Números 14:6 - Biblia Mixe de Quetzaltepec

⁶ E ja Josué ets ja Caleb mëti'ipë ënäty ojts ja naaxwiinyëtë të t'ixtën, ja wyitëty mëti'ipë ënäty myëët'ajtëpën yajxon tukë'tsëtyääytyë, mëët ko ëxëëk nyäyjyawëtë,

Números 14:6 ပူးပေါင်းရင်းမြစ်များ

Números 14:30

Yi'iyë yë Josué ets Caleb jam nëjkx jya'të ets miitsëty nitu'uk nëjkx jam nkatëkëtë ma ja itjotmën mëti'ipë ntukwinwa'anëtyën mëët ja oyajtën xoontakën.

Números 13:30

Ënät ja Caleb ojts wya'akë'ëky ets tyaj'ëmoontaay tëkokyë ja naax kajpn, mëti'ipë ënäty jam yajpatëpën ma ja Moisésën ets y'ënäny: Tsojk tääpë yë naax kajpn nitsiptu'unëmë ets njä'ä'ajtmëty. Ëëts'ajtëm xymyä'ämyëp yë'ë ets nmëmëtakmëty.

Números 14:38

Yi'iyë ja Josué ets ja Caleb ojts wyë'ëmtë juuky.

Números 13:8

Oseas, yë myaank yë Nun, mëti'ipë jyä'äy'äjtypyën yë Efraín

Números 13:6

Caleb, yë myaank yë Jefuné, mëti'ipë jyä'äy'äjtypyën yë Judá.

Génesis 37:34

Ënät yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënäty të y'ooky të tyëkoy.

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënäty jam pyëjktäkpyën, t'akë'tsëy tyajnikëxë'ëky jëtu'un ko ënäty mëk tjajawë ko ja y'uty të tyëkoy.

Mateo 26:65

Ënät ja teety wintsën ja wyit tkë'tsy a'äkë ets y'ënäny: Ya'atë ja'ay, Tios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Tios tmëkajpxtëkoyën.

Job 1:20

Ënät ja Job pyëti'ky ets tkë'tstëëy ja wyit, jä'ä mëk jya'ap ko ënäty jëtu'un të tyuny të jyätyë, ojts ja wyääy kyopk tkä'pta'ay ets tmënu'kxtäky ja Wintsën.

2 Reyes 18:37

Ënät ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënäty ja Asiria ja'ay, tsiptuunpë wintsën të y'ënä'änyën.

2 Samuel 3:31

Kom ok yë David ojts tuk'ëne'emy yë Joab ets Abisai ets tuktëkëtëty yë ëxëëk wit pakwit ets tnimon tnituktëty ko ënäty ja Abner të y'o'knë, ja David ix'am ojts tpaye'ey ja o'kpë ko ojts yajmënëjkxnë ma nyaax tëkëja'anyën.

Jueces 11:35

Ko jëtu'un t'ijxy ënät ojts yë wyit amëjaaw tnënuky ets tkë'ëtswä'kxy mëët ko janty mëk tja'awëy ko jä'ä ja nyëëx pyëtsiimy äjtspë ets t'ënëmaay: U'unk maay janty o'ktëyës näjyawëty. Mijtsës ënät tyam ëxëëk xyajjajtp xyajkëpäjtp. Tëës yë waantakën tu'uk ntuny ma Wintsën e kopkpëky koos ënät nmo'ojëty mëti'ipës të ntukwinwanën.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënäty o'ktëy të jyat të kyëpätë. Ënät ojts jam nyëjkxtë ma ja Tios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Números 14:24

Yi'iyë yë ntuunpës Caleb mëti'ipë oy ja jyot wyinma'anyën ets tëë xymyëmëtoyës, jëtu'un ijxtëmës ntukjotkëtä'äkyën. Paaty yë'ë ntuk'ixäämpyës ja it naaxwiinyëtë, mëti'ipë ojts të t'ixy të tunyën ets ja y'u'unk y'ok jam nëjkx tsyënaaytyaknpëktë.

Génesis 44:13

Ënät ojts nyänyikëëts nyäy'ixkëëtsëtë, tjamëkjawëtë tja'ëxëëkjawëtë ko jëtu'un jyatë kyëpätë. Ënät jatëkok ja tyimy t'atsëëmpëktë nitu'ukjaty ets tukjëwë'ënë'ktaaytyë ja jyëyujkëty ets jëtu'un jatëkok wyimpijnëtë kajpntum.

Marcos 14:63

Ënät ja teety wintsën ja wyit tkë'tsy a'äkë ets y'ënäny: ¿Tii njaaktimy'ëwxijtëmë? Ka'ap ja ë'ëmpë xë'ëpë may tsyokyë.

Hechos 14:14

Ko tnija'awëtyë ja Pablo ets ja Bernabé, tää ojts jyotmaytyëkëtë ets ja wyit tkë'tstë jä'äkyëjxm ko jëtu'un yajwintsë'ëkëja'antë. Ënät jap nyajtskäkëtyë mayjyä'äyjoty ayaxp ajojkp:

Números 14:5

Ënät ja Moisés mëët ja Aarón nyäjyijtakëtë jam mayjyä'äyjotm.

Números 14:7

Ënät t'ënëmaaytyë ja Israel ja'ayëty: Ja naaxwiinyëtë mëti'ipës ojts të n'ixtën, janty'oy jä'ä.

Josue 14:6

Ënät ja Judá ja y'u'unk y'ok ojts nyëjkxtë jam Guilgal ets myëtya'aka'antë mëët ja Josué. Ojts yë Caleb näjyëtu'un nyijkxy mëti'ipë Quenéz ja'ayën, Jefuné yë myaank ets t'ënëmaay ja Josué: Ja'amyäts wi'ix yë Wintsën ojts t'ënëëmën yë Moisés jam Cades-barnea ko ojts ëëtsajtëm nyajnimëtyakëmë.