Números 14:24 - Biblia Mixe de Quetzaltepec

²⁴ Yi'iyë yë ntuunpës Caleb mëti'ipë oy ja jyot wyinma'anyën ets tëë xymyëmëtoyës, jëtu'un ijxtëmës ntukjotkëtä'äkyën. Paaty yë'ë ntuk'ixäämpyës ja it naaxwiinyëtë, mëti'ipë ojts të t'ixy të tunyën ets ja y'u'unk y'ok jam nëjkx tsyënaaytyaknpëktë.

Números 14:24 ပူးပေါင်းရင်းမြစ်များ

Efesios 6:6

Mëtuntë yajxon, këtii jyääyëty ko ënäty jam m'ixëtë ets oy mëët mwë'ëma'antë, nikë mëtuntë ijxtëm ja Kristë yajmëtunyën, ëmuumtu'ukjot ijxtëm ja Tios tsokyën.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënäty tëë ja Tios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Deuteronomio 1:36

Yi'iyë Caleb, yë myaank yë Jefuné, nëjkxëp jam jyä'ty mëët yë y'u'unk tyo'oxytyëjk ets y'u'unk y'ok. Mëët ko yë'ë jëtu'un winë t'ëy tkäjpxy tääjës ntukjotkëtä'äkyën.

Números 26:65

Jä'ä ko yë Tios tëë ënäty y'ënë'ëmxëtë ko jam nëjkx y'o'kta'atë të'ëts'itjotm. Yi'iyë yë Caleb, yë myaank yë Jefuné ets Josué, yë myaank yë Nun, yi'iyë ojts wyë'ëmtë juukyajtën mëët.

Números 13:30

Ënät ja Caleb ojts wya'akë'ëky ets tyaj'ëmoontaay tëkokyë ja naax kajpn, mëti'ipë ënäty jam yajpatëpën ma ja Moisésën ets y'ënäny: Tsojk tääpë yë naax kajpn nitsiptu'unëmë ets njä'ä'ajtmëty. Ëëts'ajtëm xymyä'ämyëp yë'ë ets nmëmëtakmëty.

Colosenses 3:23

Tu'kë'ëyë mëti'ipë mtuuntëpën, tuntë jotkujk, ijxtëm jeexyë ja Tios yë'ë xymyëtuntën ka'apë jyä'äyëtyën.

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

2 Crónicas 25:2

Amasías oy ojts winë tuny Wintsën wyintum, je'eyëp ko yë'ë ka'ap ojts jyot wyinma'any tu'ukyë tpëjktä'äky ma Wintsënën.

1 Crónicas 29:18

Wintsën, Tios mëti'ipë y'ëwtajtën ja Abraham, Isaac ets Israel, ëëts ja n'apteetyëty. Mmëët'atëp xëmë jëtu'unpë jot winma'any oypyë tsujpë ets xoontä'äkpyë ma ja mnaax mkajpnën, ets ja jyot wyinma'any jam xëmë tyaj'itëty ma mijtsën.

1 Crónicas 29:9

Ja ja'ay ojts mëk tukxoonta'aktë, ko ja yajkpë këpäjtpë tmëmintë ja y'ayajk y'ako'onënëty winë aaw winëjot, tukmëyoxtë ja Wintsën. Ja yajkutujkpë David janty jotkujk nyäjya'awëyë.

Deuteronomio 6:5

Tsok jawë yë Wintsën Tios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Proverbios 23:26

U'unk maay, pëjkta'ak yë mjot mwinma'any ma ëjtsën, ets m'oy'ixëp mëti'ipës ntuuntäkpy nkajpxtäkpyën.

Salmos 119:145

Wintsën, mijts nmëkäjpxyp winë aaw winëjot; ëtsoowkës, yë m'ënä'ämën mtëyajtën npatunäämpyës.

Números 14:30

Yi'iyë yë Josué ets Caleb jam nëjkx jya'të ets miitsëty nitu'uk nëjkx jam nkatëkëtë ma ja itjotmën mëti'ipë ntukwinwa'anëtyën mëët ja oyajtën xoontakën.