Números 14:29 - Biblia Mixe de Quetzaltepec

²⁹ Tëkokyë yë ye'etyëjktëjk jënu'un të yajjaaypyëtsëmtën ma ja jaaymyujkën ets i'px yë jyëmëjtëty etsës wiinkjaty të xynyimëtya'aktë. O'kta'atëp ënätëty ets ja nyini'kxëty jëtu'unyë kujy jëpipy wyë'ëma'antë yaa të'ëts'itjoty.

Números 14:29 ပူးပေါင်းရင်းမြစ်များ

Números 1:45

ja ye'etyëjktëjk Israel ja'ayëty mëti'ipë naxy ja jyëmëjtëtyën i'px ets jyëkyäjpnëtëp nyëjkxtëty tsiptuunpë,

Hebreos 3:17

¿E pën jëtää ja Tios tyukjoot'anpëjk wëxtyikxy jëmëjt? Yë'ë mëti'ipë pokytyuuntën jam të'ëts'itjotm ets y'o'ktë, ¿këtiijë?

Números 26:64

Ma tääpë jaaymyujkën pyëti'kyën nitu'uk ojts yë xyëëw kyayajpëjkta'aktë jap, mëti'ipë ojts nyokytyëkëtën ma ja Moisés mëët yë Aarón jyääymyujkyën.

1 Corintios 10:5

Oy jyajëtu'unëty, nimay ojts ka'ap tmëmëtowtë ja Tios, paaty ojts y'ooktë jam të'ëts'itjotm.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.

Números 1:46

tëkokyë ya'atë ja'ayëty jä'ä ojts nyiwinë'atë tëtujk mëko'px ja tëkëëk mil ja mëkoxk mëko'px ja kujkm.

Deuteronomio 2:14

Jä'ä xëëw maas ntso'ontën jam Cades-barnea ets koos ntuknajxtë ja Zéred nëë wok, jä'ä ënäty ja xëëw jëmëjt të nyanajxnë i'px majkmokx tëkëëk jëmëjt. Ja jotmëkja'aytyëjkëty ets ja tsip'ixyëtypë tëë ënäty y'o'ktaaynyëtë, jëtu'un tä ja Wintsën ënäty të tnikäjpxyën mëët ja aaw ayuk kutujkënmëëtpë.

Josue 5:6

Yë Israel ja'ayëty wëxtyikxy jëmëjt jam jyëtijtë të'ëts'itjotm, ja ja'ayëty mëti'ipë jap tso'ontën Egiptë tëë ënäty y'o'ktaaynyëtë, mëti'ipë jyëkyäjpnëtëp tsyiptuntëty. Tääpë ja'ayëty ka'ap ënäty të tmëmëtowtë ja Wintsën, paaty ojts yajxon tyim'ënëmxëtë ko ka'ap nëjkx tyëkëtë ma ja it naaxwiinyëtën mëti'ipë të yaj'ëwaanëtën ja y'ap y'okëty ko yë'ë yajmo'oja'antë ja it naaxwiinyëtë ma ja jë'kxy pëky ka'ap y'ëmaaytyä'äkyën.

Salmos 78:33

Paaty yë Tios ojts tpëjktä'äky yë o'kën tëko'oyën ma yë'ëjëtyën, ets juukyajtën jëtu'un kyëxëty nyaxëty tä yë ja'ay myëkxejyën ëtsë'ëkë ituuy.

Ezequiel 20:38

Nyajjëwa'akäämpyës ma miitsëtyën yë käjpxy kumëtoownajxpë ets mëti'ipë ëxëëk ëtëtstëpën ets nyajtso'onta'aja'anyës ma yajpaatën wiink naax wiink kajpn ma tyam tsyëënëtën; je'eyëp ko yë'ëjëty ka'ap tyëkëja'antë ma Israel yë nyaaxjotmën. Ënät xynyijawëtëty ko ëjts Wintsën.

Números 26:65

Jä'ä ko yë Tios tëë ënäty y'ënë'ëmxëtë ko jam nëjkx y'o'kta'atë të'ëts'itjotm. Yi'iyë yë Caleb, yë myaank yë Jefuné ets Josué, yë myaank yë Nun, yi'iyë ojts wyë'ëmtë juukyajtën mëët.

Salmos 106:26

Ënät jyoot'anpëjky ets ojts tnikäjpxy ko yaj'ooka'an yajtëkoya'anëtë jam të'ëts'itjotm,