Números 13:32 - Biblia Mixe de Quetzaltepec

³² Ënät t'ënëmaaytyë ja myëku'uktëjk Israel ja'ayëty. E komë tääpë ja'ayëty mëti'ipë ënäty ojts të t'ixtën, ka'ap ënäty oy ja jot winma'any tmëët'atë, paaty y'ënantë: Ma ja it naaxwiinyëtën mëti'ipës ojts të n'ijxtën, jam pojën jam yë ja'ay y'ooktë. Näyjyëtu'unës të n'ixtë ja ja'ayëty mëti'ipë jam tsënaaytyëpën, këjxmëty kyëxë'ëktë.

Números 13:32 ပူးပေါင်းရင်းမြစ်များ

Amós 2:9

Ëjts, ojtsës yë Amor ja'ayëty nyajkutëkoy ets miits mnaxtëty; oy ënäty jëtu'un jyakëjxm'atë tä yë ajë kepyën ets tä yë piitskepyën kepyën.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kutujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

1 Crónicas 20:6

Ojts jam Gad wiinkpë tsip y'ity. Jam ijty tu'uk ja'aypyajkyeny yajpaaty, i'px majktaxk yë kyë'ëwa'axy tyekywyä'äxy: Tëtujkjaty ma kyë'ëjën ets tëtujkjaty ma tyekyën. Näy yë'ë pajkyenyjyä'äy ja myëku'ukëty,

2 Samuel 21:20

Jam Gad, jam wiinkpë tsip y'ijty; jam ijty tu'uk yë filistejë ja'ay, ëxëëk këjxm tyänë, jä'ä yë kyë'ëwa'axy ets tyeky wa'axy wyinë'aty i'px majktaxk: Tëtujkjaty ja kyë'ëwa'axy ma tu'ukpë ja kyë'ëjën ets näjyëtu'un ja tyekywyä'äxy,

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Números 13:28

E ja ja'ayëty mëti'ipë jam tsënaaytyëpën janty amaj kë'ëmajëty yaj'ixtë. Yë kajpn mëjjëty oy ets aak napotsyëty. Ets ka'ap yi'iyëty, tëëjës jam n'ixtë yë Anac yë y'u'unk y'ok, mëti'ipë pajkyenyëtyën.

Salmos 106:24

Wäänë y'ijty, tääts tu'uk yë naax kajpn janty'oy janty tsujpë ojts t'ixtijtë, ka'ap tmëpëjktë mëti'ipë ënäty ja Tios të tyukwinwanëtën,

Ezequiel 36:12

Nëjkxëp yë nnaax nkajpnës nyäxy tyëkë ma miitsëtyën tun kopk, mëti'ipë yajpatëpën ma Israel kajpnën ets nëjkx yë'ë tjä'ä'atë ja it naaxwiinyëtë ma miits myajpaatën ets yë'ëjëty ka'ap nëjkx u'unktuk y'ëk'ijnëtë.

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënäty yë'ëjëty jyä'ä'ajtëpën.