Números 14:2 - Biblia Mixe de Quetzaltepec

² Ets tyëjkëtyë ëëpë kajpxpë. Jä'ä ja Moisés ets ja Aarón wiinkjaty nyimëtyaktëp, tyaa y'ëna'antë: Ni'ik tëë jeexyë y'oyë, ko jeexyë jap Egiptë ëkë yaa të'ëts'ituuy ntimy'o'këmë.

Números 14:2 ပူးပေါင်းရင်းမြစ်များ

1 Reyes 19:4

E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Job 3:11

¿Wi'ixës ko ojts nkatimy'ooky ntaakës jyootjoty, ëkë maas ënäty jam ntimmyinyën naaxwiiny?

Salmos 106:24

Wäänë y'ijty, tääts tu'uk yë naax kajpn janty'oy janty tsujpë ojts t'ixtijtë, ka'ap tmëpëjktë mëti'ipë ënäty ja Tios të tyukwinwanëtën,

Salmos 106:25

jap ma ënäty y'itën tsyëënëtën ëxëëkjaty ja Tios jap tnikäjpxy tnimëtyaktë ets ka'ap tmëmëtoowtë mëti'ipë jayajtuk'ënä'ämtën.

Salmos 106:45

ënäty ojts tja'amyetsy ja käjpxytyu'unën mëti'ipë ënäty mëët të tunyën, tää tyajtëkajtsy ja jyot wyinma'any, jä'ä ko yë tsyojkën jya'awën ni'ik myëj kyëjääjëty.

Éxodo 14:11

Tä t'ënëmaaytyë ja Moisés: ¿Tii o'kpë jut jëtää ënäty jap ka'ijtpë Egiptë ets yaa muum nmi'inmëty o'kpë tëkoopyë yaa wintë'ëtstuuyë? ¿Tiis ko jëtu'un xytyuntë? ¿Wi'ixës ko të xyajpëtsëmtë jap Egiptë?

Éxodo 15:24

Ënät ja ja'ayëty ojts tyëkëtë kajpxpë, je'eyë ja Moisés tjantynyi'ojëtë ets t'ënëmaaytyë: ¿Tiitën ëëts ënät n'uuktëp?

Éxodo 17:3

Ja naax kajpn yajxon ënäty jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

Jonás 4:8

Ko ja xëëw pyëtsiimy, ënät ja Tios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Números 11:1

Ënät ja Israel ja'ayëty ojts jatëkok wiinkjaty tyëkëtë kajpxpë ma ja Tiosën. Mëët ko mëk tjawëtë ja ëyo'on, mëti'ipë myënajx yajnajxtëpën. Ko Tios jëtu'un tmëtooy, ojts jyoot'anpëky. Ënät tkejxy ja mëj jëën jam pë'am ma mayjyä'äy tsyëënëtën.

Números 11:15

Pën jëtu'un xyajtuna'anyës, ni'ikë tim yaj'o'kës pën xy'oyjya'apës. Jëtu'un ka'ap ëyo'on jotmay nyajnaxëtyës.

Números 11:5

Yajxon yaja'amyäjtsnë wi'ix ijty jap ntsu'tsëmën yë nëë jëyujk Egiptë. Ets näjyëtu'un wi'ix ijty jap një'kxëmën yë ujtstëëm, këtsi'ixyëty, cepollëty ets ëxuxëty.

Números 14:1

Ënät ja Israel ja'ayëty tyëjkëtyë jëëpyë yaxpë, jëtu'un ja tsuu tyajnajxtë.

Números 14:22

Yë ja'ayëty mëti'ipë tëë tja'ixtën yë nmëj'ajt n'oyajtënës ets mëti'ipës të nyaj'ixyën jap Egiptë ets yaa të'ëts'ituuy. Ets je'eyë janaam jatsojk xywyinma'any'ixtës ets ka'ap tuntë mëti'ipës njani'ënä'ämëpën.

Números 16:13

¿Wi'ix namaa natiijën xy'ixy xyjyawë, koos jap të xyajpëtsëmtë ma ja jë'kxy pëky ka'ap y'ëmaaytyä'äkyën, etsës yaa xyaj'ooka'antë të'ëts'ituuy, ma näjyëtu'un mijts wintsënën mnäyaj'ita'anyë ma ëëtsëtyënë?

