Números 13:28 - Biblia Mixe de Quetzaltepec

²⁸ E ja ja'ayëty mëti'ipë jam tsënaaytyëpën janty amaj kë'ëmajëty yaj'ixtë. Yë kajpn mëjjëty oy ets aak napotsyëty. Ets ka'ap yi'iyëty, tëëjës jam n'ixtë yë Anac yë y'u'unk y'ok, mëti'ipë pajkyenyëtyën.

Números 13:28 ပူးပေါင်းရင်းမြစ်များ

Deuteronomio 1:28

E tyam, ¿maa ënät nëjkxmëty? Yë nmëkukajpn'ajtëmë jëtu'un y'ëna'antë, ko ma tääpë itjotmën tam yë ja'ayëty mëti'ipë mëkëtyën ets këjxmëty tyänëtë. Ets nyaax kyajpnëty ta'tspëky oy nyapotsy'atë ets näjyëtu'un nikajpxtë, ko tëë t'ixtë yë y'u'unk y'ok yë ja'aypyajkyeny Anac. Tääpë aaw ayuk jëtu'unyë të xy'ëtsë'këtyä'äyëmë.

Josue 11:22

Ka'ap ojts nitu'uk wyi'imy ja y'u'unk y'ok ja ja'aypyajkyeny Anac ma ja Israel ja naaxwiinyëtë ojts tniwä'äkyën. Ja ja'aypyajkyeny Anac ja y'u'unk y'ok jämyë ojts wyë'ëmtë ma ja Gaza, Gad ets Asdod kajpnën.

Números 13:33

Tëës jam n'ixtë yë ja'aypyajkyenyëty, yë Anac y'u'unk y'ok. Koos të n'awa'kmuktë mëët, ëëts janty pixkën të ntimnyäyjyawëtës ma yë'ëjëtyën ets yë'ëjëty janty pixkën të xytyim'ixtës.

Josue 15:14

Caleb ojts jam t'ëxwojpta'ay nitëkëëk ja Anac pajkyeny yë y'u'unk y'ok mëti'ipë ënäty mëj'äämpy ijtëpën ma tampë ja it naaxwiinyëtën, jä'ä txëëwatë: Sesai, Ahiman ets Talmai.

Deuteronomio 3:5

Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.

Deuteronomio 2:21

Mëj kajpn ënäty jam yajpatëp ets nimayjyä'äy jam tsënaaytyëp. Yë ja'ayëty jampë yajpaatën janty këjxmëty ijty tyänëtë ets mëkëty, jëtu'un tä yë ja'aypyajkyeny Anac yë y'u'unk y'okën, e yë Wintsën ojts tyajkutëkoy tääpë naax kajpn, ma ojts yë Amón ja'ayëty myëta'aktën ets jam tsyënaaytyaknpëjktë.

Jueces 1:20

Yë Caleb yë'ë ojts tjä'ä'aty yë Hebrón kajpn, jëtu'un të ënäty ja Moisés të t'akäjpxyën; yë Caleb ojts jam twojpëtsëëmta'ay nitëkëëk ja Anac ja y'u'unk y'ok.

2 Samuel 21:16

jam tu'uk yë ja'ay mëti'ipë xyëëwajtypyën Isbi-benob, ja'aypyajkyeny ënäty, yë'ë ojts yë David tjayaj'ooka'any ko t'ijxy tëë y'ënu'kxënyë; jä'ä kyu'umën jye'emtyëty i'px majk tsimën ets tam tu'uk yë yenypyujxn t'ëxwëën'aty jemypyë.

Josue 14:12

Paaty yam mijts n'ënëëmë, etsës xymyo'ojëty ja kopkjot mëti'ipës ja Wintsën ojts xytyukwinwanën. Mijts mnija'ap wa'ats ko yë'ë jam tsënaaytyëp yë Anac pajkyeny yë y'u'unk y'ok ets nyaax kyajpnëty ta'tspëky nyapotsy'atë. Yë Wintsën yë'ëtsës xypyutëkëp etsës jam ntëkëty, etsës n'ëxwojpta'ajëty yë ja'ay jampë tsyëënëtën, jëtu'un tä yë'ë të y'ëne'emyën.