Números 13:31 - Biblia Mixe de Quetzaltepec

³¹ E ja mëti'ipë ënäty të pya'otsëtën ënät ojts y'ëtsowtë: Ka'ap tääpë ja'ay tjëkyepy nipëtë'kmëty. Yë'ëjëty mëk ni'ikëty, këtiinëm ëëts'ajtëmë.

Números 13:31 ပူးပေါင်းရင်းမြစ်များ

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Josue 14:8

Mëti'ipës ojts mëët nwinpijnëtën je'eyë ojts nëkoo ja naax kajpn t'ëtsë'ëkëtë, e ëjts tu'ukyës ja njot nwinma'any npëjktäky ma Wintsënën.

Hebreos 3:19

Jëtu'unts nwinja'awëmëty ko paaty ka'ap tyëjkëtyë jä'ä ko ka'ap myëpëjktë.

Números 32:9

Ojts jampaat jya'të ma tu'uk mëj joyën jam Escol ets t'ijxtë tuuntë ja it naaxwiinyëtë. E ko ojts wyimpijnëtë wiinkjaty ja Israel ja'ayëty tmëmëtyaktë ets tyajjoot'amutskëtyë këtiipë jya'tëty ma ja it naaxwiinyëtën mëti'ipë ënäty ja Tios të myo'ojëtën.

Deuteronomio 9:1

Mëtoow'itë tyam miitsëty Israel ja'ayëty, tëë jëtu'un ja xëëw jëmëjt tpaaty ets xytyuknaxtëty ja mëjnëë mëti'ipë yajtijpën Jordán; niwa'kta'atë ja naax kajpn mëti'ipë mëjjëtyën këjääjëtyën këtiinëm miitsëty, mëti'ipë ja kyajpnëty këjxmëty ets mäjpxyëty nyapotsyëtyën.

Números 13:30

Ënät ja Caleb ojts wya'akë'ëky ets tyaj'ëmoontaay tëkokyë ja naax kajpn, mëti'ipë ënäty jam yajpatëpën ma ja Moisésën ets y'ënäny: Tsojk tääpë yë naax kajpn nitsiptu'unëmë ets njä'ä'ajtmëty. Ëëts'ajtëm xymyä'ämyëp yë'ë ets nmëmëtakmëty.

1 Samuel 17:33

Jëtu'un ja ijty, je'eyëp ko ka'ap tjëkyepy atu'uk xywyinkuwa'akëty tääpë filistejë ja'ay, jëtu'un y'ëtsooy yë Saúl, ix mijts ëmuumnën mutskëty, e yë'ë tsiptuunk të tukjuuky'äty.

Números 32:7

¿Wi'ix ko jëtu'un mmaytyë mtajtë ets ja naax kajpn je'eyë xyajjotmaytyëkëja'antë. Këtiipë jya'tëty ma naax kajpnën mëti'ipë ja wintsën të myo'ojëtën?