Números 15:20 - Biblia Mixe de Quetzaltepec

²⁰ Jëtu'un ijxtëm xyaktën tu'kpëky ja tsajpmokpajk, näjyëtu'un nëjkx xyajktëpë ja tsajpmookjëtsy wäänë ets tsajpkääky xyajkojtëty etsës xytyukwintsë'ëkëtëty.

Números 15:20 ပူးပေါင်းရင်းမြစ်များ

Levitico 2:14

Ko ja Tios xytyukwintsëkëja'anëty ja mpëjktä'äky mëti'ipë ëka'any tëëmpäjtë'kpën, yë'ë tyëëm myajkëp, mëti'ipë ënäty yajxon të myëjayën ets xyaj'ëkëty jëënjoty, tääts xymyä'äjëty, jä'ä ja mëti'ipë ënäty ëka'any tëëm'ajtë'kpën.

Éxodo 34:26

Yë'ë mëpaat xymyënëjkxtë ma ja mWintsën Tios ja tyëjkën, oyëtypë aaytyëëm ujtstëëm mëti'ipë tëëm'ajtë'kpën më''ëka'any, jampë pyëtsimyën naaxwinm kamwinm. Këtii yë tsajppax u'unk jap xyajkë'ëwtëty ma tyaak yë tsyi'tsk nëëjën.

Ezequiel 44:30

Yë teetytyëjkëty nän yë'ë nëjkx tjä'ä'atë mëti'ipë më''ëka'any pëtë'kpën kamjoty tu'ujoty ets ja ayajk ako'onën mëti'ipë më''ëka'any yajyajkpën. Ets ko ënäty ja jëtsy yajwooky mëti'ipë tsajpkääky yajtuk'oytyuunpën, yë'ë nëjkx yë teetytyëjkëty tjä'ä'atë. Jëtu'un nëjkx yë nkënu'kxënës jam kyëtä'äky ma mjëën mtëjkëtyën.

Nehemías 10:37

Ojts näjyëtu'un ëëts nkäjpxy'atë ets nmënëjkxa'antës ja jë'kxy pëky mëti'ipë ayakë'ajtp akonë'ajtpën, japë nyipetyën ma ja jëën tëjkën mëti'ipë ja teetyëjk jyä'ä'ajtëpën, tä ja mokwayën, aaytyëëm ujts tëëmën, uukyën, onën ets yajmo'otëty näjyëtu'un ja Leví ja'ayëty ja jyi'kxy pyikyëty ma yajpupëkyën tu'kpëky ja majk pëkpyë mëti'ipë jam kamwinm tu'uwinm yajpëjkp yajtuunpën, jä'äxë jëtu'un ja tëyajtën myiny ko yë'ë patëtëp tjä'ä'atëty tu'kpëky ma ja majkjatypë yajpëjkwä'kxyën.

Levitico 23:10

Jëtu'un xy'ënëëmëty yë Israel ja'ayëty: ko ënäty miitsëty jam të mjajnëtë ma ja itjotmën, mëti'ipë nmo'ojantëpën ets xynyiyu'ujëtëty ja tsajpmok ets y'itëty wyintëwëty, ko nëjkx xyajpëtë'knëtë ja pëjktä'äky, ja më''ëka'anypë xyajpëtë'ëktën, tu'k'atsumy nëjkx ja teety jëyëjp xymyo'otë.

Éxodo 23:19

Yë oyjyätyëtypë aay ujts mëpaat xymyënëjkxy ma mWintsën yë tsyajptëjkën, mëti'ipë ëka'any tëëm'ajtë'kpën. Këtii yë tsajppax u'unk jap xyajwinkë'ëwëty ma tyaak yë tyi'tsknëëjën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Tios ets mëti'ipë yajtijpën Kupixyny U'unk ets të tuknitso'oktë.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

1 Corintios 15:20

E yë'ë tëy'ajtën'ajtp ko ja Kristë të jyuukpyiky, yë'ë jëtu'un ijxtëm më''ëka'any pyëti'ikyën ja pëjktä'äky, yë'ë jëyëjp të jyuukpyiky.

Romanos 11:16

Jëtu'un ijxtëm ja jëtsyën mëti'ipë ja Tios yajtuknipëjktakëpën kënu'kxy ja nyäxy, näjyëtu'un ja tsajpkääky nän kënu'kxy jä'änë. Näyjyëtu'un ënät tu'uk ja kepy tyikts ko tëë Tios tkënu'kxy, ja kepyxye'enty aak wa'ats ja nyajxtaaynyë.

Mateo 6:33

Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Deuteronomio 14:22

Ko winjëmëjt yë mpëjktä'äky xyajpëtë'ëktëty, nëjkxëp wäänë xypyupëktë mëti'ipë ja Wintsën mo'otëpën.

Números 18:12

Mijts yam näjyëtu'un nmoopy ja aaytyëëm ujtstëëm mëti'ipë ëka'any tëëm'ajtë'kpën, mëti'ipë yë Israel ja'ayëty xytyuknimiintëpës winjëmëjt: tä yë olivë onën, tsatym nyëë mëti'ipë tëë nyimaanaxyën ets tsajpmok, tëkokyë aakyë'ë oyjyätyëtypë.

Levitico 23:20

Yë teety yë'ë nëjkx tyäky ya'atë wintsë'kën jam ma Tiosën, mëët ja tsajpkääkyëty, mëët ko tkënu'kxy ja pëjktä'äky ets mäjtsk ja kupixyny. Ya'atë yë'ë nëjkx ja Tios jëyëjp yajtukninëjkxy ets ja teety jä'ä nyiwë'ëmëtëty.

Números 15:21

Ya'atë ayajk ako'onën xëmë xyaktëty.

Deuteronomio 14:23

Mëti'ipë ënäty mpupëjktëpën oy yë'ëjëty yë tsajpmok, tsatym nyëë, ëkë on; ëkë wä'än yë'ëjëty ja më''ëka'anypë myinyën naaxwiiny, ejxtëm ja mjëyujk mtsajpkaajëtyën, mtsajppaxëty, ëkë mkupixynyëty, jam nëjkx xytsyu'utstë xyjyë'kxtë jam wyintum ma ja mWintsënëtyën, ma ja it naaxwiinyëtën mëti'ipë ënäty yë'ë kë'ëm të twin'ixyën ets jam yaj'ëwtat yajmëjjawëty. Jëtu'un'äämpy xytyukjatëty wi'ix mëpaat ja Wintsën xëmë xywyinkutsë'ëkëtën.

Deuteronomio 16:13

Ma ënäty të xyajpëtë'kta'atën ja mtsajpmokëty ets të xywyinma'tsta'atën ja m'tsatsym tëëmëty, ënät nëjkx jä'ä xyajtso'onta'aktë ja xëëw ma yajnixëëwtunyën ja tëjk, mëti'ipë nixo'omyën ets jä'ä ja xëëw jyäkëty wëxtujk xëëw.

Levitico 2:12

Yë tsajpkääky tsyooy ets uuxpa'ak jyëkyejpy xyaktëty ma Wintsënën, tä yë ayajk ako'onën mëti'ipë yajyajkpën ko tiipëjktä'äky më''ëka'any tyëëm'ajtë'ëky, je'eyëp ko ka'ap mëpaat xyaktë ma ja wintsë'këntyaknën tä ja wintsë'kënën oypyë xyuuky jyokyën.