Números 13:30 - Biblia Mixe de Quetzaltepec

³⁰ Ënät ja Caleb ojts wya'akë'ëky ets tyaj'ëmoontaay tëkokyë ja naax kajpn, mëti'ipë ënäty jam yajpatëpën ma ja Moisésën ets y'ënäny: Tsojk tääpë yë naax kajpn nitsiptu'unëmë ets njä'ä'ajtmëty. Ëëts'ajtëm xymyä'ämyëp yë'ë ets nmëmëtakmëty.

Números 13:30 ပူးပေါင်းရင်းမြစ်များ

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Números 14:24

Yi'iyë yë ntuunpës Caleb mëti'ipë oy ja jyot wyinma'anyën ets tëë xymyëmëtoyës, jëtu'un ijxtëmës ntukjotkëtä'äkyën. Paaty yë'ë ntuk'ixäämpyës ja it naaxwiinyëtë, mëti'ipë ojts të t'ixy të tunyën ets ja y'u'unk y'ok jam nëjkx tsyënaaytyaknpëktë.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

Salmos 60:12

Mëët ja Tios ja nyäpyutëjkën jyëkyejpy wi'ix tii mëj këjää ntu'unmëty; jä'ä ko yë'ë jëtu'unyë tnaxkutäänëja'any ja nmëtsip'ajtëmë.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Tios ënäty të tyukwinwanëtën, ko ja kaa të tyajmujkëtë ja y'aaw,

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Números 13:29

Maa ja it naaxwiinyëtë txëëwatyën Négueb, yë'ë jam tsënaaytyëp yë Amalec ja'ayëty. E ma ja it naaxwiinyëtën mëti'ipë kopkjotmën, yë'ë jam tsënaaytyëp yë Hit ja'ayëty, Jebús ja'ayëty, Amor ja'ayëty, e ma mëjmejyën ets Jordán mëjnëëjën, yë'ë jam tsënaaytyëp yë Canaán ja'ayëty.

Números 13:31

E ja mëti'ipë ënäty të pya'otsëtën ënät ojts y'ëtsowtë: Ka'ap tääpë ja'ay tjëkyepy nipëtë'kmëty. Yë'ëjëty mëk ni'ikëty, këtiinëm ëëts'ajtëmë.

Números 34:19

Ya'atë ja'ayëty nëjkx xyaxtsowtë: Ma Judá yë jyä'äyën yë'ë nëjkx xywyoowtsowtë yë Caleb, Jefuné yë myaank.