Números 14:13 - Biblia Mixe de Quetzaltepec

¹³ Ënät yë Moisés t'ëtsooy yë Wintsën: Mijts, mëët tu'uk yë mëk'ajtën të xyjyuuty ya'atë naax kajpn jap Egiptë. E ko yë Egiptë ja'ayëty nijawëtëty, mëti'ipë mijts mtunäämpyën.

Números 14:13 ပူးပေါင်းရင်းမြစ်များ

Salmos 106:23

Ojts yë Tios tjanikäjpxy ko ënäty yajkutëkoya'anëtë, e yë Moisés mëti'ipë wyin'ijxën, yë'ë ojts tuktëkë ets ja Tios ja jyoot'an xye'emy, jëtu'un ojts ka'ap kyutëkooynyëtëpë.

Ezequiel 20:9

E ëjts kë'ëmës ojts nämyëmay nämyëtajyë ets ka'apës ja nxëëw nyajnipäxëtëkëjany, këtiipë tëkatsy nwë'ëmëtyës ma ja wiinkëtypë ja naax kajpnën ma ënäty yë'ëjëty jyuuky'atën; jä'ä ko tëëjës ënäty ja wiinkëtypë ja naax kajpn ntukmëtoy koos ja Israel kajpn nyaj'ëwaatsëpëtsëma'any jap Egiptë.

Deuteronomio 32:27

e ëjts ka'apës tu'ukyë njoot'anpëky, ënätës jatëkok nmayä'äny ntaja'any ka'ap yowë jëtu'un tyim'oy'atëty koos yë nmëtsip ntimyajxoonta'akëty. Ka'apës ntsoky ets mëj këjxm nyäjyawëtëty, ëkë y'ëna'antëty: Ix ënät ëxëëk jyajnëtë kyëpäjnëtë yë Israel ja'ayëty, ëëtsajtëm jëtu'un o'ktëy të ntu'unëmë, ka'ap yë'ëjëty yë Wintsën.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënäty të t'ixtën koos jap Egiptë nyajpëtsëëmtë.

1 Samuel 12:22

Jä'ä ko yë Wintsën mëti'ipë ënäty m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.

Jeremias 15:1

Jëtu'unës yë Wintsën të xy'ënëëmë: Oyxyëp yë Moisés ets Samuel yë'ë yaa xyjyatimnyimiintëpës, ëjts ka'apës tääpë kajpn npa'ëyowa'any. Ënëëmë wä'än xywyinwa'ktu'utës, wä'än tnëjkxtë.