Números 13:8 - Biblia Mixe de Quetzaltepec

⁸ Oseas, yë myaank yë Nun, mëti'ipë jyä'äy'äjtypyën yë Efraín

Números 13:8 ပူးပေါင်းရင်းမြစ်များ

Números 11:28

Ënät yë Josué y'ënäny, yë myaank yë Nun, mëti'ipë ënäty mutsknëm të tyuuntsoonyën mëët yë Moisés: Wintsën Moisés tun yë mëyajtën ets këtii jëtu'un kyajpxtëty.

Éxodo 24:13

Ënät ja Moisés pyëti'ky ets ojts jam pyety ma ja Tios ja kyopkën, ojts pyanëjkxyë ja Josué mëti'ipë ijty xëmë jämyëët'ajtëpën.

Josue 1:16

Ënät y'ëtsoowtë: Oy'atëp, ëëts ntunantëpës yam mëti'ipës xytyuk'ënä'ämtëpën, oyës maa xytyim käxtëty nëjkxtëpës jam.

Deuteronomio 34:9

E yë Josué yë myaank, yë Nun, tëë ënäty yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënäty ja Moisés ja kutujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënäty të tyuk'ëne'emyën ja Wintsën.

Deuteronomio 32:44

Ënät ja Moisés mëët ja Josué ojts jam nyäwya'këxë'ëkëtë ma ja mayjyä'äyën, ma ënäty ja Israel ja'ayëty të nyiye'eypyäjta'atën. Ets ja Moisés mëët yë Josué, yë myaank yë Nun ojts nimäjtsk t'ëwtë ja ëy mëti'ipë ja Moisés jyääyën, ix'ajp ojts t'ëëwtsoontë ets jëtu'un tyajjëjpkëjxtë.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

Deuteronomio 31:14

Ënät yë Wintsën t'ënëmaay yë Moisés: Ëk'ix wäänë jyaak itëty ets m'o'knëty, paatykyëjxm, mëkajpx yë Josué tääts jam nimäjtsk mnëjkxtëty ma ja wit tëjkën ma näpyaatë y'ityën ets ntuk'ëwaanëtëty tii mtuntëpën. Ënät yë Moisés ojts tmëkäjpxy yë Josué ets ojts nimäjtsk nyëjkxtë ma ja wit tëjkën ma näpyaatë y'ityën mëët yë Tios.

Números 13:16

Ya'atë ja'ay të yajnikajpxtën, yë'ë ojts yë Moisés tkexy jam ma Canaán ja nyaaxjotmën ets t'ixtëty tuntëty. Ja mëti'ipë xyëëwajtypyën Oseas ojts ja xyëëw twinkuwijtsëyë ets jä'ä ojts tijy Josué.

Éxodo 32:17

Ko ja Josué tmëtooy ko nëkooyë ja mayjyä'äy yaxnëtë jyojknëtë, ënät t'ënëmaay ja Moisés: Jëtu'un yajmëtoy ja'ay yowë tsiptuuntëp ma Israel ja'ayëty jap tsyëënëtën.

Números 13:7

Igal yë myaank yë José, mëti'ipë jyä'äy'äjtypyën yë Isacar.

Números 13:9

Paltí, yë myaank yë Rafu, mëti'ipë jyä'äy'äjtypyën yë Benjamín.

Josue 19:50

Jëtu'un tä ënäty ja Wintsën të tni'ënä'ämën yë'ë ojts tmo'otë ja kajpn mëti'ipë xyëëwajtypyën Timnat-sérah, jam wyi'imy ma ja kopkjotmën mëti'ipë yë Efraín jyä'äy nyitënääpyën, mëti'ipë ojts yë Josué t'amëtoyën. Ja Josué ojts tampë ja kajpn tkoj'oyë ets jam tsyënaaytyaknpëjky.