamjoty tu'ujoty ets ja ayajk ako'onën mëti'ipë më''ëka'any yajyajkpën. Ets ko ënäty ja jëtsy yajwooky mëti'ipë tsajpkääky yajtuk'oytyuunpën, yë'ë nëjkx yë teetytyëjkëty tjä'ä'atë. Jëtu'un nëjkx yë nkënu'kxënës jam kyëtä'äky ma mjëën mtëjkëtyën.

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Nehemías 10:38

Ko ënäty ja Leví ja'ayëty nëjkx tpëjkmuka'antë mëti'ipë tu'kpëkpyë ma yajpëjkwä'kxyën ja majk pëkpyë tu'uk pyanëjkxëtëty ja teety Aarón y'u'unk y'ok. E ja Leví ja'ayëty tu'kpëky jam tmënëjkxtëty ja majk pëkpyë ma jam tyu'ukmukyën ja jë'kxy pëky jampë ma tsajptëjkën,