Números 14:3 - Biblia Mixe de Quetzaltepec

³ ¿Tii ko Tios të xy'ëkyajmi'inëmpë ma ya'atë naax kamën? ¿Paatykyëjxmën të xyajmi'inëmë ets ënät tsipjoty n'o'kmëtyë? ¿Ets ja nto'oxytyëjk'ajtëmë ets u'unk ëna'k jä'ä ja mëtsip tmëwë'ëmtëtyë? Nikë wä'än y'oypyëtsëmëty ko jatëkok nwinpijtmëty jap Egiptë.

Números 14:3 ပူးပေါင်းရင်းမြစ်များ

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

Salmos 78:40

Kanaak ok ojts tkäjpxykyumëtoownaxtë yë Tios yë y'ënä'ämën ets ojts mëj këjää tyajmon tyajtuktë jam të'ëts'itjotm.

Éxodo 16:3

Y'ënantë: Nikë oy jeexyë yë Tios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 5:21

ets y'ënëmaayëtë: Yë Tios yë'ë nëjkx jëna'a mtëytyunëtë mëët mëti'ipë mtuuntëpën, jä'ä ko miits jëtu'un yë poky mëët'ajtëp ets ëëts yë yajkutujkpë yë wyintsëntëjk ëxëëk xy'ixtëty. Ya'atë jëtu'un tpatnë tä jeexyë miitsëty kë'ëm të xy'ënëëmëtën etsës ëxëëk xytyuntëty.

Jeremias 42:14

ets m'ëna'antë: Ni'ik'oy koos nnëjkxtëty jap tsënääpyë Egiptë ma ka'ap jyap'atyën yë tsip käjpxy, ma ka'ap nijëna'a yajmëtoyën wi'ix ja'ay xuxn tukxu'uxyën mëti'ipë tsip nyikäjpxypën ets ma ka'ap pën yuu'ookyën,

Jeremias 42:19

Miitsëty nijënu'un mjaakwë'ëmtën yaa Judá, jëtu'un yë Wintsën m'ënë'ëmxëtë ko këtii mnëjkxtëty jap Egiptë. Yajxon tim nijawëtë ets tyam myajtuk'ëwaanëtë.

Jeremias 9:3

Janty jëjp'ijxp tyim'itë ets wyin'ëëna'antë, jëtu'un tä ja'ay muum tyi'pxn tmë'u'unyën janty jëjp'ijxp tyim'ity. Je'eyë ja'ay wyin'ëëntë y'anta'aktë naaxjoty kajpnjoty, ni pën kyamëtyä'äky mëët ja tëyajtën; ni'ikyë mya'taaynyëtë, ëjts ka'apës pën xy'ixy'äty. Jëtu'un ja Wintsën y'ënä'äny.

Números 11:20

Jeky tsyu'utstëty wyëtstëty, jää oy tu'kpo'ojën, koonëm kyu'uxëtëty ets tsyipëtëty. Jä'ä ko ëjts xykyamëj'ijx xykyamëjpëjktaktëp mëti'ipë Wintsën'ajtpën. Ëjts jayajpatpës ma yë'ëjëtyën. E yë'ëjëty ni'ikyë jyänty jyë'ë jyänty myu'utë ets y'ëna'antë: ¿Wi'ix ko ojts n'ëktso'onëmpë jap Egiptë?

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 20:3

tää t'ënëmaaytyë ja Moisés: Nikë tëë jeexyë tyim'oy'äty ko jeexyë të n'o'kta'ayëmë ma ja wintsën tyaj'o'kyën ja may Israel ja'ayëty.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

Hechos 7:39

E ka'ap ja nteety'ajt n'ap'ajtëmë tmëmëtoowtë ja Moisés, ka'ap tkupëjktë wi'ix y'ënä'änyën; ni'ikyë jyawinpitantë jap Egiptë.

Deuteronomio 1:39

E oyëtën miitsëty të m'ëna'antë, ko ja mto'oxytyëjkëty ets ja m'u'unk m'ëna'këty ja mëtsip nëjkx tkë'ë'ampëjkta'ay. Tääpë pi'k'ëna'këty yë'ë nëjkx jam tyëkëtë ma tääpë itjotmën oy ënäty ka'ap oy myäytyë tyajtënëm. Jä'ä ko yë'ëjës yam nmooytyëp ets yë'ë tjä'ä'atëty.