Números 16:41

Komjëpom, ënät ojts ja mayjyä'äy tyëkëtë ëëpë kajpxpë. Yë Moisés ets Aarón, yë'ë tyätynyi'ojëtyëp ets y'ëna'antë: Miitsëty je'eyë nëkoo Tios yë nyaax kyajpn xyaj'o'këtë.

Números 17:6

Ënät ojts ja Moisés t'ëwaanë ja Israel ja'ayëty ets nitu'ukjaty ja mëjja'aytyëjkëty ojts tjantymyëmintë ja tyajkëty këëktu'uk, majkmäjtsk ojts kyä'pxy. Ja Aarón tam ja tyajk näjyëtu'un yajpaaty.

Números 20:2

Ka'ap ënäty jam maa nëë, ënät ja ja'ayëty tyu'ukmujktaaytyë ets ja Moisés mëët ja Aarón tukmëkajpxa'antë,

Números 20:3

tää t'ënëmaaytyë ja Moisés: Nikë tëë jeexyë tyim'oy'äty ko jeexyë të n'o'kta'ayëmë ma ja wintsën tyaj'o'kyën ja may Israel ja'ayëty.

Números 20:4

¿Tii ko Tios yë nyaax kyajpn të xyajmiintëpë yaa ma y'anë'ëk tyëëtsë'ëkëtyën? ¿Ëkë yë'ëjën mtsojktëp etsës näjyëtu'un n'ooktëty yaa mëët yë njëyujk ntsajpkaajëtyësë.

Números 21:5

Ënät tyëjkëtyë kajpxpë, jä'ä ja Tios nyi'ojëtyëp ets ja Moisés, jëtu'un y'ëna'antë: ¿Tiijën koos të xy'ëkyajpëtsëëmtëpë jap Egiptë? ¿Jä'äkyëjxm të xyjyuutës ets yaa të'ëts'ituuy n'ooktëtyësë? Ni kääky ni uuky yaa kya'ity, ya'atë jë'kxy tëëjës xynyatsyijpnëtë.

1 Corintios 10:10

Ka'ap ja Tios yë'ë ntukjoot'anpëjkmëty, ijxtëm jënaakën y'ëtëtstën, tyukjoot'anpëjktë ja Tios ets ojts yaj'ookëtë ja tsajpjotmëtë kukäjpxy yajja'ay'o'kpë.

Deuteronomio 1:27

Ets ma ja mjëën mtëjkëtyën, ojts mtëkëtë ëëpë kajpxpë ets m'ënantë: Yë Wintsën ka'ap yowë xytsyojkëmë. Paaty të xyjyu'tëmë jap Egiptë ets yaa të xyajmi'inëmë, ma Canaán ja'ayëty yë nyaaxjotëtyën ets ënät yë Amor ja'ayëty xyaj'o'ktä'ämyëty.

Deuteronomio 9:23

E ko yë Wintsën ojts tni'ënä'ämë ets jam mtsoontëty Cades-barnea ets mnëjkxëty ma ja it naaxwiinyëtë mo'oja'anëtën, miitsëty ka'ap ojts xymyëmëtowtë, ka'ap xymyëpëjktë mëti'ipës ojts tjanikäjpxyën.

Hebreos 3:16

¿Pën ojts ja Tios tnipëtë'ëktë oy tjamëtoowtë ja y'aaw y'ayuk? Yë'ë mëti'ipë ja Moisés wyoowpëtsëëmën jap Egiptë, ¿këtiijë?

Judas 1:16

Yë jëtu'unpë ja'ayëty, nitii tkatukjotkëta'aktë, je'eyë nëkoo nyä'ämtë, aak nänyi'ojë tii tpëjkta'aktë, yi'iyë tyukjotkëtaktëp mëti'ipë kë'ëm tsyojktëpën; amëj akëjxm tii tkajpxtë, je'eyë ja Tios nëkoo tukajpxpätë ets yajputëkëtëty.