Números 14:21 - Biblia Mixe de Quetzaltepec

²¹ E yë'ë tëy yajxon nyijawëtëp, ko jëtu'un tääjës njuukyëtyën ets jëtu'un tääjës yë nmëj'ajt n'oyajtën y'ityën naaxwiiny naaxkëjxy.

Números 14:21 ပူးပေါင်းရင်းမြစ်များ

Habacuc 2:14

Ets nëjkx ja naaxwiinyëtë tyuktujkta'ay mëët ja Wintsën ja myëj'ajt y'oyajtën, jëtu'un tä yë mëjnëë kyomyën.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Isaías 49:18

Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Deuteronomio 32:40

Tyamës yë nkë'ë nxajë'ëky etsës yam nikäjpxy maas ëjts kë'ëyxyëëw kë'ëyjyëmëjt njuuky'ätyën.

Mateo 6:10

Yajmin ja mkutujkën. Wä'än tunyë tjatyë naaxwiiny tä mijts të xytyuknipëjktaakën jam tsajpjotm.

Ezequiel 33:11

E ëjts Wintsën, njuukyajtënës yam ntukkajpxpejtyp ko ëjts ka'apës ntsoky ets ëxëëk ja'ay y'ookëty, yë'ëjës ntsojkpy ets jyuukyajtën tyajtëkatstëty ets jyuuky'atëty. Miitsëty Israel ja'ayëty ëxmatstë tääpë ëxëëk juukyajtën. ¿Tii ko m'ooktëty?

Ezequiel 18:3

Ëjts Wintsën, njuukyajtënës yam ntukajpxpejtyp ets jëtu'unës n'ëna'any; ko ka'ap ya'atë aaw ayuk nijëna'a y'ëkyajkajpxnëty ma Israel kajpnën.

Ezequiel 5:11

Ëjts mëti'ipë Wintsën'ajtpën, ëjts ënaanp ets nkë'ëmjuukyajtënës yam ntukajpxpejtyp: Jä'ä ko miitsëty tëë yë ntsajptëjkës xyaj'ëxëëkëtë mëët yë awinax ka'apë ëxëëkpë ets aakjä'ä të xytyuunëtë, mëti'ipë yaj'ëxëëk'ijxpën, näjyëtu'un miitsëty nyajkutëkoyantëp yam ka'ap mpa'ëyowa'antë.

Ezequiel 33:27

M'ënëëmëp näjyëtu'un: Jëtu'un yë Wintsën y'ënä'äny: Njuukyajtënës yam ntukkajpxpejtyp etsës n'ëna'any: ko yë ja'ayëty mëti'ipë tsënaaytyëpën maajaty yë naax kajpnën, xit ko'ow të jyajta'atë, nëjkxëp ja'ay yaj'ookëtë, e mëti'ipë tsënaaytyëpën kamjoty nëjkxëp tsyu'tsta'ajëtë ja jëyujk ëwa'anëtypë, e mëti'ipë aankjoty ets tsaajoty tsënaaytyëpën yuu pa'am yaj'ookanëtëp.

Jeremias 22:24

Jëtu'un ja Wintsën t'ënëmaay ja Jeconías, yë Joaquim yë myaank mëti'ipë jam Judá yajkutujkpën: Yë njuukyajtënës kë'ëm ntukajpxpejtyp etsës n'ëna'any: Oyxyëp jeexyë mijts jëtu'un mtimyajpatpë nkë'ëkëjxyës tä tu'uk kë'ëjiitsën mëti'ipë ja'ay tyuknokytsyääpyën, mijts je'eyëm njëpëka'any maajës yë nkë'ëjën

Números 14:28

Nëjkx ënëëmëtë ko ëjts yam ënaanp: Ëjts, mëti'ipë Wintsën'ajtpën, njuukyajtënës yam kë'ëm ntukajpxpejtyp ets jëtu'un mjatëty mkëpätëty tääjës të nmëtoyën mkajpxtën mmëtya'aktën.

Éxodo 9:16

E ëjts tëëjës nyajkutuky ets mjuuky'atëty ets xy'ixëty wi'ix'äämpy ëjts yë mëk'ajtën nmëëtëtyën ets jëtu'un akäjpxy n'itëtyës oy tyimmaajëty.

Salmos 57:6

Yë nmëtsiptëjkës kanaakjëjp yë winma'any të t'ixta'atë mëti'ipës jeexyë ëxëëk xyajjajtp xyajkëpäjtpën; tëës xynyëë'ëtuk xytyu'u'ëtuktë, e yë'ë kë'ëm ëxëëk të jyat të kyëpätë.